 |
| Ciimada Maxaakimta Islaamiga |
Wararka ka imaanaya gobolka Shabeellada Dhexe ayaa
sheegaya in maleeyshiyooyin ka kala tirsan labada garab ee Isbahaysiga
Dib-u-xoreeynta Soomaaliya ay ku dagaalameen magaalada Jawhar ee xarunta u ah
gobolkaas.
Ugu
yaraan laba qof ayaa ku dhaawacantay dagaalkas. Warku waxa uu intaa ku darayaa in dagaalku ka dhashay kadib markii
ay soo baxeen warar sheegaya in magaalada la keeni doono ciidamo isku dhafan oo
ka kala socda xukuumadda ku-meel-gaarka ah iyo garabka Jabuuti ee Isbahaysiga
Dib-u-xoraynta Soomaaliya. Ma jiraan
warar madax bannaan oo arintaas xaqiijinaya.
Waa markii ugu horeeysay ee xoogagga ka tirsan
mucaaradka hubaysan ee dhawaantan ku kala qaybsamay ay isku dhacaan. Heshiis ay dhex-dhexaadiye ka ahayd Qaramada
Midoobay ayay bishii June magaalada Jabuuti ku gaareen xukuumadda federaalka
iyo Isbahaysiga Dib-u-xoraynta, kaas oo keenay in ay kala qaybsamaan
Isbahaysiga, iyada oo garabka xag-jira ee fadhigiisu yahay Asmara ku dhaarteen
in ay dagaalka sii wadi doonaan.
Wararka aad ku kalsoon tahay
E-mail ku dir qoraalkan
La daabacan karo
