Voice Of America

Barnaamikayaga Martida Maykarfoonka waxa todobaadkan marti noogu ah Wasiirka Wasaaradda Gaashaandhigga ee dowladda Federaalka ee KMG ah ee Soomaaliya, Mr. Muxyadiin Maxamed Xaaji Ibraahim.

Waxayaabaha uu Wasiirka ka waramey waxa ka mid ah, Sababta ciidamada Dowladda Soomaalidu ay ilaa iminka lugaheeda ugu istaagi la’dahey iyo waxayaabaha u saamixi waayey wasaaradda Gaashaandhigga in ay gaarto mowqif ay ciidamadoodu noqdaan kuwa si joogta ah uga hawlgala goobihii loogu talagaley.

Sidoo kale waxa wasiirku ka jawaabey su’aalo la xiriira waxyaabihii isaga iyo saraakiil kale oo ka tirsan  millatariga Soomaaliya ay kala soo kulmeen ama kala soo hadleen madaxda Itoobiya, markii ay dhawaan waddankaas booqdeen.

Waxa intaas dheer, in sidoo kale Wasiirka Gaashaandhigga uu jawaabo ka baxshey is-xisaabin todobaadkan xubnaha baaralamnku ay Wasiirka waxa kaga weydiiyeen dhaliilo ku xiriira howlqabadka Wasaaraddiisa.