بدھ کے روز جاری ہونے والی اپنی ایک طویل رپورٹ میں "ہیومن رائٹس واچ" نے  آچے کی حکومت سے صوبے میں نافذ دو شرعی قوانین کی تنسیخ کا مطالبہ کیا ۔ ان دونوں قوانین میں سے ایک کا تعلق غیر شادی شدہ  مرد اور عورت کے درمیان   تعلقات  کی روک تھام ، جبکہ دوسرا  قانون مسلم شہریوں پر عوامی مقامات  پہ مناسب لباس پہننے کی پابندی سے متعلق ہے۔

تنظیم کا موقف ہے کہ صوبائی انتظامیہ ان  قوانین  کے ذریعے شہریوں کو ناجائز اور نامناسب طور پر ہراساں کررہی ہے۔

آچے مسلم اکثریتی ملک انڈونیشیا کا واحد صوبہ ہے  جسے ملکی آئین کے تحت  اپنی حدود میں شرعی قوانین  کے نفاذ کا خصوصی اختیار حاصل ہے۔

رپورٹ میں کہا گیا ہے کہ آچے  کے پولیس حکام   مرد و خواتین کے مخلوط محافل پر قانون  کا غلط اطلاق کرتے ہوئے اسے  مرد  اور عورت کےدرمیان  کسی عوامی  مقام  پر ہونے والی بات چیت  اور ساتھ اٹھنے بیٹھنے  سے روکنے کےلیے استعمال کررہے ہیں۔

تنظیم کے مطابق اس قانون کے غلط اطلاق  اور اس کے نتیجے میں  بنیادی انسانی حقوق  کی خلاف ورزی کی ان گنت  شہادتیں موصول ہوئی ہیں۔ رپورٹ میں دعویٰ کیا گیا ہے کہ  اس  قانون کی خلاف ورزی کے الزام میں گرفتار کی جانے والی ایک خاتون کو شرعی پولیس کی تحویل میں جنسی زیادتی کا نشانہ بھی بنایا گیا۔

تنظیم نے اپنی رپورٹ میں کہا ہے کہ عوامی مقامات پر لباس کے متعلق  قانون میں مردوں کے مقابلے میں خواتین پر زیادہ  سخت پابندیاں عائد کی گئی ہیں۔

ہیومن رائٹس واچ کا کہنا ہے کہ  تنظیم انڈونیشی صدر سوسیلو بمبانگ یودھویونو  کے سامنے صوبے کے ان تمام مقامی قوانین کا جائزہ لینے  کا مطالبہ پیش کرے  گی جن کے بارے میں اتنظامیہ کا موقف ہے کہ ان سے اخلاقیات کو بہتر بنانے میں مدد ملتی ہے۔

ہیومن رائٹس واچ کا صدر دفتر نیویارک میں ہے جب کہ 10 ممالک میں اس کی شاخیں کام کررہی ہیں۔

بنگلہ دیش نیشنلسٹ پارٹی  نے، جس کی قیادت سابق وزیر اعظم خالدہ ضیا کے پاس ہے، کہاہے کہ انہوں نے منگل کی ہڑتال مسز ضیا سے ان کی  فوجی ملکیتی رہائش گاہ سے زبردستی بے دخلی کے خلاف کی تھی۔ وہ اس گھر میں تین عشروں تک مقیم رہیں۔

کسی ممکنہ تشدد کو روکنے کے لیے ڈھاکہ میں ہزاروں پولیس اہل کار تعینات کیے گئے تھے۔ حکام کا کہنا ہے کہ رات بھر کے دوران  ایک درجن سے زیادہ گاڑیاں نذر آتش کردی گئیں۔

منگل کی ہڑتال ،ان دو ہفتوں کے دوران، مسز ضیا کی اپنے گھر سے جبری بے دخلی کے خلاف دوسری ہڑتال تھی۔ بی این پی نے کہا ہے کہ حکومت مسز ضیا کے ایک ہزار سے زیادہ حامیوں کو گرفتار کرچکی ہے۔

حکومت نے حزب اختلاف کے ان الزامات سے انکار کیا ہے کہ مسز ضیا کو  اس گھر سے ، جہاں وہ گذشتہ30 سال سے رہ رہی تھیں، نکالے جانے کا فیصلہ سیاسی تھا۔

