Qeybtan waxay ku saabsan tahay qodob la filayo in shirka looga hadlo oo ah maamulka dhaqaalaha Soomaaliya.

Beesha caalamka ayaa aad uga walaacsna waxaa loogu yeedhay dagaalka dhaqaalaha oo looga jeedo musuqmaasuqa.

Diblomaaisyiinta ayaa sheegaya in shirkaasi ay kasoo bixi karto in la sameeyo guddi lagu magacaabo guddiga wadajirka maamulka lacagta oo ka kooban dawladda Soomaaliya iyo Dalalka Deqeda Bixiya.

Qeybta afraad halkan ka dhagayso.

Kulankan oo ka dhacay guriga Chatham ayaa waxaa looga doodday shirka dhawaan lagu qaban doono magaalada London ee looga hadlayo arrimaha Soomaaliya.

Wasiirradda ayaa qurbo-joogta ka dhageystay fikraddo ku aadan shirka London.

Qeybta hoose ka dhageyso warbixin uu shirkaasi nooga soo diray Weriye Ridwan Haji Cabdiweli.

Haaruun Macruuf ayaa inoo haya QyabtiiSadexaad ee shirka London iyo Doorka cusub ee dawladda Biritan.

Dawladda UK ayaa sheegtay inaysan faragelin milatari ku samayn doonin arrimaha Soomaaliya balse ay door hoggamaineed ka qaadan doonto iskudubarridka dadaalka beesha caalamka ee Soomalaiya lagu xasilanyo. Inkastoo ay UK martigelinayso shirweyne caalami ah 23-ka bishan haddana waxay iclaamisay inuu shirku yahay mid caalami ah, iyadoo dhinaca kalena madaxda Soomaalida iyo kuwa Gobolka ay dalbanayaan inaan marna laga leexan taageerista hay’adaha dawliga ah ee dhisan.

Haaruun Macruuf ayaa inoo haya Qyabtii Labaad ee shirka London iyo Doorka cusub ee dawladda Biritan.

Max'uud Cabdiraxmaan oo agaasime u ah urur dhalinyaro oo ay leeyihiin Soomaalida Finland ayaa VOA u sheegay in arrintani aysan cusbeyn oo ay soo jirtay tan iyo markii dadka Soomaalidu ay soo dageen dalka Finlnad.

Max'uud Cabdiraxmaan wuxuu sheegay in dhaqaalaha adduunka oo xumaaday iyo xisbi garab midig ah oo dalkaasi ka abuurmay oo neceb dadka ajaaniibta ah ay taasi keentay in faquuqiddu kororto.

Maxamuud wuxuu kaloo sheegay in dadka Soomaalidu ay yihiin dad firfircoon oo muuqda, taasina ay sababto inay la kulmaan cunsuridnimo.

Booqashada Hague ayaa ah tii ugu horreysay ee xoghaye arrimo dibeddeed ka socda Britain uu ku tago Soomaaliya muddo ku dhow 20 sannadood.

Xoghaye Hague ayaa Muqdisho kula kulmay madaxda DKMG Soomaaliya, Saraakiisha ciidamada AMISOM iyo ururada bulshada rayidka ah.

Britain ayaa magaalada London 23-ka bishan ku qaban doonto shir caalami ah oo looga hadlayo dhibaatada ka jirta dalka Soomaaliya.

Britain ayaa dadaal ugu jirta sidii wax looga qaban lahaa colaadda Soomaaliya, waxayna Britain sheegtay inay safaarad ka furan doonto Muqdisho marka ugu horreysa ee xaaladdu ay ogolaato.

Saraakiisha Cisbtaalka ayaa sheegay in ugu yaraan 60 qof ay ku dhaawacmeen qaraxan oo saaka aroortii ka dhacay xaafadda Zafaraniyah ee bariga magaalada Baghdad.

Saraakiil bileyska ka tirsan ayaa sheegay in qaraxu uu ka dhacay meel u dhow goob ay dad ugu baroor-diiqayeen aaska nin lagu dilay rabshadaha Ciraaq maalin ka hor.

Ugu yaraan 17 qof ayaa ku dhintay weeraro kale duwan oo Ciraaq ka dhacay Khamiistii.

Ma jiraan cid sheegatay mas’uulliyada qaraxa maanta oo Jimca ah ka dhacay Baghdad.  

Ergayga gaarka ah ee QM ee Soomaaliya, Augustine Mahiga ayaa magaalada maanta tagay halkaasina ka furay xafiiska QM. Mahiga ayaa sheegay in furashada xafiiskan ay rajo cusub u keeni doonto dalka Soomaaliya.

