جمعہ کو شارجہ کرکٹ اسٹیڈیم میں کھیلے گئے میچ میں افغانستان نے ٹاس جیت کر پہلے بیٹنگ کا فیصلہ کیا تھا اور اس کی پوری ٹیم 195 رنز بنا کر آؤٹ ہوگئی تھی۔ جواباً پاکستان نے 196 رنز کا  مطلوبہ ہدف 3 وکٹوں کے نقصان پر 1ء37 اوورز میں بآسانی حاصل کرلیا۔

پاکستان کی جانب سے سابق کپتان یونس خان نے 10 چوکوں کی مدد سے 70 رنز کی شان دار اننگز کھیلی اور آؤٹ نہیں ہوئے۔ابتدائی بلے باز عمران فرحت نے 52 رنز بنائے جب کہ کپتان مصباح الحق 40 رنز کے ساتھ ناٹ آؤٹ رہے۔

افغانستان کی جانب سے دولت زردان نے 2 اور سمیع اللہ شنواری نے  1 وکٹ حاصل کی۔

قبل ازیں افغانستان نے ٹاس جیت کر اپنی بیٹنگ کا آغاز کیا تو افغان بلے بازوں کی وکٹیں گرنے کا سلسلہ وقفے وقفے سے جاری رہا اور پوری ٹیم 3ء48 اوورز میں 195 کے مجموعی اسکور پر پویلین لوٹ گئی۔

افغان اوپنر کریم صادق 40 رنز کے ساتھ نمایاں بلے باز رہے جب کہ محمد نبی نے 37 اور سمیع اللہ شنواری نے 32 رنز بنائے۔ نو آموز ٹیم کے دیگر کھلاڑی  کسی قابلِ ذکر کارکردگی کا مظاہرہ نہ کرسکے۔

پاکستان کی طرف سے شاہد آفریدی نے پانچ جب کہ عمر گل اور وہاب ریاض نے دو، دو وکٹیں حاصل کیں۔

افغانستان کو 2009ء میں ون ڈے انٹرنیشنل نیشن کا اسٹیٹس ملا تھا اور کسی بھی ٹیسٹ نیشن کے ساتھ یہ اس کا پہلا ایک روزہ بین الاقوامی میچ تھا۔

پاکستان کی ٹیم ان دنوں بھرپور فارم میں ہے اور اس ایک روزہ میچ سے قبل پاکستان نے متحدہ عرب امارات ہی میں کھیلی گئی تین ٹیسٹ میچوں کی سیریز میں عالمی نمبر ایک انگلینڈ کو وہائٹ واش شکست سے دوچار کیا تھا۔

پاکستان اور انگلینڈ کے درمیان چار ایک روزہ میچوں  کی سیریز کا آغاز 13 فروری سے ابوظہبی میں ہوگا جس کے بعد دونوں ٹیمیں تین ٹی20 میچوں پر مشتمل سیریز میں ایک دوسرے کے مدِ مقابل ہوں گی۔

افغانستان نے ٹاس جیت کر پہلے بیٹنگ کا فیصلہ کیا اور اس کی پوری ٹیم انچاسویں اوورز میں 195 رنز پر آؤٹ ہوگئی۔ کریم صادق 40 رنز کے ساتھ نمایاں بلے باز رہے۔

پاکستان کی طرف سے شاہد آفریدی نے پانچ جب کہ عمر گل اور وہاب ریاض نے دو، دو وکٹیں حاصل کیں۔

افغانستان کی ٹیم کو 2009ء میں ون ڈے انٹرنیشنل نیشن کا اسٹیٹس ملا تھا جب کہ کسی بھی ٹیسٹ نیشن کے ساتھ یہ اس کا پہلا ایک روزہ بین الاقوامی میچ ہے۔

پاکستانی ٹیم میں شاہد آفریدی، عمران فرحت، شعیب ملک، عمر اکمل اور وہاب ریاض کی واپسی ہوئی ہے۔

سری لنکا نے ٹاس جیت کر آسٹریلیا کو پہلے بیٹنگ کی دعوت دی جو پچاسویں اوورز میں 231 رنز بنا کر آؤٹ ہوگئی۔ کپتان مائیکل کلارک 57 رنز کے ساتھ نمایاں بلے باز رہے۔

سری لنکا کی طرف سے ملنگا، کلاسیکرا، میتھیوز، پراساد، سینانایک نے دو، دو وکٹیں حاصل کیں۔

سری لنکا کی ٹیم 232 رنز کے ہدف کے تعاقب میں 226 رنز بنا کر آؤٹ ہوئی۔ میتھیوز 64 رنز بنا کر قابل ذکر بلے باز رہے۔

آسٹریلیا کی طرف سے سٹارک، کرسٹین، ڈورتھی نے دو، دو جب کہ ہیرس، میک کے اور کلارک نے ایک، ایک وکٹ حاصل کی۔