خالی کرایا جانے والا گھر مسز ضیا کو، جو دومرتبہ ملک کی وزیر اعظم رہ چکی ہیں، ان کے شوہرضیاالرحمن کے 1981ء میں ایک بغاوت کے دوران قتل  کے بعد، جو اس وقت ملک کے صدر تھے، انسانی ہمدردی کے تحت  لیز پر دیا گیاتھا۔

مسز ضیا نے الزام لگایا ہے کہ فوج نے ان سے زبردستی گھر خالی کروایا ہے۔

یہ سزائیں جمعرات کو سنائی گئیں  ، جب کہ انسانی حقوق کی تنظیموں نے مطالبہ کیاتھا کہ صوبے پاپوا کے لوگوں کو اذیتیں دینے کے سلسلے میں ایک الگ مقدمہ قائم کیا جائے۔ دوسرے مقدمے میں ، عام لوگوں کے لیے جاری کردہ ایک ویڈیو میں دکھایا گیا تھا کہ فوجی ایک شخص کے نازک اعضاء جلارہے ہیں اور ایک دوسرے شخص کی گردن پر چاقو پھیر رہے ہیں۔

جن فوجیوں کو جمعرات کو سزا سنائی گئی ہے ، ان کی پکڑ بھی ایک ویڈیو پر ہوئی تھی، جس میں وہ عام شہریوں کو ٹھوکریں  ماررہے تھے اور انہیں اپنے ہیلمٹوں کے ساتھ پیٹ رہے تھے۔ تین افراد کو پانچ ماہ اور ان کے پلاٹون لیڈر کو سات ماہ کی سزا سنائی گئی۔

حکومت نے دوسرے مقدمے میں مکمل تحقیقات کرانے کا وعدہ کیا ہے ، لیکن اس کا کہنا ہے کہ اس کے لیے اس واقعہ میں ملوث فوجی کی شناخت ناممکن ہے۔

انڈونیشی فوج صوبے پاپوا میں کم سطح کی شورش کچلنے کے لیے کئی برسوں سے لڑ رہی ہے۔ اس صوبے کو 2001ء میں محدود خود مختاری دی گئی تھی۔

یہ وہ سوالات تھے جو ریڈیو آپ کی دنیا کے پروگرام راونڈ ٹیبل میں  اٹھائے گئے۔ اس پروگرام میں شریک گفتگو تھے، جسٹس ریٹائرڈ طارق محمود ، ممتاز ماہر قانون اور سابق صدر سپریم کورٹ بار ایسوسی ایشن، مہرین انورراجہ، وزیر مملکت برائے قانون و انصاف، حاجی حنیف طیب سابق وفاقی وزیر برائے مذہبی امور اور ممتاز مذہبی سکالر، ڈاکٹر منظور اعجاز واشنگٹن میں مقیم دانشور و تجزیہ کار اور ڈاکٹر عنایت الرحمن، ممتاز ماہر امورنفسیات۔

جسٹس طارق محمود، سابق صدرسپریم کورٹ بار ایسوسی ایشن :

ان کا کہنا تھا کہ تشدد پاکستانی معاشرے میں پہلی بار دیکھنے میں نہیں آ رہا۔ اس  کی تاریخ پرانی ہے۔ کتابوں میں نصابوں میں بھی  ‘‘مسلمان پانی اور ہندو پانی ’’ پڑھایا جاتا تھا، پھر تقسیم کے وقت خون کے ندیا ں بہائی گئیں اور پھر پاکستان بننے کے بعد بعض حکمرانوں نے اسی تشدد کو حکومت کا ذریعہ بنایا۔ انہوں نےحوالہ دیتے ہوئے کہا  کہ سابق فوجی صدر جنرل ضیاءالحق کے دور میں مجرموں کو سرعام کوڑے مارے جاتے تھے اور ان کے منہ کے پاس مائیکروفون رکھ دیے جاتے تھے کہ لوگ ان کی چیخ وپکار سنیں۔