Mahiga wuxuu sheegay in xafiiska uu ka caawin doono inay wadashaqeyn dhow la yeeshaan DKMG iyo hay'addaha gar-gaarka iyo walibva dadka Soomaalida ah.

Qaramada Midoobay ayaa xafiiskeeda u wareejisay Nairobi sannadkii 1995-kii sababo ay ugu wacnayd nabadgelyo xumida ka jirta Soomaaliya.

Qeybta hoose ka dhageyso warbixin ka hadlaysa furitaanka xafiiska iyo waliba Prof. Max'uud Guure oo falanqeynayo wuxuu macno ahaan xafiiskani soo kordhin karo.

Ugaas Bashiir Faarax Siyaad, oo ka tirsan ururka shirkaddaha xawaaladaha ee gobolka Minnesota ayaa VOA u sheegay in shirkadduhu ay maanta oo Jimce ah bilaabeen qabashada lacag kooban iyagoo iyagoo isticmaallaya bangiyo yar-yar.

Shirkaddaha xawilaadaha Minnesota ayaa shaqoodda joojiyay 30 bishii December kaddib markii bangiga Franklin oo shirkaddahu ay isticmaali jireen joojiyay adeegii uu u fidin jiray shirkaddaha.

Jaalliyada Soomaalida ee Maraykanka degan ayaa arrintaaasi walaac aad u sareeya ka muujinaya.

Warbixin arintaasi ku saabsan halka hoose ee qoraalkan ka dhageyso.

Heshiiskan oo ay Midowga Africa iyo shiinaha kala saxiixdeen maalintii Jimcihii aynu soo dhaafnay ayaa ku taageeraya Howlgalka Amisom Qalab ku kacaya lacag ku dhow shan milyan oo dolarka Mareykanka ah

Heshiiskan ayaa waxa dhinacyada u kala saxiixay Gudoomiyaha Guddiga Amniga iyo Nabadgelyada Africa Danjire Ramtane Lamamra iyo Safiirka Shiinaha u fadhiya dalka Ethiopia  Xie Xiaoyan isla markaana ah wakiilka Joogtada ah ee Shiinaha u qaabilsan Midowga Africa.

Hadaba warbixin ku saabsan heshiiskaasi oo dhameystiran qeybta hoose ee qoraalkan ka dhageyso.

War-saxaafadeed ka soo baxay afhayeenka Xoghayaha guud ee QM ayaa lagu xusay in Mr Moon uu sheegay in tallaabadan foosha xun ay hay’addaha samafalka ka hor-istagayso inay bixiyaan gar-gaarka nolol-badbaadinta ah ee ay ka wadaan Soomaaliya.

Xoghayaha guud ee QM ayaa kooxda Al-shabaab ka dalbay inay ka baxaan xarumaha hay’addaha sidoo kalena ay dib u soo celiyaan qalabka ay ka qaateen hay’addahan.

Mr Moon ayaa sidoo kale ku baaqay in sida ugu dhaqsiyaha badan loo qaado mamnuucida ay kooxda Al-shabaab maanta ku soo rogtay NGO-yada iyo hay’addaha QM ee samafalka.

Xoghayaha guud ee QM Ban Ki-moon wuxuu dhamaan dhinacyada Soomaaliya ugu baaqay inay tixgaliyaan sharciyada caalamiga ah ee bini’aadanimada.

Wafdigan ayaa ka kooban 42 xubnood oo uu ka mid yahay safiirka Turkiga ee Soomaaliya Dr Kani Torun, Xubno baarlamaanka Turkiga ka tirsan, xubno ka tirsan gollaha wasiiradda, saraakiil iyo ganacsato Turkey ah.

Wafdiga ayaa booqday xarumo ay dowladda Turkey ka wado mashaariic horumarineed iyo dayactir ah, iyagoo dhagax dhigay garoonka diyaaradaha ee Caalamiga ah ee Aden Adde, oo Turkigu uu ka bilaabo doono hirgalinta mashaariicda ay ka mid yihiin Tower cusub, terminal cusub, iyo gidaarka amniga ee garoonka diyaaradaha.

Wafdigan Turkey ayaa maanta la kulmay ra’iisul-wasaaraha Soomaaliya iyo gollihiisa wasiirada, iyadoo dhinaca kalena madaxweyne Shariif Sh. Axmed uu wafdigan xarunta madaxtooyada ugu sameeyay caawa xaflad soo dhaweyn ah.