مائیکل کلارک کو میچ کا بہترین کھلاڑی قرار دیا گیا۔

پاکستان کی کرکٹ ٹیم ان دنوں متحدہ عرب امارات میں انگلینڈ کے خلاف سیریز کے لیے موجود ہے جہاں تین کرکٹ ٹیسٹ میچوں میں کلین سویپ کرنے کے بعد دونوں ملکوں کے درمیان ایک روزہ میچوں کی سیریز 13 فروری سے شروع ہورہی ہے۔

افغانستان کی ٹیم کو 2009ء میں ون ڈے کا اسٹیٹس ملا تھا اور اب تک کھیلے گئے 18 میچوں میں سے اس نے 11 میں فتح حاصل کی جب کہ 7 میں اسے شکست ہوئی۔

پاکستانی ٹیم کے کوچ محسن حسن خان نے شارجہ میں صحافیوں سے بات کرتے ہوئے کہا کہ یہ میچ ان کی ٹیم کے لیے ایک اچھا پریکٹس میچ ہوگا۔

’’کبھی بھی کسی کو کمزرو نہیں لے سکتے۔ اس میچ کو پوری توجہ اور سنجیدگی سے کھیلیں گے، دونوں ٹیمیں پہلی بار مدمقابل ہیں جو کہ دونوں ملکوں کے لیے بہت اچھا ہے۔‘‘

پاکستانی کرکٹ کے 17 کھلاڑیوں نے بھی بنگلا دیش پریمیئر لیگ (بی پی ایل) کی مختلف ٹیموں کے ساتھ معاہدے کیے ہیں لیکن متحدہ عرب امارات میں انگلینڈ کے خلاف جاری سیریز کے باعث ان میں سے بعض کی شرکت کچھ مشکل نظر آرہی ہے۔

بھارت کا کوئی کھلاڑی اس ایونٹ میں شامل نہیں ہے۔

پاکستانی آل راؤنڈر شاہد آفریدی اس ٹورنامنٹ میں سب سے مہنگے فروخت ہونے والے کھلاڑی ثابت ہوئے جنہیں ڈھاکا گلیڈیئٹرز نے سات لاکھ ڈالر میں خریدا۔

ان مقابلوں کا باقاعدہ آغاز جمعہ کو ہورہا ہے اور اس ایونٹ میں کل 33 میچ کھیلے جائیں گے۔

مصباح الحق بدستور پاکستانی ٹیم کے کپتان رہیں گے۔ شاہد آفریدی اور حماد اعظم کو ٹیم میں شامل کیا گیا ہے۔ ٹی ٹوئنٹی میچوں کے لیے یونس خان کی جگہ اویس ضیا پاکستان کی نمائندگی کریں گے۔ 2009ء میں ٹی ٹوئنٹی کا عالمی کپ جیتنے کے بعد یونس خان نے کرکٹ کے اس شعبے سے ریٹائرمنٹ لے لی تھی۔

ایک روزہ میچوں کے لیے پاکستانی ٹیم ان کھلاڑیوں پر مشتمل ہوگی۔ مصباح الحق، یونس خان، شاہد آفریدی، محمد حفیظ، عمران فرحت، اسد شفیق، عدنان اکمل، عمر گل، جنید خان، اعزاز چیمہ، سعید اجمل، عبدالرحمن، وہاب ریاض، اظہر علی اور حماد اعظم۔

ٹی ٹوئنٹی کے لیے پاکستان ٹیم میں یونس خان اور اظہر علی شامل نہیں ہیں۔ اویس ضیا اس میں ٹیم کا حصہ ہوں گے۔

انگلینڈ کی طرف سے اعلان کردہ ٹیم میں الیسٹر کک ایک روزہ میچوں کی قیادت کریں گے جب کہ اسٹورٹ براڈ ٹی ٹوئنٹی میچوں میں ٹیم کے کپتان ہوں گے۔

جوس بٹلر اور ڈینی بریکس اسکواڈ کا حصہ نہیں ہیں جب کہ این بیل کو ڈراپ کردیا گیا ہے۔

چار ایک روزہ بین الاقوامی میچوں کی سیریز کا پہلا میچ 13 فروری کو ابوظہبی میں کھیلا جائے گا۔

