 |
| Astaanta NATO |
Diblumaasiyiin ayaa sheegay in wasiirrada difaaca
NATO ay isku raaceen in ay maraakiib ilaalisa u diraan maraakiibta sidda
shixnadaha gargaarka bini’aadanimo ee maraya xeebaha Soomaaliya, dadaalkaas oo
lagu doonayo in ay la dagaallamaan burcad-badeedda.
Diblumaasiyiinta NATO waxa ay sheegayaan in ay
wasiirrada difaacu arintaas isku raaceen intii uu socday kulan ay maanta oo
Khamiis ah ku yeesheen, dalka Hungary iyaga oo sheegay in ay maraakiibta
dagaalka si dag-dag ah lagu war-galin doono, isla markaana ay la shaqayn
doonaan ururo kale oo ay ka mid yihiin Midowga Yurub sifo ay wax uga qabtaan
arimaha burcad-badeedda.
Faahfaahin dheeraad ah haddiiba lagama bixin
qorshaha NATO.
Dhinaca kalena, saraakiil Soomaali ah ayaa sheegay
in burcad-badeeddu ay maanta sii daayeen markab nooca saliidda qaada ah oo laga
leeyahay dalka Japan, kaasoo la afduubay ku dhawaad laba bilood ka hor, iyada oo sidoo kalena la sii
daayay dhamaan 19-kii shaqaalaha ahaa ee la socday oo ay 15 ka mida yihiin
Philippiniyiin.
Burcad-badeedda ayaa sannadkaan xeebaha
Soomaaliya ku weeraray in ka badan 60 markab iyada oo xilligan haysta tiro
maraakiib ah iyo shaqaalahoodii. Warbixin faahfaahsan oo uu Nuux Muuse Birjeeb nooga soo diray Garoowe, kuna saabsan markabka la sii daayay halkan ka dhagayso
Wararka aad ku kalsoon tahay
E-mail ku dir qoraalkan
La daabacan karo
