Rais wa Sudan, Omar Hassan al Bashir atakuwepo katika mkutano huo akikaidi hati ya mahakama ya kimataifa ya uhalifu, waziri mkuu wa Italy, Silivo Berlusconni na rais wa Brazil Lula da Silava pia wapo kwenye orodha ya wageni. Lakini pengine habari kubwa ni kwamba rais wa Misri, Hosni Mubarak huenda naye akajitokeza.

Kiongozi huyo wa misri mwenye umri wa miaka 81 hajawahi kuhudhuria mkutano wa viongozi wa Afrika tangu kuepuka jaribio la kuuawa katika mkutano wa umoja wa nchi huru za afrika mwaka 1995 huko Addis Abeba.

Sauti ya amerika imeshindwa kupata visa ya kuhudhuria mkutano huo, lakini wanadiplomasia na waandishi wa habari  walisema mkutano huo unafanyika katika hali ya sherehe. 

Mkutano wa mwisho wa umoja huo uliofanyika Feburary ulihudhiriwa na viongozi 21 na kumuona Muammar Gadhafi akiapishwa. Kuna wasi wasi kuhusu idadi ya watakaojitokeza  huenda isiwe kubwa. Lakini bwana Gadhafi anazungumzia  kuwasilisha pendekezo lake la kuundwa kwa Umoja wa Mataifa ya Afrika, wengi ambao waliodhaniwa hawatafika pengine huenda wakahudhuria. 

Salim Ahmed Salim Katibu Mkuu wa zamani wa OAU

Akizungumza na Sauti ya Amerika katibu mkuu wa zamani wa OAU Bw Salim Ahmed Salim, alisema mbali na masuala ya kujitegemea upande wa kilimo na Afrika kuweza kujilisha wenyewe na masuala ya kiuchumi, anamini suala kuu litakua Darfur na migogoro mingine ikiwa ni Somalia, DRC, Madagascar na kadhalika.

 
Waandishi wa habari huko Sirte wanasema IGAD kundi linalojumisha nchi za Pembe na Mashariki Afrika zitauomba mkutano kubadili jeshi dhaifu la Umoja wa Afrika – AMISOM na kuwa jeshi lenye nguvu.

IGAD inajumuisha nchi sita za afrika Mashariki ambazo zinasemekana kuangalia  maamuzi ya awali ya kwazuia majirani wa Somalia kupeleka wanajeshi katika kikosi cha amisom. Ethiopia na kenya zinapakana na Somalia na zimekuwa zikiombwa kuwa na jukumu kubwa kwa jirani yao Somalia.