ٹیسٹ کرکٹ میں پاکستانی شاہینوں کے کارنامے
وی او اے کے نمائندے کی جانب سے جمع کردہ اعداد وشمار کے مطابق اسپاٹ فکسنگ کے واقعات کے بعد پاکستانی شاہین سولہ میچوں میں حریف ٹیموں سے ٹکرائے اور دس میں کامیابی نے ان کے قدم چومے ، چار میچ بے نتیجہ نکلے اور صرف دو میں شکست کا سامنا کیا۔
نومبر 2010ء سے پاکستان نے جنوبی افریقہ کا ابو ظہبی میں سامنا کیا اور چار میچوں کی سریز دو ، دو سے برابر ہوئی ۔جنوری 2011ء میں نیوزی لینڈ کو نیوزی لینڈ میں ہی دو ، ایک سے ہرایا ۔ مئی 2011ء میں ویسٹ انڈیز سے اس کے ملک میں دو میچوں کی سریز ، ایک ، ایک سے ڈرا کی ۔
ستمبر2011ء میں زمبابوے میں جا کر زمبابوے کو ہی دو میچوں کی سیریز میں ایک صفر سے شکست دی ۔ اکتوبر نومبر دو ہزار گیارہ میں سری لنکا کو ابوظہبی میں تین میچوں کی سیریز میں ایک صفر سے ہرایا۔اور اب ابو ظہبی میں ہی انگلینڈ جیسی ٹیسٹ کرکٹ کی دنیا میں راج کرنے والی ٹیم کو تین میچوں کی سریز میں وائٹ واش کر دیا ۔

اسپاٹ فکسنگ نے جیت کا گر سکا دیا
پاکستان نے 34 ایک روزہ میچوں میں سے 24 میں فتح حاصل کی اور صرف دس میں اسے شکست کا کڑوا گھونٹ پینا پڑا۔سات سیریز میں سے صرف ایک میں اسے شکست کا سامنا کرنا پڑا اور عالمی کپ دو ہزار گیارہ کے سیمی فائنل میں بھی جگہ بنائی ۔
تلخ یادوں سے بھر پور دورہ انگلینڈ کے بعد جب پاکستانی ٹیم اکتوبر ، نومبر دو ہزار دس میں ابوظہبی میں جنوبی افریقہ سے کھیلی تو اسے پانچ میچوں کی سیریز میں تین ، دو سے شکست کا سامنا کرنا پڑا لیکن اس کے بعد لگتا ہے کہ گرین شرٹس ہرنا بھول ہی گئے ۔
جنو ری ، فروری دو ہزار دس میں نیوزی لینڈ میں جا کر کیویز کو پانچ میچوں کی سیریز میں تین ، دو سے شکست دی ۔ اپریل میں ویسٹ انڈیز جا کر کالی آندھی کو پانچ میچوں کی سیریز میں دو ، صفر سے ہرایا ۔ مئی دو ہزار گیارہ میں آئر لینڈ پہنچی اور وہاں اسے دو میچوں کی سیریز میں دو ، صفر سے شکست دی ۔
ستمبر2011ءمیں زمبابوے کا دورہ کیا اور وہاں پاکستان نے زمبابوے کو تین میچوں کی سیریز میں تین ، صفر سے شکست دی ۔ نومبر 2011 ء میں ابو ظہبی میں سری لنکا کو پانچ میچوں کی سیریز میں چار ، ایک سے ہرایا اور دسمبر 2011ء میں بنگلہ دیش کو بنگلہ دیش میں جا کر تین ، صفر سے شکست دی ۔
 مذکورہ پرفارمنس سے اندازہ ہوتا ہے کہ پاکستانی ٹیم نے جہاں اسپاٹ فکسنگ کا داغ دھولیا ہے وہاں وہ آئندہ کسی بھی ٹیم کو’ دھونے ‘میں بھی ماہر ہوتی جا رہی ہے لیکن خبر یہ ہے کہ اس تمام تر صورتحال میں پاکستانی کرکٹرز کو اسپاٹ فکسنگ میں کرنے والے بکی مظہر مجید کو نہیں بھولنا چاہیے جو اس وقت لندن کی جیل میں ہیں ۔
کرکٹ کے بعض پنڈتوں کا خیال ہے کہ پاکستانی شائقین کو انگلینڈ کا وائٹ واش کرنے پر خوشیاں ضرور منانی چاہیں لیکن انہیں مظہر مجید کاشکریہ بھی اداکرنا چاہیے جنہوں نے اس راز کو فاش کیا کہ کیوں کہ شائقین کی ٹیم سے متعلق دعائیں قبول نہیں ہو رہیں ۔

انگلینڈ کو جیتنے کے 324 رنز کا ہدف ملا تھا لیکن اس کی پوری ٹیم 252 رنز بنا کر آؤٹ ہوگئی۔

پاکستان کی طرف سے عمر گل اور سعید اجمل نے چار، چار جب کہ عبدالرحمن نے دو وکٹیں حاصل کیں۔

اظہر علی کو میچ کا اور سعید اجمل کو سیریز کا بہترین کھلاڑی قرار دیا گیا۔

اس سے قبل پاکستانی ٹیم دوسری اننگز میں 365 رنز بنا کر آؤٹ ہوگئی تھی اور اس نے انگلینڈ کو جیت کے لیے 324 رنز کا ہدف دیا تھا۔ پاکستان کی طرف سے اظہر علی نے شاندار بیٹنگ کا مظاہرہ کرتے ہوئے 157 رنز بنائے، دوسرے سب سے نمایاں بلے باز یونس خان رہے جو 127 رنز بنا کر آؤٹ ہوئے۔

