 |
| Amnesty International |
Hay’adda Caalamiga ah ee
Xuquuqda aadanaha, Amnetsy International ayaa sheegtay in tira ka badan 130 qof
oo ah shaqaale maraakiib saaran yihiin ugu yaraan sagaal markab oo lagu haysto
xeebaha Soomalaiya, gaar ahaana Xeebta degmada Eyl ee maamul goboleedka Puntland.
War saxaafadeed ay soo
saartay Amnesty Internatioanl ayey ku sheegtay in dhowr ka mid ah dadkaasi
rakaabka ah ay ku dhaawacmeen rasaas la riday markii maraakiibtaasi la
afduubayey. Sida ay sheegayso shirkadda
badmaaxiinta ee Bariga Afrika, daawo iyo cunto ku filan shaqaalahaasi uma
saarna marakaiibta.
Maalintii taraiikhdu ahayd
29-kii Ogosto ayaa markab saliidda qaada oo laga leeyahay dalka Maleesiya oo ay
saaran yihiin 36 qof oo u dhashay dalka Maleesiya iyo shan reer Filibiin ah
lagu qabsaday xeebaha Soomaaliya. Intii uu socday hawlgalka ay budh-cad
badeedku ku afduubayeen ayaa lagu soo warramayaa in mid ka mid ah shaqaalaha
rakaabka uu rasaastaasi ku dhintay, dhowr kalena lagu dhaawacay. Maalintii
bishu ahayd September 3-deeda ayaa markab laga leeyahay dalka Faransiiska ay
fuuleen budhcad-badeedka Soomaalida ah.
Taasi waxa xigay maraakiib
hore loo afduubay oo laga lahaa dalalka Maleesiya, Iraan, Nayjeeriya iyo
Thayland iyo laba ka diiwaangashan dalka Panama.
Amnesty International waxay ugu baaqayaa
mas’uuliyiinta ku shaqada leh inay qaadaan tallaabo degdeg ah si loo xaqiijiyo
sii dyanta shaqalaahaasi oo dhan 130 iyo in daawo la gaarsiiyo kuwa dhaawaca ah. Halkan ka dhagayso laba warbixinood oo Boosaaso iyo Garoowe nooga soo kala direen wariyayaasha kala ah Cabdulqadir Nuunoow iyo Nuux Muuse Birjeeb. Sidoo kale waxaad ka dhagasataan waraysi ay Khadra Gurey la yeelatay ganacsade Amiin Cumar Abuubakar oo ka hadlaya sida ay arintani u saamaysay maciishadda.
Wararka aad ku kalsoon tahay
E-mail ku dir qoraalkan
La daabacan karo
