VOA News: Wararka

Xaaladda Baydhabo Maalin ka dib

Abdulaziz Osman — Thu, 23 Feb 2012 04:08:46 GMT

Xaaladda magaalada Baydhabo ayaa deggan maalin ka dib markii ciidanka DKMG ee Somalia iyo kuwa Ethiopia ay ka saareen kuwa Al-Shabab.

Talaabadan ayaa timid iyada oo maanta uu magaalada London ka bilaabanayo shirkii ku saabsanaa Somalia iyo iyada oo Golaha Ammaanka ee Qaramada Midoobay uu ogolaaday in la kordhiyo ciidanka AMISOM ee Somalia ka howlgala.

Warbixinta oo dhameystiran qeybta hoose ka dhageyso.

Al-Shabaab oo laga Qabsaday Baydhaba

Mukhtar Maxamed Catoosh — Wed, 22 Feb 2012 13:21:38 GMT

Ciidamada Ethiopia iyo kuwa dowladda Soomaaliya ayaa maanta la wareegay gacan ku heynta magaalada Baydhaba ee gobolka Bay.

Ciidamadan ayaa magaalada la wareegay iyadoo aysan ka dhicin wax dagaalo ah, kaddib markii goor sii horeysay oo maanta ah ay magaalada baneeyeen kooxda Al-shabab oo halkaasi ka talineysay tan iyo bilowgii sanadkii 2009kii.

Dadka degaanka ayaa u sheegay VOAda in ciidamada huwanta ah ee Soomaalida iyo Ethiopianka la socda ay fariisimo ka sameeysteen duleeyada magaalada.

Waxaa kaloo ay ku suganyihiin dhismaha Madaxtooyada magaalada, Baydhaba, warshadii Xassey, Garoonka diyaaradaha iyo halka loo yaqaan baa casharow.

Waxaa sidoo kale magaalada bartamaheeda lagu arkayay ciidamo ka tirsan kuwa DKMG ah oo roondo lug iyo gaadiidba ah ku maraya jidadka magaalada.

Golaha Amaanka oo Ogolaaday Kordhinta Ciidamada AMISOM

Mohamed Olad Hassan — Wed, 22 Feb 2012 17:37:07 GMT

Golaha amaanka ee Qaramada Midoobay ayaa goor dhaweyn si buuxda u ansixiyay qaraar mudada u kordhinaya ciidamada midowga Africa ee nabad ilaalinta u jooga Somaliya, awoodna u siinaya iney qaadi karaan talaabo kasta oo haboon si ey uga hortagaan qararta ay Alshabab ku heyso Somaliya

warbin kooban oo ku saabsan qaraarkan halkan hoose ka dhageyso.

Diyaar Garowga Shirka London

Mohamed Olad Hassan — Wed, 22 Feb 2012 13:57:10 GMT

Diyaar Garowga Shirka Caalamiga ee Arimaha Soomaaliya looga hadlayo ee beri furmaya ayaa ka socda magaalada London, waxaana halkaasi gaaray, dhamaan madaxdii ka qeybgali laheyd shirka, oo uu ku jiro Madaxweynaha DKMG ah Sharif Shiekh Axmed.

Hadaba wararka ku saabsan shirkaasi London halka hoose ee Qoraalkeena ka dhageyso.

Dhaqanka iyo Hiddaha:(Hab Suugaaneedka Masraxa)(Q-97aad)

Axmed Farax Cali Idaajaa — Wed, 22 Feb 2012 14:36:01 GMT

Dhaqanka iyo Hidaha todobaadkan waxuu ku saabsanyahay Gabay iyo kaftan dood ah oo suugaan ku dhisan oo masrax ahaan ay aragtiyadooda ku aadan nolosha magaala iyo miyiga isku weydaarsanayaan laba dhalinyara ah.

Halkan hoose ka dhageyso.

Al-Shabab oo Baneysay Bardaale

Mukhtar Maxamed Catoosh — Wed, 22 Feb 2012 03:16:37 GMT

Wararka naga soo gaaraya Degmada Bardale ee Gobolka Bay oo qiyaastii 50 Mitir u jirta Magaalada Baydhabo ayaa sheegaya in maleeshiyada kooxda Al-shabab ay isaga baxeen degmadaasi ka dib markii tuulo 8 KM u jirta degmada ay soo gaareen Ciidamada Dowladda, kuwa Ahlu Suna iyo Ciidamo Ethiopian ah oo taageeraya. Kuwaas oo shalay la wareegay degaanka Yurkud iyo Bohol Bashir oo ah xadka gobolada Bay iyo Gedo.

warbixn ku saabsan halkan hoose ka dhageyso.