پاکستان کی پوری ٹیم پہلی اننگز میں 99 رنز پر آؤٹ ہو گئی تھی جس کے جواب میں انگلش ٹیم نے 141 رنز بنا کر 42 اسکور کی برتری حاصل کر لی تھی۔

چار ایک روزہ بین الاقوامی میچوں کی سیریز کا پہلا میچ 13 فروری کو ابوظہبی میں کھیلا جائے گا۔

کھیل کے آخری 20اوروں میں برطانوی بلے بازوں نے بے حد محتاط انداز میں بلے بازی کی۔ البتہ، سلپ میں توفیق عمر کے ہاتھوں ڈراپ ہونے والا کیچ پاکستانی ٹیم کو وکٹ حاصل کرنے سے محروم کر گیا۔

اِس سے قبل، پاکستان کی پوری ٹیم اپنی دوسری اننگ میں 365رنز بنا کر آؤٹ ہوگئی اور اس نے انگلینڈ کو جیت کے لیے 324کا ہدف دیا۔

پاکستان کی طرف سے اظہر علی نے شاندار بیٹنگ کا مظاہرہ کرتے ہوئے 157رنز بنائے۔ 533منٹ اور 442گیندوں پر مشتمل اُن کی اِس اننگ میں 10چوکے اور ایک چھکا بھی شامل ہے۔ فرسٹ کلاس کرکٹ میں اظہر علی کا یہ سب سے بڑا اسکور ہے۔

مبصرین ِ کرکٹ نے اظہر علی کی اِس دوسری ٹیسٹ سنچری اور اِس اننگ کے دوران ضرورت کے مطابق وکٹ پر قیام، اُن کی تکنیک اور ٹمپرامنٹ کو سراہا ہے۔

دوسرے سب سے نمایاں بلے باز یونس خان رہے، جنھوں نے 127رنز بنائے۔ اظہر اور یونس کے درمیان تیسری وکٹ کی شراکت میں 216رنز بنے۔

انگلینڈ کی جانب سے ایک بار پھر مونٹی پنیسر  کامیاب باؤلر رہے جنھوں نے 56.4اووروں میں 124رنز دے کر پانچ وکٹیں حاصل کیں۔

پاکستان کی آخری سات وکٹیں ٹیم کے اسکور میں صرف 34رنز کا اضافہ کر سکیں۔

پاکستان کی پوری ٹیم پہلی اننگ میں 99رنز پر آؤٹ ہوگئی تھی جس کے جواب میں انگلش ٹیم نے 141رنز بنا کر 42کی برتری حاصل کر لی تھی۔

عبد الرحمٰن نے مسلسل دوسرے ٹیسٹ میچ میں ایک اننگ میں پانچ وکٹیں اپنے نام کی تھیں۔

متحدہ عرب امارات میں جاری تین میچوں کی اس ٹیسٹ سیریز میں پاکستانی ٹیم کو پہلے ہی دو صفر سے فیصلہ کُن برتری حاصل ہے۔

تفصیل کے لیے آڈیو رپورٹ سنیئے:

پاکستان کی ٹیم نے اپنی دوسری اننگز کے آغاز کیا تو اس کے دونوں افتتاحی بلے باز توفیق عمر 6 اور محمد حفیظ 21 رنز بنا کر پویلین لوٹ گئے۔

تاہم اظہر علی اور یونس خان نے ذمہ دارانہ بیٹنگ کرتے ہوئے اپنی ٹیم کی پوزیشن کو مستحکم کرنے میں اہم کردار ادا کیا۔ دوسرے روز کھیل کے اختتام پر یونس خان 115 اور اظہر علی 75 رنز پر کھیل رہے تھے۔

اس سے قبل ہفتہ کو دوسرے دن انگلینڈ نے  104 رنز چھ کلاڑی آؤٹ پر کھیل کا دوبارہ آغاز کیا اور اس کے آخری چار کھلاڑی اسکور میں محض 37 رنز کا اضافہ کر سکے اور پوری ٹیم 141 رنز بنا کر آؤٹ ہوگئی۔

پاکستان کی طرف سے عبدالرحمن نے پانچ، سعید اجمل نے تین اور عمر گل نے دو وکٹیں حاصل کیں۔

متحدہ عرب امارات میں کھیلی جانے والی تین میچوں کی اس ٹیسٹ سیریز میں پاکستانی ٹیم کو پہلے ہی دو، صفر سے فیصلہ کن برتری حاصل ہے اور تیسرا میچ جیت کر وہ کلین سویپ کرسکتی ہے جو کہ اب تک دونوں ملکوں کے درمیان ہونے والی ٹیسٹ سیریز میں کسی نے نہیں کی ہے۔

