Burcad badeed

Mid kamid ah Maraakiib lagu haysatay xeebta degmada Eyl ee maamul goboleedka Puntland ayaa lagu soo warramayaa in la siidaayey, kaddib markii burcad badeedii haysatay la siiyay lacag madax furasho ah oo ka badan hal Milyan oo dollar-ka Maraykanka ah.  Nuux Muuse Birjeeb oo warbxin arintaas khuseeysa Garoowe nooga soo diray ayaa sheegaya in bixinta madaxfurashadaas aan si madaxbannaan loo xaqiijinin. 

Markabka la sii daayay iyo burcad-baddeediiba xalay ayay meelo kala duwan u shiraacdeen, sida uu VOA-da u sheegay guddoomiyaha degmada Eyl Md. Cabdullahi Saciid Aw-Yusuf. 

Waxa wali xeebaha Eyl afduub loogu haystaa markab kale oo laga leeyahay Jarmalka, kaasoo isagana, sida la filay, ay burcadeeddu madax-furasho uga fadhido.