DKMG: Baydhaba Ayaan Weeraraynaa

Seynab Abuukar — Tue, 21 Feb 2012 18:29:39 GMT

Wasiirka Beeraha ee DKMG Max'ed Max'ud ayaa sheegay in DMKG ay Jimcaha weerari doonto magaalada Baydhaba ee gobalka Bay.

Max'ed Max'ud oo sidoo kale ah ra'iisul wasaare ku xigeenka DKMG ayaa hadalkan ka sheegay shir jaraa'id oo uu maanta ku qabtay magaalada Muqdisho.

HRW oo Eedaysay Kooxaha Soomaalida

Ibrahim Daandurey — Tue, 21 Feb 2012 18:54:11 GMT

Warbixin ay soo saartay hay'adda u doodda xuquuqda aadanaha ee Human Rights Watch ayaa lagu sheegay in kooxaha Soomaalidu ay ku guul-daraysteen inay caruurta dagaalka ka ilaaliyaan.

Qaybta hoose ee qoraalkan ka dhagayso warbixinta oo dhamaystiran.

Maraykanka oo Taageeray Heshiiskii Garowe

Yaasiin Isse Wardheere - VOA Somali — Tue, 21 Feb 2012 14:52:38 GMT

Ergayga gaarka ah ee dalka Maraykanka u qaabilsan Soomaaliya, James Swan ayaa shir jaraaid oo uu maanta ku qabtay magaalada Nairobi, wuxuu ku sheegay in horumar lag gaadhay dagaalka ka dhanka ah kooxda Al-Shabaab.

Swan wuxuu kaloo sheegay in rajo fiican laga sameeya dhinaca siyaasadda ee Soomaaliya kaddib markii ay kooxaha Soomaaliya ay dhawaan heshiis ku gaareen magaalada Garoowe.

Swan, wuxuu sheegay in dowladda Maraykanku ay soo dhaweynayso go'aamadii heshiiskii Garoowe oo u sheegay inuu wax weyn ka qabanayo sida looga baxayo xilliga kala guurka.

Danjire Swan, wuxuu shirkaasi jaraaid ku sheegay in dowladda Maraykanku ay soo dhaweynayso shirka London ka dhici doona.

Dhageyso warbixnta uuu weriyaha VOA ee Nairobi Yasiin Ciise Wardheere uu ka soo diray shirka jaraa'id ee Swan.

Cameron oo ka Hadlay Shirka London

Ridwan Xaaji Abdiwali — Tue, 21 Feb 2012 02:29:44 GMT

Wariyaha VOAda uga soo warama Magaalada London Ridwaan Xaaji Cabdi/wali ayaa ka mid ahaa tiro saxafiyiin ah oo lagu martiqaaday shalay xafiiska Ra’isul Wasaaraha Britian ee la yirahdo 10 Downing Street, si ey su’aalo u weydiiyaan Ra’isul Wasaaraha David Cameron, ka hor shirka arimaha somaliya looga hadlayo oo lagu qabanayo halkaa 23ka bishan.

Wariye kasta oo ka qeybgalay shirka waxaa loo ogolaa inuu hal su’aal weydiiyo Ra’isul Wasaare Cameron.

Wariyeheena Ridwaan Xaaji Cabdi Wali ayaa Ra’isul Wasaaraha Weydiiyay suaashan .

Mudane Ra’isul Wasaare, waa maxay qorshaha Dowladda Britian ay ka leedahay Somaliya shirka London ka dib? Waxuuna ku jawaabay.