 انہوں نے کہا کہ پولیس کے نظام میں انقلابی تبدیلیاں تو شاید ممکن نہیں لیکن ترقی پاکر اعلی عہدوں پر فائز ہونے والے، جاگیردانہ ذہن کے پولیس افسر سے بہتر وہ شخص ہو سکتا ہے جس نے پبلک سروس کمشن کے ذریعے یہ عہدہ حاصل کیا ہو۔ ان کا کہنا تھا کہ پولیس ریاستی جبر کا ذریعہ بنتی ہے۔  اس ادارے کو سیاستدانوں کے اثرسے آزاد کرنا ہوگا اور سیاستدانوں کی آنے والے کل کے لیے وژن دینا ہو گا ۔

حاجی حنیف طیب، سابق وفاقی وزیر /عالم دین

حاجی حنیف طیب نے جسٹس طارق محمود کے خیالات کے اتفاق کیا اور کہا کہ خرابی کے ازالے کے لیے، حالات سدھارنے کے لیے سب کو مل جل کر کوششیں کرنا ہوں گی۔ ان کا کہنا تھا کہ علماء اور مشائخ کا بھی اس میں بڑا کلیدی کردار ہے ۔ انہوں نے کہا کہ ریاست کے مروجہ قوانین کا احترام سب پر ضروری ہے اور ہم نے علماء کو پیغام دے دیا ہے کہ وہ مسجد کے ممبر کو اس پیغام کے لیے بھی استعمال کریں کہ قانون ہاتھ میں لینے کی بجائے ملزم کو ریاست کے اداروں کے سپرد کریں۔

انہوں نے تسلیم کیا کہ انصاف میں تاخیر کا مسئلہ ایک مدت سے درپیش رہا ہے اور اب جا کر لوگوں کو اعلی عدالت سے تو انصاف کی امید وابستہ ہوئی ہے لیکن پولیس اور ماتحت عدالتوں پر اب بھی اعتماد میں کمی ہے۔

ڈاکٹر منظور اعجاز، مصنف/کالم نگار

ڈاکٹر منظور اعجاز کا کہنا تھا کہ سیالکوٹ کا واقعہ اوراس طرح کے دیگر واقعات کے سبب بیرون ممالک میں مقیم  پاکستانی اپنی شناخت پاکستانی کے طور پر کرانے سے شرم محسوس کرنے لگے ہیں۔ ان واقعات کا تدارک کرنا ہو گا اور پولیس اور پارلیمان جیسے اداروں میں سے ‘‘جاگیردارانہ سوچ’’ کا خاتمہ کرنا ہو گا وگرنہ حالات نہیں سدھریں گے۔

ڈاکٹر عنائت الرحمن، ماہرامورنفسیات

ان کا کہنا تھا کہ سیالکوٹ کا واقعہ معاشرے کے اجتماعی طور پر تشدد میں ملوث ہونے کی وجہ سے باعث تشویش ہے۔  انہوں نے کہا کہ تشدد انسان کی جبلت میں اگرچہ موجود ہے،  لیکن معاشرت اس جذبے کو قابو میں رکھتی ہے۔ انصاف میں تاخیر اور پولیس  کے نظام میں بگاڑانسان کو تشدد پر اکساتا ہے۔  اس کے علاوہ ان کا کہنا تھا کہ معاشروں اور قوموں کے اندر سے اس جذبے کی نفی میں سیاسی قیادت کا بڑا کردار ہوتا ہے جبکہ پاکستان میں سیاستدانوں کے بیانات پڑھیں تو ‘‘اینٹ سے اینٹ’’ بجانے اور چوک پر الٹا لٹکا دینے، کیفرکردار تک پہنچانے جیسی اصطلاحات عام پڑھنے کو ملتی ہیں۔ ان کا کہنا تھا کہ ایسے سخت الفاظ کی بجائے ‘‘شریفانہ’’ طرز تخاطب اختیار کرنا بے حد ضروری ہے کہ قوم کی تربیت بھی اس سے مقصود ہونی چاہیے۔

مہرین انورراجہ، وزیرمملکت برائے قانون و انصاف:

پاکستان میں حکمران جماعت پیپلزپارٹی کی راہنما اور وزیرمملکت برائے قانون و انصاف مہرین انور راجہ کا ا کہنا تھا کہ سیالکوٹ کا واقعہ بے حد افسوسناک ہے۔  اس واقعے نے  یہ باور کرا دیا ہے کہ ادارے مضبوط کرنا ہوں گے۔

 ان کا کہنا تھا کہ عوام کے ریاست پر عدم اعتماد کی بات اس لیے نہیں کی جاسکتی کیونکہ جمہوریت کو پھلنے پھولنے ہی نہیں دیا گیا۔  ان کا کہنا تھا کہ حکومت کے وزراعدلیہ سے ٹکر لینے کی بجائے عدالت حاضر ہور ہے ہیں جس سے یہ ظاہر ہوتا ہے کہ  موجودہ حکومت قانون و انصاف کے معاملے میں کسی تخصیص کی قائل نہیں۔

انہوں نے کہا کہ موجودہ حکومت 18 ویں ترمیم لا چکی ہے ، این ایف سی ایوارڈ کا اعلان بھی کر چکی ہے ، عدالتوں کی آزادی کو یقینی بنا چکی ہے اور بلوچستان سے معافی بھی طلب کرچکی ہے ۔ یہ سب باتیں آنے والے کل کو دیکھ کر ہی کی گئ ہیں۔  البتہ انہوں نے کہا کہ سیاست دانوں کا پولیس کے معاملے میں مداخلت کرنے کی روایت افسوسنا ک  ہے ۔ 

ان کا کہناتھا کہ  حکومت اداروں کے استحکام کے لیے کام کر رہی ہے۔  پیپلز پارٹی کی قیادت نے طے کررکھا  ہے کہ وہ سسٹم کا ساتھ دیں گے افراد کا نہیں۔  ہم سے غلطی ہو گی تو سسٹم کا سامنا کریں گے، خود کو پیش کریں گے جمہوریت اور قوم کے سامنے۔

برطانیہ کے خارجہ امور اور دولت مشترکہ کے دفتر سے منگل کے روز جاری ہونے والے ایک بیان میں مسٹر براؤن نے کہا کہ برما کی فوجی جنتا نے بین الاقوامی برادری کے مطالبات کو نظر انداز کیا ہے۔

انھوں نے کہا کہ برما نے اقوامِ متحدہ کی سلامتی کونسل اور یورپی یونین سمیت بین الاقوامی برادری کے مطالبات کر رد کرتے ہوئے انتخابات پر غیر منصفانہ پابندیاں عائد کی ہیں۔

گذشتہ ہفتے نافذ کیے جانے والے ان قوانین میں سیاسی جماعتوں سے کہا گیا ہے کہ وہ اپنے ان کارکنوں کو نکال باہر کریں جو کسی جرم میں ملوث رہے ہوں اور 1990ء میں ہونے والے انتخابات کے نتائج کو رد کر دیں۔

آن سان سوچی کی ’نیشنل لیگ فار ڈیماکریسی‘ نے گذشتہ انتخابات میں کامیابی حاصل کی تھی، لیکن فوجی حکومت نے نتائج تسلیم کرنے سے انکار کر دیا تھا۔
سوچی نے گذشتہ 20 میں سے 14 برس نظر بندی میں گزارے ہیں۔

انسانی حقوق کے بارے میں جمعرات کے روز محکمہٴ خارجہ کی رپورٹ میں کہا گیا ہے کہ عراق میں سیکیورٹی کی عام صورتِ حال میں خاصی بہتری آجانے کے باوجود اہم مسائل ابھی باقی ہیں۔ رپورٹ میں کہا گیا ہے کہ عراقیوں کو من مانی یا خلافِ قانون ہلاکتوں، اذیت رسانی اور ناقص عدالتی نظام کا سامنا ہے۔

رپورٹ میں اسرائیل کا ذکر کرتے ہوئے وہاں عرب شہریوں کے خلاف امتیازی سلوک کی نشان دہی کی گئى ہے اور ملک میں غیر ملکی کارکنوں کے ساتھ روا رکھے جانے والے سلوک کے بارے میں تشویش کا اظہار کیا گیا ہے۔ رپورٹ میں مغربی کنارے اور غزہ کی پٹی کے علاقے میں اذیت رسانی، ہلاکتوں اور آزادیِ مذہب پر پابندیوں کی اطلاعات کی نشندہی کرتے ہوئے فلسطینی عہدے داروں پر نکتہ چینی کی گئى ہے۔