Afhayeen u hadlay ciidamada ayaa sheegay maanta oo Sabti ah in ciidamadu ay Seif al-Islam ku qabteen magaalada Obari oo ku taalla koonfurta Libya una dhow xadka dalkaasi uu la leeyahay niger

Saraakiisha ayaa sheegay Seif la doonayay in loo tahriibiyo dalka Niger oo horey magangalyo u siiyay wiil kale oo uu dhalay Qaddaafi oo lagu magacaabo Saadi Qaddaafi.

Wakaaladda AP ayaa soo xiganaysa wasiirka KMG ee cadaalladda Libya oo sheegaya in Seif al-Islam sida ugu dhakhsiyaha badan loogu gudbin doono magaalada caasimadda Tripoli.

Maxkamadda caalamiga ah ee danbiyada ICC ayaa doonaysa in Seif al-Islam la soo taago maxkamad oo lagu eedeynayo danbiyo la xiriira xuquuqda aadanaha oo uu galay

Mr Cameron oo hadalkan ka sheegay khudbad uu Isniintii jeediyay ayaa xusay in la gaadhay waqtigii laga hortagi lahaa burcad-badeedda oo uu isagu ku tilmaamay inay yihiin rag qaswadayaal sharci darro ah oo aan la arki karayn.

Mr Cameron ayaa sheegay in shirkan oo ka dhici doona magaalada London looga hadli doono ilaalinta maraakiibta maraya Gacanka Cadan iyo sidoo kale in cadaadis la saaro kooxaha xagjirka ah ee Soomaaliya. Ra’iisul-wasaare Cameran ma uusan sheegan taariikhda uu dhici doono shirku.

Cameron ayaa Soomaaliya ku tilmaamay “dal guuldaraystay” oo si toos ah halis ugu ah danaha dalka Britian, iyo in Soomaaliya tahay dalk dalxiisayaasha iyo shaqaalaha gar-gaarka lagu afduubto xilli dadka Soomaalidu ay la ildaran yihiin macluul.

Ra’iisul-wasaaraha Britain ayaa bishii hore ku dhawaaqay qorshe u ogolaanaya markaakiibta ganacsiga ee wata calanka Britain ee maraya biyaha bariga Africa inay qaataan ilaallo hubeysan oo ka caabisa burcad-badeedda.

Aqalka hoose ayaa lagu wadaa in berri oo Sabti ah meelmariyo sharciyadan uu aqalka Senate-ku ansixiyay maanta. Ra'iisul-wasaaraha Talyaaniga ayaa sheegay inuu iscasliayo oo uu jidka u baneynayo xukuumad cusub oo qancisa ama dajisa maalgashiyaasha caalamka iyo Midowga Yurub.

Hoggaamiyayaasha Midowga Yurub iyo maalgashiyaasha ayaa welwel ka muujiyay in haddii aanu Talyaanigu talaabo qaadin ay taasi ka dhignaan doonto in Talyaanigu u baahnaado lacago samatabixin oo caalami ah oo ka badan lacagahii samatabixintan ee horey loo siiyay dalalka Greece, Ireland iyo Portugal.

Mario Monti ayaa la filayaa inuu noqdo ra'iisul wasaaraha Talyaaniga marka uu xilka ka dago Berlusconi.

Inkasta oo uu Burlusconi sheegay inuu iscaisllayo, haddana maalgashiyaal fara badan ayaa walaac ka muujinaya in markale ay dhici karto inuu Burlusconi uu xilka isku sii dhajiyo.

Ra'iisul-wasaarahan cusub ayaa soo dhisaya xukuumad waddaag ah oo dalka Greece ka saarta xiisadda maaliyadeed ee dalkaasi uu imika ku dhexjiro.

Xukuumadda cusub ayaa dhaqan gelinaysa qorshaha cusub ee Yurub ay ku doonayso inay ku samatabixiso dalka Greece si loo xaqiijiyo in dalkaasi uu helo lacagta deynta ah ee qeyb qeybta loo siinayo si uu dalkaasi uga baaqsado inuu deynta iska bixin waayo.

Burcadda ayaa dalbanaya in dowladda Hindiya ay sii dayso dad Soomaali ah oo lagu hayo jeellasha dalka Hindiya.

Xaaladda badmaaxiintan ayaa aad u liidata.

Hay’adda QM u qaabilsan Qaxootiga ee UNHCR ayaa sheegtay in qaar ka tirsan 200 kun ee qaxtootiga Soomaali ee ku nool Yemen ay ka fikirayaan inay dalkoodii dib ugu noqdaan sababo ay ugu wacan tahay amni-darrada ka jirta dalka Yemen oo sii xumaanaysa.