Aqoonyahan Ka Hadlay Shirka London

Haruun Macruuf — Tue, 21 Feb 2012 02:26:53 GMT

Madaxda Soomaalida iyo kuwa caalamka ayaa isku diyaarinaya shirka caalamiga ah ee maalinta Khamiista lagu qabanayo magaalada London ee ay martigelinayso dawladda Biritan. Prof.Maxamed Xaaji Mukhtaar waa Macallin Taariikhda Afrika iyo Bariga Dhexe ka dhiga Jaamacadda Savanadh State ee Gobolka Goergia, ahna Guddoomiyaha Qaybta Culuunta Bulshada ee Jaamacaddaas. Qaybtii labaad ee waraysi aanu la yeelanay ayuu kaga hadlayaa waxa shirka London kasoo bixi kara iyo istiraatijiyada siyaasadeed ee ay dhinacyada Soomaalidu ku waajahi karaan shirkaas.

wareysigaasi oo uu inoo qaaday Haaruun Macruuf halka hoose ee Qoraalka ka dhageyso.

Djibouti oo Rajo ka Muujisay Shirka London

Ramadan Muuse — Mon, 20 Feb 2012 19:51:40 GMT

Wasiirka Arrimaha Dibadda ee dalka Djibouti ayaa ka digay in wax cusub la keeno, soona jeediyey in wixii horay u jiray la xoojiyo.

Warbixinta oo dhameystiran qeybta hoose ka dhageyso.

Madaxii Shirkadaha Al-Barakaat oo la Xanibay

Falastiin A. Iimaan — Mon, 20 Feb 2012 19:51:12 GMT

Sheekh Axmed-nuur Jimcaale, madixii shirkadaha Al-Barakaat ayaa lagu eedeeyey inuu taageero dhaqaale siiyo ururka Al-Shabab ee Somalia.

Sheekha oo horay ugu jiray liiska dadka taakuuleeya argagixisada, lagana saaray bishan 17keedii, ayaa haddana mar kale lagu daray liiska taageera Al-Shababka Somalia, waxana lagu soo rogay xanibaado dhinaca socdaalka.

Wareysiga oo dhameystiran qeybta hoose ka dhageysto.

Shariif: Shirka London ha Ixtiraamo Madaxbanaanidayada

VOA Somali Service — Sun, 19 Feb 2012 17:58:40 GMT

Madaxweynah DKMG ee Somalia ayaa ka hadley arrimo badan oo ay ka mid yihiin heshiiskii Garowe, shirka London, iyo arrimo kale.

Madaxweynaha ayaa rajo ka muujiyey natiijada shirka London, isla markaana sheegay in Somalia ay ka bixi doonto dhibta ku habsatay.

Dhinaca kale ururka Jaamacadda Carabta ayaa maanta ka shiray shirka London ee Soomaalida loo qabanayo.

Danjiraha Somalia ee dalka Masar, Cabdilaahi Xasan Maxamuud ayaa sheegay in Jaamacadda Carabtu ay diyaar u tahay in door firfircoon ay ka qaadato arrimaha Somalia xiliga soo socda.

Wareysiyadan oo dhamesytiran, qeyta hoose ka dhageyso.

Falanqeyn: Heshiiskii Garoowe

Haaruun Macruuf — Sun, 19 Feb 2012 18:00:31 GMT

Wasiirka Dastuurka DKMG, Cabdi Xoosh Jibriil iyo khubaro kale ayaa ka hadlaya waxyaabihii lagu heshiiyey shirkii magaalada Garoowe.

Barnaamijka oo dhameystiran qeybta hoose ka dhageyso.

Wicitaanka: Maxamed Axmed Caalin

Maxamed Colaad Xasan — Sun, 19 Feb 2012 17:59:41 GMT

Barnaamijka Wicitaanka ee maanta ee toddobaadkan waxa marti ku ah Madaxweynaha Maamulka Galmudug, Maxamed Axmed Caalin.

Barnaamijka oo dhamesytiran qeyta hoose ka dhageyso.

Martida: Maxamed-Rashiid M. Sheekh Daahir

Haaruun Macruuf — Sat, 18 Feb 2012 23:58:22 GMT

Barnaamijka waxa maanta marti ku ah Xisaabiyaha Guud ee DKMG ee Somalia, Maxamed-Rasheed Maxamed Sheekh Cabdi oo sheegay in eedaymaha loo soo jeediyey DKGM ee Somalia ayna sax wada ahayn.

Barnaamijka oo dhameystiran qeybta hoose ka dhageyso.