رپورٹ میں غزہ کے علاقے میں اسرائیل کے حالیہ حملوں کے دوران اسرائیلیوں اور فلسطینیوں، دونوں کے طرزِ عمل کے بارے میں تشویش ظاہر کی گئى ہے۔

رپورٹ میں کہا ہے کہ پچھلے سال یمن میں انسانی حقوق کے مسائل میں نمایاں اضافہ ہوا ہے۔ اسی کے ساتھ ساتھ رپورٹ میں سعودی عرب، مصر اور شام میں انسانی حقوق کے اہم مسائل کی نشاندہی کی گئى ہے۔

رپورٹ میں لیبیا کے انسانی حقوق کے ریکارڈ کو بدستور ناقص کہا گیا ہے اور ترکی میں خاندانی عزت کے نام پر قتل سمیت، عورتوں کے خلاف تشدّد کے واقعات پر تشویش ظاہر کی گئى ہے۔

رپورٹ میں یہ بھی کہا گیا ہے کہ متحدہ عرب امارات میں عورتوں، غیر ملکی کارکنوں اور گھریلو ملازمین کے ساتھ بد سلوکی بدستور مسئلہ ہے۔

محکمہٴ خارجہ نے انسانی حقوق کے بارے میں 2009ء کی رپورٹ میں کہا ہے کہ ‘ایران کا انسانی حقوق کا ریکارڈ ناقص تھا اور سال 2009ء کے دوران، خاص طور پر جون میں متنازع صدارتی انتخاب کے بعد، مزید خراب ہو گیا۔’

ایرانی صدر محمود احمدی نژاد کے انتخاب پر ہزاروں لاکھوں لوگوں نے تہران کی سڑکوں پر آ کر احتجاج کیا تھا۔

رپورٹ میں اُن احتجاجی مظاہروں کو تشدد آمیز طریقے سے کچل دیے جانے پر نکتہ چینی کی گئی ہے۔

رپورٹ میں کہا گیا ہے کہ ایران کی سیکیورٹی فورسز کم سے کم 37ہلاکتوں کی ذمہ دار ہیں اور یہ کہ سیکیورٹی فورسز نے سیاسی محرکات کی بنا پر لوگوں کو اذیتیں دینے، زدو کوب کرنے اور جنسی تشدد سمیت انسانی حقوق کی خلاف ورزیوں کا ارتکاب کیا۔

انسانی حقوق کی کچھ تنظیموں کا کہنا ہے کہ ایران میں پکڑ دھکڑ کی مہم کے دوران 300 کے لگ بھگ لوگ ہلاک ہوئے تھے۔

ایلیزا میننگیم بولر نے منگل کے روز کہا کہ امریکہ نے بعض ملزموں پر پوچھ گچھ کے درشت طریقے روا رکھنے کی تفصیلات جان بوجھ کر خفیہ رکھیں۔ ان ملزموں میں نائن الیون کے مشتبہ سرغنے خالد شیخ محمد پر کی جانے والی واٹر بورڈنگ بھی شامل ہے۔

میننگیم کا یہ بیان اس وقت سامنے آیا ہے جب برطانوی خفیہ ادارے کو اس الزام کا سامنا ہے کہ اس نے امریکی اداروں کے ساتھ مل کر مشتبہ دہشت گردوں کو اذیتیں پہنچائیں۔

برطانوی ججوں نے گذشتہ مہینے حکومت کو حکم دیا تھا کہ وہ گوانتانامو کے ایک قیدی بنیام محمد کے ساتھ کیے جانے والے سلوک کی تفصیلات جاری کرے۔ بنیام کا تعلق ایتھیوپیا سے ہے اور وہ برطانیہ میں مقیم تھا۔