جمعہ کو پاکستان نے دبئی میں انگلینڈ کے خلاف ٹاس جیت کر پہلے بیٹنگ کا فیصلہ کیا لیکن اس کے افتتاحی بلے باز توفیق عمر بغیر کوئی رن بنائے جمیز اینڈرسن کی گیند پر آؤٹ ہو گئے۔

دیگر بلے باز بھی انگلش باؤلروں کا جم کر مقابلہ نہ کرسکے اور یکے بعد دیگرے وکٹیں گرتی چلی گئیں۔ اسد شفیق 45 رنز کے ساتھ سب سے نمایاں بلے باز رہے۔ یہ چودھواں موقع ہے جب پاکستانی ٹیم کسی ٹیسٹ میچ میں 100 سے کم اسکور پر آؤٹ ہوئی ہے۔

انگلینڈ کی طرف سے براڈ نے چار، اینڈریسن نے تین، پنیسر نے دو اور سوان نے ایک کھلاڑی کو آؤٹ کیا۔

انگلینڈ نے پہلے دن کا کھیل ختم ہونے پر چھ وکٹوں کے نقصان پر 104 رنز بنائے ہیں۔ عبدالرحمن نے تین، عمر گل نے دو اور سعید اجمل نے ایک وکٹ حاصل کی۔

پاکستان کی میزبانی میں متحدہ عرب امارات میں کھیلی جانے والی اس سیریز میں اسے پہلے ہی دو، صفر سے فیصلہ کن برتری حاصل ہے اور تیسرا میچ جیت کر وہ کلین سویپ کرسکتی ہے جو کہ اب تک دونوں ملکوں کے درمیان ہونے والی ٹیسٹ سیریز میں کسی نے نہیں کی ہے۔

سیریز سے قبل ماہرین کرکٹ یہ پیش گوئی کر چکے تھے کہ یہ اسپنرز کی جنگ ہوگی اور پاکستانی اسپنرز نے یہ ثابت بھی کردیا۔ سعید اجمل 17 وکٹوں کے ساتھ اب تک کے کامیاب باؤلر ہیں جب کہ دوسرے نمبر پر 12 وکٹوں کے ساتھ عبدالرحمن کھڑے ہیں۔

جمعہ کو ہونے والے میچ میں پاکستانی ٹیم میں باؤلر جنید خان کی جگہ اعزاز چیمہ کو شامل کیا گیا ہے۔

میزبان ٹیم نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 131 رنز بنائے۔ فنچ 36 رنز کے ساتھ نمایاں بلے باز رہے۔

بھارت کی طرف سے پراوین کمار اور راہول شرما نے دو، دو وکٹیں حاصل کیں جبکہ ، ونے کماراور راوندر جدیجہ نے ایک ، ایک کھلاڑی کو آؤٹ کیا۔

مہمان ٹیم نے 132 رنز کا ہدف دووکٹوں کے نقصان پر حاصل کرلیا۔ گوتم گمبھیر 56 رنز کے ساتھ ناٹ آؤٹ رہے۔

دو میچوں کی سیریز کا پہلا میچ آسٹریلیا نے 31 رنز سے جیتا تھا۔

جمعہ کو دبئی میں صحافیوں سے باتیں کرتے ہوئے وقار یونس نے کہا’’اگر پابندی میں تخفیف ہوسکتی ہے تو انھیں (آئی سی سی کو) اس پر غور کرنا چاہیے، ہر قانون گنجائش دیتا ہے۔‘‘

پاکستانی فاسٹ باؤلر محمد عامر کو اگست 2010ء میں انگلینڈ کے خلاف ایک ٹیسٹ میچ میں اسپاٹ فکسنگ میں ملوث ہونے پر آئی سی سی کی طرف سے پانچ سال کی پابندی کا سامنا ہے جب کہ دھوکہ دہی کے الزام میں لندن کی ایک عدالت نے انھیں گزشتہ سال چھ ماہ کی قید سنائی تھی۔ وہ یکم فروری کو جیل سے رہا ہوئے ہیں۔

آئی سی سی کی پابندی کے مطابق محمد عامر 2015ء تک کرکٹ کی کسی بھی سرگرمی میں حصہ نہیں لے سکتے۔

لیکن وقار یونس کا کہنا تھا ’’کسی بھی فاسٹ باؤلر کے لیے خود کو فٹ رکھنا مشکل ہوتا ہے یہاں تک کہ اگر اسے کلب کرکٹ کھیلنے کی بھی اجازت نہ ہو۔‘‘ انھوں نے کہا’’ ہم سب کی ہمدردیاں عامر کے ساتھ ہونی چاہئیں کیونکہ وہ ابھی بہت چھوٹے ہیں، ان کا ٹیلنٹ نہ صرف میں بلکہ پاکستانی ٹیم بھی مس کرے گی۔‘‘