Caweyska: Sayid Khaliifa

Caasha Ibraahim (Cuud) — Sat, 18 Feb 2012 23:57:29 GMT

Barnaamijka Caweyska ee caawa waxad ku maqli doontaan fanaankii caanka ahaa ee Sayid Khaliifa iyo qubanayaal kale oo xiiso leh.

Barnaamijka oo dhameystiran qeybta hoose ka dhageyso.

Barnaamijka Hambalyada & Heesaha

Sahra Ciidle Nuur & Ibrahim Danduray — Sat, 18 Feb 2012 23:54:47 GMT

Barnaamijka maanta waxa si wadajir ah inoogu daadihinaya Sahra Ciidle Nuur iyo Ibraahiim Xasan Maxamuud (Daanduray) ee ka bogosho wanaagsan.

Barnaamijka oo dhameystiran qeybta hoose ka dhageyso.

Shirkii Garowe 2 oo soo Xirmay Xalay

Abdulaziz Osman — Sat, 18 Feb 2012 03:05:53 GMT

Waxaa xalay goor dambe la soo gabagabooyay shir aan loo kala kicin oo shalay oo dhan uga socday dhinacyada siyaasadda Somalida magaalada Garowe ee xarunta Maamul Goboleedka Puntland.

Shirkaasi Garowe 2 oo looga tashanayay Dastuurka Somaliya ee heer Qaran, Nidaamka Federalismka iyo ka gudbidda waqtiga ku meel gaarka ah ayaa waxaa dhinacyadii ka qeybgalay ay ku gaareen heshiis.

Faahfaahinta halkan hoose ee qoraalka ka dhageyso.

AMISOM oo 17,000 la Gaarsiinayo

Mohamed Olad Hassan — Sat, 18 Feb 2012 02:55:26 GMT

Golaha Amaanka ee Qaramada Midoobay ayaa xalay ansixiyay qaraar ogolaanaya kordhinta tirada ciidmada AMISOM ee ka howlgala Somaliya, iyo xooginta Ciidamada DFKG ah ee Somalia.

15 xubnooid ee Golaha Amaanka ayaa cod buuxa ku ansixyay qaraarka kulan xalay ay ku yeesheen magaalada Newyork.

Ergayga gaarka ah ee Qaramada Midoobay u Qaabilsan Somaliya Agustine Mahiga ayaa u sheegay madaxda xalay gebagagabii shirkii Garowe 2 in Golaha amaanka uu golaha amaanka uu Ogolaaday in tirada ciidamada midowga Africa ee Somaliya ka howlgala oo hadda tira ahaan loo ogolyahay 12,000 in la gaarsiiyo 17,700 oo askari .

Mr. Mahiga waxaa kaloo uu sheegay in isla qaraarkaasi uu goluhu u ansixiyay in la kordhiyo awoodda Ciidamada DKMG ah ee Soomaaliya isla markaana la taageero.

US: Congresska oo la Weerari Gaaray

Mohamed Olad Hassan — Fri, 17 Feb 2012 23:54:14 GMT

Masuuliyiinta Federaliga ee Mareykanka ayaa sheegay inay xabsiga u taxaabeen nin ay ku sheegeen inuu doonayay inuu weerar aragagixiso ku qaado dhismaha congresska Mareykanka ee Capitol Hill loo yaaqaan ee ku yaala magaaladan Washington.

Saraakiisha amaanka ayaa sheegay in ninkan la tuhunsanyahay, oo 29 jir ah una dhashay Moroco, uu doonayay inuu isticmaalo wax uu moodayay iney ahaayeen walxaha qarxa, si uu ugu weeraro dhismaha Congresska.

Waxey sheegeen in waxyaabahaasi Qarxa ay horey uga dhigeen kuwo aan shaqeyeeneyn hay’adaha sirdoonka, isla markaana aysan Qatar ku heyn shacabka mareykanka.

Booliska gaarka ah ee ilaaliya dhismaha Congresska ayaa sheegay in ninkan oo lagu sheegay magaciisa Amine El Khalifi, la qabtay ka dib markii muddo dheer ay baaris ku hayeen oo ay daba socotay laanta Dhexe ee Dambi baarista Mareykanka ee FBI.

waxaa lagu soo waramayaa in ninkan la qabtay uu dalka Mareykanka ku joogay sharci darro, welina lalama xiriirinin ururka Al-Qacida.

