 |
| Ciidamada Itoobiya |
Itoobiya ayaa sheegtay in ciidamadeedu ay ku dileen 71 ka tirsan dagaalyahannada islaamiyiinta iyo hogaamiyayaashooda, kadi hawl-gal wada-jir ah oo ay wada fuliyeen ciidamda dawladda Soomaaliya.
Warbaahinta dalka Itoobiya ayaa maanta ku warantay in hawl-galkan wadajirka ah oo la qaaday bishii June looga gollahaa in lagu joojiyo waxa ay ugu yeereen guluf qorshayan oo argagixisadu damacsanaayeen in ay bilaabaan agagaarka Matabaan iyo Guri-ceel.
Wararku waxay sheegeen in 13 ka mida dadka la dilay ay ahaayeen hogaamiyayaasha Midowga Maxaakimta Islaamiga ah ama ay ka tirsanaayeen kooxda xag-jirta ee Al-Shabab.
Warku waxa ay intaa ku dareen in mid ka mida raggaa la dilay uu ahaa Gaashaanlle Sare Somaali ah, haysta dhalashada Canda, kaasoo magaciisu uu ku jiro liiska argagixisada caalamiga ah. Wakaaladda wararka ee Reuters ayaa ka soo xigatay afhayeen ka tirsan Islaamiyiinta oo lagu magacaabo Sheekh Abdiraxman Ciise Caddow in todoba qof kaliya ay ku dhimatay sagaal kalena lagu dhaawacay dagaalladaas.
Afhayeenku waxa uu beeniyay in kooxaha dagaalada wada uu ku jiray nin Canada u dhashay oo gaarsiisan darajada Gaashaanlle sare. Ciidamada Itoobiya waxa ay Soomaaliya galeen laba sano waqti haatan laga joogo, si ay dawladda ku meel-gaarka ah gacan uga siiyaan dagaalka ay kula jirto dhaq-dhaqaaqa Islaamiyiinta oo ku hanjabay in ay dalka la wareegi doonaan.
Tan iyo wixii xilligaa ka dambeeyay, dagaallada waxaa ku dhintay kumanaan Soomaali ah, wax ka badan hal milyanna waa ay barakiciyeen.
Hadaba, sheegashada dawladda Itoobiya iyo dagaalada dhacay waxaan ka waraysanay Xog-hayaha Arimaha Gudaha ee ururka la magac-baxay sbahaysiga dib-u-xoreeynta Soomaaliyeed Cumar Xaashi Aadan.
Wariye Haaruun Macruuf oo ka tirsan VOA-da ayuu ku qirtay in dagaaladaasi ay dheceen saraakiil sarena uga dhinteen dhinacooda.
Waraysigan oo dhamaystiran fadlan halkaan ka dhagayso.
Ilo lagu kalsoonyahay xaga wararka 
E-mail ku dir qoraalkan
La daabacan karo