امریکی فوج نے بنیام محمد کو 2002ء میں پاکستان سے دہشت گردی کے الزام میں گرفتار کیا تھا۔ امریکی دستاویزات سے معلوم ہوتا ہے کہ اسے پہلے مراکش اور بعد میں گوانتانامو میں زنجیروں میں باندھ کر رکھا گیا، مارا پیٹا گیا، اس کے جنسی اعضا کاٹے گئے اور اسے نیند سے محروم رکھا گیا۔

بِل کی مخالفت میں ایک اور حمایت میں 186ووٹ پڑے، جب کہ سماج وادی پارٹی، بہوجن سماج پارٹی، لوک جن شکتی پارٹی اور راشٹریہ جنتا دَل نے ووٹنگ کا بائیکاٹ کیا۔

ووٹنگ کے بعد نتائج کا اعلان کرتے ہوئے سپیکر حامد انصاری نے بتایا کہ بِل دو تہائی اکثریت سے منظور کر لیا گیا ہے۔

ادھر ایک روز قبل سپیکر کے ساتھ ناشائستہ رویہ اختیار کرنے والے سات ارکان کو پارلیمنٹ کے رواں اجلاس تک معطل کردیا گیا ہے۔ تاہم معطل شدہ ارکان ایوان سے جب باہر نہیں گئے اور دوبارہ کارروائی شروع ہوئی تو اُن کو مارشلوں کی مدد سے جبراً ایوان سے باہر نکال دیا گیا۔

حکومت بغیر بحث کے صوتی ووٹ سے بِل منظور کرانا چاہتی تھی مگر بی جے پی نے بحث پر اصرار کیا اور ڈھائی گھنٹے سے زائد چلنے والی بحث کے بعد اُسے منظور کر لیا گیا۔ اب اِسے لوک سبھا میں منظور کرانا ہے جہاں حکومت کو کچھ دشواری پیش آسکتی ہے۔

منگل کے روز بین الاقوامی فوج کی جانب سے جاری ہونے والے ایک بیان میں کہا گیا ہے کہ مختلف واقعات میں دو شہری اس وقت ہلاک ہو گئے جب انھیں فوجیوں کے نزدیک نہ آنے کی وارننگ کو نظر انداز کر دیا جس پر فوجیوں نے انھیں گولی مار کر ہلاک کر دیا گیا۔

اطلاعات کے مطابق ایک تیسرا شخص اتحادی فوجیوں اور باغیوں کے درمیان ہونے والی فائرنگ کی زد میں آ کر مارا گیا۔

نیٹو کمانڈروں کا کہنا ہے کہ اس فوجی کارروائی میں شہریوں کا تحفظ بڑی ترجیح ہے۔

افغانستان میں 2001ء کے آخر میں شروع ہونے والی جنگ کے بعد سے ہونے والے سب سے بڑے مشترکہ آپریشن میں امریکہ، برطانیہ اور افغانستان کے تقریباً 15 ہزار فوجی حصہ لے رہے ہیں۔

صدر ہُو نے پیر کی شام سرکاری مہمان خانے تیاؤ یُو تھائى میں مسٹر اوباما کے اعزاز میں ایک عشائیہ دیا۔

منگل کے روز مزید تفصیلی مذاکرات اُس وقت ہوں گے، جب مسٹر اوباما  اور دوسرے چینی لیڈر توقع ہے کہ آب وہوا میں تبدیلیوں، تجارت، شمالی کوریا اور چین کے مسائل پر غور کریں گے۔

وہائٹ ہاؤس کے عہدے داروں کا کہنا ہے کہ مسٹر اوباما نجی طور پر انسانی حقوق کے مسائل پر بات کریں گے۔

صدر اوباما نے  پیر کے روز اس سے پہلے شنگھائى میں طلبا کے ساتھ گفتگو کے دوران اس مسئلے کو اُٹھایا تھا۔

انہوں نے کہا کہ ملکوں کو ایک دوسرے کا احترام کرنا چاہئیے اور اپنے نظامِ حکومت کو دوسرے ملک پر مسلّط نہیں کرنا چاہئیے۔  لیکن انہوں نے کہا کہ وہ اُن اقدار کی حمایت میں آواز بلند کرتے رہیں گے، جنہیں امریکہ کے لوگ بنیادی انسانی آزادیاں خیال کرتے ہیں۔