Xarigga ayaa ku soo beegmay maalin ka dib markii nin u dhashay dalka Nigeria lagu xukumay Xabsi daa’in dalkan Mareykanka, isagoo lagu eedeeyay inuu isku dayay inuu soo rido duulimaad dayuurad uu u kala gooshayay magaalada Amsterdam ee Dalka Netherland iyo Mareykanka, maalintii ciidda masiixiga sanadii 2009kii, isagoo waxyaabaha qarxa ku soo hoos qarsaday nigis uu xiraa.

Saraakiisha Mareykanka ayaa ku eedeeyay weerarkaasi fashilmay ee uu fulin rabay Umar Farouk Abdulmutallab Al-qacidada Fadhigeedu yahay dalka Yemen.

Faaqidaadda: Midowga Al-Shabab iyo Al-Qaacida

Sahra Cabdi Axmed — Fri, 17 Feb 2012 17:45:15 GMT

Wadahadalada wajiga labaad ee shirka Garowe ayaa meel xasaasi ah maraya, waxaana soo baxaya in dhinacyada qaarkood ay isku raaceen waxyaabaha qaar balse weli la isku waafaqi la’yahay qaabka federalismka oo dooda ugu xoogan ay intii uu socday shirkaasi dooda ka taagneyd

Warysi ku saabsan shirka halkan hoose ka dhageyso

Dhawaan waxaa ku dhawaaqay iney si rasmi ah u midoobeen ururka Al-Shabab ee Soomaaliya iyo ururka Al-qacida , waxaana arintaasi laga bixiyay aragtiyo kala duwan inkastoo loo badnaa in ay astaan u tahay tabar darro soo wajahday labada urur.

Barnaamijkeena Faaqidaadda ee Todobaadkan ayaa gebi ahaanba ku saabsan midowga Al-Shabab iyo Al-qacida.

Halkan hoosana ka dhageyso.

Shirka Garowe oo Meel Xasaasi ah Maraya

Haruun Macruuf — Fri, 17 Feb 2012 17:24:11 GMT

Wadahadalada wajiga labaad ee shirka Garowe ayaa meel xasaasi ah maraya, waxaana soo baxaya in dhinacyada ay isku raaceen waxyaabaha qaar balse weli la isku waafaqi la’yahay qaabka federalismka oo dooda ugu xoogan ay intii uu socday shirkaasi dooda ka taagneyd

Warysi ku saabsan shirka halkan hoose ka dhageyso.

CID-da oo Qarax Lala Beegsaday

Harun Maruf — Fri, 17 Feb 2012 13:12:01 GMT

Qarax xooggan ayaa maanta ka dhacay xarunta dambi-baadhista booliiska Soomaaliya ee magaalada Muqdishu.

Ugu yaraan saddex ka tirsan ciidamada booliiska ayaa la sheegay inay ku dhaawacmeen qaraxan. Qaraxn ayaa la sheegay inuu ka dmabeeyey kadib markii ay ciidamada booliisku qabteen baabuur yar oo ay saarnaayeen afar nin oo ay tuhmeen.

Baabuurka iyo rakaabka saaran ayaa la sheegay in la geeyey xarunta dambi-baadhista CID-da ee u dhow isgoyska Lambar 4.

Ilaa hadda ma cadda sida qaraxn u dhacay, hase yeeshee warar dhinaca amniga aha ayaa idaacadda VOA u sheegay in qaraxu uu dhacay xilli ay ciidamada booliisku ay baadhitana ku wadeen baabuurkaasi.

Af-hayeen u hadlay ciidamada booliiska ayaa sheegay in wicitaanka telefoonnada moobilka ah loo malaynayo inuu keenay inay qarxaan walxaha qarxa oo saarnaa baabuurkaas.

QM: oo Meel Marisay Qaraar Ka Dhan Ah Syria

Mohamed Olad Hassan — Fri, 17 Feb 2012 03:21:53 GMT

Golaha loo dhanyahay ee Qaramada Midoobay ayaa cod aqlabiyad leh ku meel mariyay qaraar ku dhaleeceynaya Syria xad gudubyo qorsheeysan oo baahsan oo ka dhan ah xuquuqul insaanka, oo ay ciidamadeeda geysteen, intii uu socday howgalka xoog ku maquuninta ah ee 11 bilood jirka ee ka dhanka ah kacdoonka mucaaradka .