سابق پاکستانی کپتان عمران خان پہلے ہی محمد عامر کے بارے میں کہہ چکے ہیں کہ وہ عمر کے اس حصے میں سابق فاسٹ باؤلر وسیم اکرم سے بہتر باؤلر ہیں۔

وقار یونس کا کہنا تھا کہ عامر میں کچھ تو ضرور ہوگا جس کی وجہ سے عمران خان نے اس کی تعریف کی ہے۔

پاکستانی ٹیم کے موجودہ کپتان مصباح الحق یہ کہہ چکے ہیں کہ محمد عامر کی کھیل میں واپسی کا فیصلہ آئی سی سی اور پاکستانی کرکٹ بورڈ ہی کرے گا اور وہ اس موقع پر اس بارے میں کوئی تبصرہ نہیں کرنا چاہتے۔

طویل عرصے تک اسکینڈل کی زد میں رہنے والی پاکستانی ٹیم دنیا کی نمبر ون ٹیسٹ ٹیم انگلینڈ کے خلاف تین میچوں کی سیریز کے پہلے دو ٹیسٹ واضح برتری کے ساتھ جیت چکی ہے اور آخری میچ جیت کر وہ کلین سویپ کی کوشش کرے گی۔

جبکہ انگلش ٹیم کا کہنا ہے کہ وہ اس داغ سے بچنے کے لیے بہترین کھیل پیش کرنے کی کوشش کرے گی اور یہی وجہ ہے کہ دوسرے ٹیسٹ میں پاکستانی اسپنرز سعید اجمل اور عبدالرحمن کے سامنے بے بس ہو کر آؤٹ ہونے والے انگلش بلے باز گزشتہ کئی روز سے دونوں پاکستانی باؤلروں کی دوسرے ٹیسٹ میں باؤلنگ کی ویڈیو فلمیں بار بار دیکھ کر اپنی کمزوریوں کی نشاندہی میں مصروف رہے۔

سال بھر عالمی ٹیسٹ رینکنگ میں نمبر ایک کی پوزیشن پر براجمان انگلینڈ کے لیے آئی سی سی کی طرف سے ایک لاکھ 75 ہزار ڈالر کا انعام حاصل کرنے اور اپنی ساکھ بچانے کے لیے پاکستان کے خلاف  تیسرا میچ جیتنا لازمی ہے۔

برطانوی کوچ اینڈی فلاور پہلے ہی تیسرے ٹیسٹ کے لیے ٹیم میں تبدیلیوں کا عندیہ دے چکے ہیں۔’’ہمیں تیسرے ٹیسٹ میں گیارہ بہترین کھلاڑیوں کو کھیلانے اور میچ جیتنے کی کوشش کرنی ہوگی۔ اگر اس کے لیے ٹیم میں کوئی تبدیلی کرنی پڑی تو ہم بلا جھجک ایسا کریں گے۔‘‘

انگلش کوچ فلاور کے بقول اُن کی ٹیم نے پاکستانی باؤلروں پر دوسری اننگز میں کوئی دباؤ نہیں ڈالا اور کھلاڑی اپنی وکٹیں گنواتے رہے۔ ’’سلیکشن کرنا ہمارے لیےایک اہم اور بعض اوقات بہت پیچیدہ کام ہوتا ہے اس لیے تیسرے ٹیسٹ میں کچھ اہم فیصلے کرنے ہوں گے۔‘‘

پاکستان نے دبئی میں کھیلا جانے والا پہلا ٹیسٹ میچ دس وکٹوں اور ابوظہبی میں ہونے والا دوسرا میچ 72 رنز سے جیتا تھا۔

پاکستانی اسپنرز سعید اجمل اور عبدالرحمن نے ان دونوں میچوں میں مجوعی طور پر 29 وکٹیں حاصل کیں۔

پاکستان اور انگلینڈ کے درمیان کرکٹ سیریز کسی نہ کسی قضیے یا اسکینڈل کی زد میں آتی رہی ہیں تاہم اس سیریز سے قبل دونوں ٹیموں کےکپتان یہ کہہ چکے ہیں کہ ماضی کو بھلا کر صرف اچھی کرکٹ کھیلنا ہی ان کا مقصد ہوگا۔

پاکستانی کپتان مصباح الحق کا کہنا تھا کہ سیریز سے پہلے جو ان کی ٹیم نے سوچ رکھا تھا وہ انھوں نے حاصل کرلیا اور انگلینڈ کے خلاف ان فتوحات کی ٹیم کو اشد ضرورت تھی۔

فیلڈ مارشل محمد طنطاوی نے جمعرات کی صبح کھیلوں کے ایک ٹی وی چینل سے گفتگو میں کہا کہ ہنگامے ’’مصر کی سکیورٹی کو متاثر نہیں کریں گے‘‘۔