مسٹر اوباما نے شنگھائى کی ٹاؤن ہال میٹنگ  میں حاضرین اور انٹرنیٹ استعمال کرنے والوں کے اُن سوالوں کے جواب دیے، جو انہیں مختلف ویب سائیٹوں پر پیش کیے گئے تھے۔
 

امریکی فوج نے اتوار کے روز صحافیوں کو اُس جیل کو دیکھنے کی دعوت دی، جسے بگرام کے فضائیہ کے اڈے کی حدود میں چھ کروڑ ڈالر کی لاگت سے تعمیر کیا گیا ہے۔ فوج کا کہنا ہے کہ اس جیل کا مقصدشفاف پن میں اضافہ کرنا اور قیدیوں کے رہن سہن کے حالات کو بہتر بنانا ہے، جو صحافیوں کے دورے کے وقت وہاں موجود نہیں تھے۔

امریکی فوج، بگرام کے موجودہ جیل سے لگ بھگ 700 قیدیوں کو نئے جیل میں منتقل کرنے کا ارادہ رکھتی ہے۔  اُس کا کہنا ہے کہ نئے جیل میں  ایک ہزار تک لوگوں کی گنجائش ہے۔فوج نے قیدیوں کو “دشمن جنگجوؤں” کی حیثیت سے جیل میں رکھا ہوا۔  اور ان میں کچھ لوگ  پچھلے چھ برس سے قید ہیں۔

انسانی حقوق کے حامیوں کا کہنا ہے کہ امریکی فوج، قیدیوں کو وکیلوں سے رابطے کی اجازت نہیں دیتی۔  اُن کا کہنا ہے کہ  اس قسم کی پالیسیاں، من مانی اور  غیر معیّنہ حراست کے مترادف ہیں۔ 

گوانتانمو بے، کیوبا کے امریکی حراستی مرکز سے رہا کیے گئے چھ چینی مسلمان اتوار کے روز جزیرہ پالاؤ پہنچ گئے  ہیں، جنہیں  پیسفک میں واقع یہ   جزیرہ  اپنے ہاں آباد کرنے پر رضامندی کا اظہار کرچکاہے ۔

ایک سرکاری بیان میں کہا گیا ہے کہ جزیرہ پالاؤ  کے صدر جانسن توری بیانگ نے پالاؤ کے ہوائی اڈے پر ان ایغور باشندوں سے ملاقات کی۔

بیان میں کہاگیا ہے کہ ان ایغور باشندوں کو طبی سہولتیں، رہائش اور تعلیم فراہم کی جائے گی جن میں انگریزی بول چال اور ایسے ہنر سکھائے جائیں گے جن کی مدد سے وہ اپنی روزی کما سکیں گے۔

 پالاؤ اس سال کے شروع میں ان ایغورباشندوں کو قبول کرنے پررضامند ہوا تھا جو امریکی محکمہ دفاع کی جانب سے اس تعین کے بعد بھی کہ وہ امریکہ کے لیے کوئی خطرہ نہیں ہیں، گوانتانمو بے میں زیر حراست رکھے جارہے تھے ۔

اس سال کے شروع میں چار ایغور باشندوں کو برمیودا میں آباد کیا گیاتھا۔

ان افراد کا تعلق چین کے مغربی صوبے سنکیانگ سے ہے جو ایغور اکثریتی علاقہ ہے۔  چین ان پر دہشت گرد ہونے کاالزام عائد کرتا ہے۔  واشنگٹن کو خدشہ ہے کہ اگر ان ایغور باشندوں کو چین واپس بھیجا گیا تو ان کے ساتھ نامناسب سلوک کیاجائے گا۔

امریکی سپریم کورٹ 20 اکتوبر کو  گوانتانمو بے میں قید ان 13 ایغور باشندوں کی اپیل کی سماعت پر رضامند ہوگئی تھی ۔

ایک وفاقی امریکی جج نے ان افرادکو امریکہ میں رہا کرنے کا حکم دیا تھا لیکن ایک اپیل کورٹ نے اس فیصلے کو یہ کہتے ہوئے منسوخ کردیا تھا کہ اس جج کے پاس ایسے کسی حکم کا کوئی اختیار نہیں تھا۔