Afhayeen u hadlay UNHCR Andrej Mahecic ayaa sheegay in sannadkan dalka Yemen ay soo gaareen 20 kun oo qaxooti Soomaali ah. Qaxootiga cusub ee imanaya Yemen aysan marka horeba ka warqabin xaaladda dalka Yemen iyo marxaladdaha ay la kulmayaan dalkaasi. Afhayeenka ayaa sheegay in qaxootiga cusub ay rajaynayeen inay dalka Yemen ay uga sii gudbaan waddamada Khaliijka si ay shaqo u helaan, hasse yeeshee amniga oo sii xumaanaya ay hakisay dhaq-dhaqaaqooda iyadoo fursaddaha shaqada ee dalka Yemen oo aad u yaraaday, sababahaasi oo isbiirsadayna ay haatan qaxootiga Soomaalidu ka fikirayaan ku noqoshada Somalia.

Dhanka kalena, Afhayeenka UNHCR Andrej Mahecic ayaa sheegay in hoos u dhac uu ku yimid qaxootiga cusub ee Soomaalida ee imanaya xeryaha Dhadhaab, taasoo ay ugu wacnaan karto howlgallada military ee ka socda xadka Somalia iyo Kenya ama roobab xooggan oo dhulkaasi ka da’ay. Afhayeenku wuxuu sheegay in toddobaadkii la soo dhaafay meelaha la iska diiwaangaliyo ee xeryaha Dhadhaab aysan wax qaxooti cusub soo gaadhin.

Turkey ayaa Muqdisho ku qabtay munaasabad ay uga hadleen howlaha gar-gaarka ee Muqdisho ay ka wadaan. Munaasabadda waxaa ka ka qeybgalay saraakiisha hay'addaha gar-gaarka ee Turkiga, dhaqaatiirta howllaha qaliin ah Muqdisho ka waday maalmahan iyo madaxweyne Shariif Sheekh Axmed.

Georgie Kapchits oo ah weriye ka tirsan idaacadda codka Russia ayaa wareysiga VOA la yeelatay wuxuu ku ka hadlay dareenka ay dadka Ruushku ka bixinayaan qorshaha uu raisal-wasaare Vlademir Putin uu ku dooonayo inuu mar kale noqdo madaxweynaha Ruushka.

Madaxweynaha imika tallada haya Dmitry Medvedev ayaa Sabti soo jeediyay in Putin uu u ordo jagada madaxtinimada doorashada bisha March ee soo socota, iyadoo soo jeedintaasina uu aqbalay Mr Putin.

Dhageyso wareysiga Weriye Georgei uu ku falanqeynayo qorshaha Putin.

Khudbad uu gudbinta codsigaasi kaddib jeediyay ayuu Cabbaas wuxuu ku sheegay in la gaaray xilligii ay Falastiin heli lahayd dowlad madax banaan kaddib markii ay muddo sannado badan ay ku hoos noolayd gumeysi iyo dhibaato.

Dhinaca kale, raisal-wasaaraha Israel, Netanyahu ayaa isna sheegay in sida kaliya ee Falastiin ay dowlad ku heli kartaa uu yahay waddahadal dhexmara iyaga iyo Falastiin

Warbaahinta ku hadasha afka dowladda ayaa sheegtay in 3 qof oo Soomaali ah la qabtay kuwaasoo ka qeybgalay bannaanbaxyada rabshaddaha wata, dadkan ayay warbaahintu kusheegtay inay qirteen in lacag la soo siiyay si ay bannaabaxyada uga qeybgalaan.

Dhinaca kalena, kooxda mucaaradka ayaa sheegtay inay qabteen Soomaali dhinaca dowladda la safan oo haatan ay baadhitaan ku samaynayaan.

Qunsulka Soomaalida ee Yemen Xuseen Xaaji Axmed ayaa beeniyay eedahaasi, isagoo sheegay inay jiraan dad ay dhici karto inay u egyihiin Soomaali oo taasina loo qaadan karo inay Soomaali yihiin.

Dadkan cadheysan oo burburiyay qeybo ka tirsan safaaradda ayaa waxay dibedda safaaradda ku soo daadiyeen dukumintiyadii safaaradda. Safiirka Israel iyo shaqaalaha safaaradda ayaa isla xalay laga saaray dalka Masar kaasoo loo dhoofiyay Israel.

Dowladda Masar ayaa maanta kulan deg-deg ah oo yeelatay waxay ku soo saartay talaabooyin deg-deg ah oo kala danbeytii lagu soo celinayo, waxaana dhinaca kalena la qab-qabtay dad badan oo lagu tuhmayo inay lug ku lahaayeen weerarkaasi.