مصر کے ساحلی شہر پورٹ سعید میں ایک فٹبال میچ کے بعد دونوں ٹیموں کے حامیوں میں لڑائی سے کم از کم 74 افراد ہلاک اور سینکڑوں زخمی ہو گئے تھے۔

مصر کے وزیر داخلہ محمد ابراہیم نے کہا ہے کہ سکیورٹی فورسز نے ہنگامہ آرائی میں ملوث 47 افراد کو گرفتار کیا ہے اور مزید مشتبہ افراد کی تلاش جاری ہے۔  انھوں نے کہا کہ میزبان ٹیم المصری کے 13 ہزار حامیوں نے مخالف ٹیم ’الاھلی‘کے 12 سو تماشائیوں پر دھاوا بول دیا تھا۔

سکیورٹی اہلکاروں نے مداخلت کر کے لڑائی رکوانے کی کوشش کی لیکن وہ قابو نا پا سکے۔ حکام کے مطابق زیادہ تر ہلاکتیں بھگدڑ مچنے کے باعث پاؤں تلے کچلے جانے سے ہوئیں۔

برطانوی قانون کے مطابق محمد عامر کو سنائی گئی سزا کی نصف مدت کی تکمیل پر رہا کیا گیا ہے۔

عامر نے اگست 2010ء میں لارڈز میں انگلینڈ کے خلاف کھیلے گئے ٹیسٹ میچ میں جان بوجھ کر دو نو بالز کرانے کا اعتراف کیا تھا جس پر ایک برطانوی عدالت نے انہیں  نومبر 2011ء میں چھ ماہ قید کی سزا سنائی تھی۔

برطانوی عدالت نے مقدمے کے شریک ملزمان پاکستان کے سابق کپتان سلمان بٹ اور فاسٹ بالر محمد آصف کو بھی پیسے لے کر نو بالز کرانے کا الزام ثابت ہوجانے پر بالترتیب ڈھائی سال اور ایک سال قید کی سزا سنائی تھی اور دونوں کھلاڑی ایک برطانوی جیل میں اپنی سزائیں کاٹ رہے ہیں۔

انیس سالہ محمد عامر کو کم عمری کے باعث روایتی جیل کے بجائے لندن میں کم عمر قیدیوں کے لیے مخصوص ادارے 'ینگ آفینڈرز انسٹی ٹیوشن' میں رکھا گیا تھا جہاں سے انہیں بدھ کو رہا کردیا گیا۔

لندن میں محمد عامر کے وکیل نے کہا ہے کہ ان کے موکل کو پاکستان ڈی پورٹ نہیں کیا جارہا  جب کہ عامر کے پاکستان میں موجود اہلِ خانہ  کا کہنا ہے کہ فاسٹ بالر دو سے ڈھائی ہفتوں میں وطن واپس آئیں گے۔

برطانوی خبر رساں ایجنسی 'رائٹرز' کا کہنا ہے کہ امکان ہے کہ محمد عامر لندن میں اپنے قیام کے دوران انٹرنیشنل کرکٹ کونسل (آئی سی سی) کی جانب سے اپنے خلاف عائد کردہ پانچ سالہ پابندی  کے فیصلے کے خلاف کھیلوں کی عالمی عدالت برائے ثالثی میں اپیل دائر کرنے کے حوالے سے اپنے وکلاء سے مشاورت کریں گے۔

سڈنی میں کھیلے جانے والے میچ میں بھارت نے ٹاس جیت کر پہلے آسٹریلیا کو کھیلنے کی دعوت دی جس نے مقررہ 20 اوورز میں 171 رنز اسکور کیے۔ میتھیو نے تین چھکوں اور پانچ چوکوں کی مدد سے 74 رنز بنائے۔ دوسرے نمایاں بلے باز ڈیوڈ ہسی تھے جنہوں نے 42 رنز بنائے۔

بھارت کی طرف سے ایشون، ونے کمار، رائینا اور شرما نے ایک، ایک وکٹ حاصل کی۔

جواب میں مہمان ٹیم مقررہ 20 اوورز میں چھ وکٹوں کے نقصان پر 140 رنز بنا سکی۔ کپتان دھونی 48 رنز کے ساتھ نمایاں بلے باز رہے۔

آسٹریلیا کی طرف سے ہسی اور کرسٹیان نے دو، دو جب کہ برٹ لی اور ہوگ نے ایک، ایک وکٹ حاصل کی۔

سیریز کا دوسرا ٹی ٹوئنٹی میچ تین فروری کو میلبورن میں کھیلا جائے گا۔

میلبورن میں کھیلا جانے والا یہ فائنل میچ پانچ گھنٹے سے زائد جاری رہا جو کہ دنیائے ٹینس کے چار بڑے مقابلوں کی تاریخ کا طویل ترین میچ ثابت ہوا۔