Qaraarka ayaa waxaa ansixiyay 137 oo ka mid ah xubnood oo ka mid ah golaha loo dhanyahay ee Qaramada Midoobay ee ka koobma 193 wadan ee golaha ku jira Qamiistii shalay.

Golaha ayaa ugu baaqay dowladda Madaxweyne Bashaar al-asad in si dhaqsa ah ay ku soo afjarto weerarada ka dhanka ah rayidka, waxaa sidoo kale goluhu uu meel mariyay qorshe Jaamacadda Carabta ay soo jeedisay oo ku baaqayay isbedel demuquraadi ah oo ka dhaca Suuriya, kaasoo faraya Madaxweyne Bashaar Al-asad inuu xukunka ku wareejiyo ku xigeenkiisa isla markaana uu soo dhiso dowladda Midnimo Qaran oo dalkaasi u diyaarisa doorashooyin si caalami ah loo kormeero.

11 wadan ayaa ka soo horjeestay qaraarka, oo ay ku jiraan dalalka ruushka iyo Shiinaha oo qaraarka midkan ka mid ah codka diidmada qayaxan ku hor istaagay Golaha amaanka Ee Qaramada Midoobay horaantii bishan.

Waxaa kaloo ka mid ahaa dalalka diiday Iran, Kuuriyada Waqooyi , Bolivia iyo Venezuela.

Rayaale oo ka soo Horjeestay Shirka London

Cabdixakiim Shirwac VOA Somali — Thu, 16 Feb 2012 12:02:51 GMT

Madaxweynihii hore ee Somaliland Daahir Rayaale Kaahin ayaa ka soo horjeestay ka qeybgalka Somaliland ee shirka London.

Madaxweyne Kaahin ayaa sheegay in ka qeyb galka shirka London inuu khalad yahay, talaabadaasina ay la mid tahay iyada oo laga noqday gooni isu taagii ay dadka reer Somaliland aftida u qaadeen.

Rayaale ayaa maanta dib ugu noqday Hargeysa wuxuuna sidoo kale ka hadlay dagaalada ka socda deegaanka Buuhoodle.

Wasiirka Arrimaha dibedda ee Somaliland, Max'ed C/laahi ayaa difaacay mowqifka xukuumadda ee ka qeybgalka Somaliland.

Wareysiyo dhameystiran qeybta hoose ka dhageyso.

Hay'adda ICG oo soo saartay Warbixin ku Saabsan Kenya

Maxamed Sandhere — Thu, 16 Feb 2012 04:13:38 GMT

Warbixinta ayaa ka hadlaysa sida dalka Kenya ugu degdegay galitaanka Somalia iyo waxa la haboon inuu sameeyo si uu u yareeyo khasaaraha kasoo gaari kara dagaalka uu kula jirto ururka Alshabab.

Warbixinta ayaa talooyin dhowr ah u soo jeedisay dalka Kenya.

War iyo wareysi arrintaas la xiriira qeybta hoose ka dhageyso.

Shirkii Garoowe 2 00 Furmay

Nuux Muuse Birjeeb — Wed, 15 Feb 2012 21:54:38 GMT

Waxaa Galabta si rasmi ah Magaalada garoowe uga warmay shirkii labaad ee Garoowe oo Masuliyiinta Soomalida ay uga hadli doonan arrimaha Federaalka iyo dhamaystirka Dastuurka ka hor xiliga kala guurka sidoo kale Madaxweynaha Soomaaliya oo Malamahan la hadal hayey in uu ka qaybgalayo furitankiisa ayaan ka qaybgelin iyadoo la sheegay in xiritaanka la filayo inuu tago .

Warbaixin ku saabsan Furitaanka Shirka Garowe halkan hoose ee qoraalka ka dhageyso

Dhaqanka iyo Hiddaha:(Curinta Maansooyin Jaceylka) (Q-97aad)

Axmed Farax Cali Idaajaa — Wed, 15 Feb 2012 22:05:18 GMT

Dhaqanka iyo Hidaha todobaadkan waxuu ku saabsanyahay curinta maansooyinka Jaceylka ee waqtigan Casriga ah.