Dadkan cadheysan ayaa sheegay in dowladda Masar aysan talaabo adag ka qaadin dilkii dhawaan askarta Israel ay si khaldan ku dileen 5 askari oo ka tirsan ciidamada Masar.

Raisal-wasaaraha Israel, Benjamin Netanyahu ayaa sheegay in dalkiisu sii wadayo hirgalinta ama fulinta heshiiska nabadeed ee ay la leeyihiin Masar.  Mr. Netanyahu wuxuu xusay in xukuumaddiisu ay imika Masaarida kala shaqeynasyo sidii deg-deg dib loogu celin lahaa shaqaalaha safaaradda ee magaalada Qaahira.

Laga bilaabo maanta oo Khamiis ah 08, Sept 2011, Idaacadda Fiidnimoi waxay maalmaha Isniinta ilaa Jimcaha soo galaysaa saacaddu markay tahay (15:30 UTC) oo ku beegan 6:30 maqribno ee xilliga Geeska Afrika, halkii ay markii hore soo geli jirtay 7:00 Fiidnimo.

Wakhtigan dheeraadka ah ee lagu kordhiyay idaacadda Fiidnimo waxay idaacaddu ku soo tabinaysaa barnaamijyo iyo warar la xiriirra abaaraha Geeska Afrika gaar ahaan Soomaaliya iyo waliba wararka kale ee ugu waa weyn ee caalamka iyo Soomaaliya.

Wakhtigan dheeraadka ah ee lagu kordhiyay idaacadda Fiidnimoi waxaa laga dhageysan karaa mowjadaha gaagaaban ee 19-ka, 25-ka mitirbands, hirarka FM-yada ee magaalooyinka geeska Afrikada iyo waliba mowjadda dhexe ee dhererkeedu yahay 1431.

Qaasim Cabdulle Xussein (Qaasim –Nero) oo ah wariye ku sugan ayaa VOAda u sheegay in labo wiil oo la dhashay wiilka dhintay ay iyaguna joogeen goobta weerarku ka dhacay, hase yeeshee ay ka badbaadeen weerarkaas.

Wareysiga oo dhameystiran qeybta hoose ka dhageyso.

Boolisku wuxuu sheegay in ay su'aalo weydiinayaan nin la tuhunsan yahay inuu ka dambeeyay, qaraxyo loo geystay xarumo dowladeed ee ku yaalla magaalada Oslo, halkaasoo ay ku dhinteen ilaa 7 qof.

Ninkaasi la tuhunsan yahay ayaa la qabtay ka dib markii uu rasaas ku furay dhalinyaro ku sugneyd goob ay ku xagaadsanayeen oo ku taalla meel 30 KM dhanka waqooyi ka xigta magaalada Oslo ee caasimadda dalkaasi, halkaasoo uu ku dilay ilaa 84 dhalinyaradaasi ka mid ah.

Dhalinyarada la dilay waxay ka tirsanaayeen xisbiga talada haya ee dalkaasi Norway.

Ra'iisal wasaaraha dalka Norway Jens Stoltenberg, ayaa ku tilmaamay weerarkaasi "mid axmaqnimo ah" oo lagu qaaday "dhalinyaro aan waxba qalabsan".

Ninkaasi weerarka geystay, waxay bileysku sheegeen inuu ahaa nin xagjir ah oo qadiyadeysan.

Weerarkan waa dhacdadii ugu dhimashda badneyd ee Norway ay la kulanto, tan iyo dagaalkii labaad ee adduunka.

Saacaddo kaddib weerarkaasi, nin hubeysan oo sidii booliska u labisan ayaa rasaas ku furay dhalinyaro ku sugnaa jaziirada lagu magacaabo Utoya oo magaalada Oslo dhinaca waqooyiga kaga beegan. 10 qof oo caruur u badan ayaa la sheegayaa inay weerarkaasina ku dhinteen.

Wasiirka Cadaaladda Norway ayaa weriyayaasha u sheegay in weerarka jaziiradda uu geystay nin Norwagian ah oo ay haatan gacanta ku hayaan ciidamada booliska.

Raisal-wasaaraha Norway oo warbaahinta la hadlay ayaa weerarradan ku tilmaamay kuwo fuleynimo ah, isagoo sheegay inaysan bur-burin karin dimoqraadiyada Norway.

Halkan ka daawo Qaxaxa.

Warbixinta oo dhameystiran qeybta hoose ka dhageyso