اعصاب شکن معرکے میں سربیا کے جوکووچ نے پانچ، سات، چھ، چار، چھ،دو، چھ،سات اور سات، پانچ سے کامیابی حاصل کی۔

میچ کے بعد 24 سالہ سربیائی فاتح کا کہنا تھا کہ ’’ ہم نے آج تاریخ رقم کی ہے لیکن بدقسمتی سے دو فاتح نہیں ہوسکتے۔‘‘ انھوں نے ندال کو سراہتے ہوئے کہا کہ وہ ایک شاندار کھلاڑی ہیں۔

1968ء کے بعد سے جوکووچ، ندال، راجر فیڈرر، پیٹ سیمپرس اور راڈ لاور ایسے کھلاڑی ہیں جنہوں نے مسلسل تین گرینڈ سلیم جیتے ہیں۔

ندال نے اس موقع پر کہا کہ ’’ میرا خیال ہے کہ ہم نے شاندار ٹینس میچ کھیلا اور مجھے اس ٹورنامنٹ اور اس میچ کا حصہ بننے پر خوشی ہے۔‘‘

آسٹریلین اوپن ٹینس کے خواتین سنگل فائنل مقابلے میں بیلو رشیا کی وکٹوریہ ازارینکا نے روس کی ماریا شیرا پوا کو شکست دی۔

اس وقت پاکستان پانچویں نمبر پر ہے لیکن عالمی درجہ بندی میں سرفہرست، انگلینڈ، کو مسلسل دو ٹیسٹ میچوں میں شکست دے کر سیریز میں فتح نے قومی ٹیم کے عبوری مدت کے لیے مقررکردہ پاکستانی کوچ کو اپنی ٹیم کے روشن مستقبل کی پیش گوئی کرنے کا اعتماد بخشا ہے۔

محسن خان بھی اُن لوگوں میں شامل ہیں جنہوں نے پاکستان کی کرکٹ ٹیم کا مستقل کوچ بننے کی درخواست دے رکھی ہے۔

تاہم ذرائع ابلاغ میں آسٹریلیا کے ڈیو وٹمور کو انگلینڈ کے خلاف سیریز کے اختتام پرپاکستانی ٹیم کا کوچ بنانے کی قیاس آرائیاں کی جارہی ہیں۔

اُدھر انگلینڈ کے کوچ اینڈی فلاور نے تیسرے ٹیسٹ کے لیے ٹیم میں تبدیلیوں کا عندیہ دیا ہے۔

’’ہمیں تیسرے ٹیسٹ میں گیارہ بہترین کھلاڑیوں کو کھیلانے اور میچ جیتنے کی کوشش کرنی ہوگی۔ اگر اس کے لیے ٹیم میں کوئی تبدیلی کرنی پڑی تو ہم بلا جھجک ایسا کریں گے۔‘‘

تیسرے ٹیسٹ میں جن کھلاڑیوں کو ٹیم سے ڈراپ کیے جانے کا امکان ظاہر کیا جارہا ہے ان میں مڈل آرڈر کیون پیٹرسن، این بل اور آئن مارگن کے نام سرفہرست ہیں جو پہلے دو میچوں میں پاکستان کے اسپن باؤلروں کو کھیلنے میں بری طرح ناکام رہے۔ ان تینوں کھلاڑیوں نے دبئی اور ابو ظہبی میں کھیلے جانے والے دونوں ٹیسٹ میچوں کی چار اننگز میں مجموعی طور پر 94 رنز اسکور کیے۔

انگلش کوچ فلاور کے بقول اُن کی ٹیم نے پاکستانی باؤلروں پر دوسری اننگز میں کوئی دباؤ نہیں ڈالا اور کھلاڑی اپنی وکٹیں گنواتے رہے۔ ’’سلیکشن کرنا ہمارے لیےایک اہم اور بعض اوقات بہت پیچیدہ کام ہوتا ہے اس لیے تیسرے ٹیسٹ میں کچھ اہم فیصلے کرنے ہوں گے۔‘‘

تاہم اُنھوں نے کہا کہ پاکستان کی شاندار کارکردگی کا اعتراف نہ کرنا ناانصافی ہوگی۔

’’اُنھوں نے زبردست مقابلہ کیا اور اپنی کارکردگی کو بہتر کرنے کے لیے بہت محنت کی ہے۔ مجھے اُن کی اس کامیابی پر بہت خوشی ہے کیونکہ یہ ناصرف ان کی کرکٹ بلکہ ان کے ملک کے لیے بھی خوش آئند ہے۔‘‘

اتوار کو جاری کیے گئے اپنے بیان میں آئی سی سی نے کہا ہے کہ ایک وقت میں پاکستان کے دو اسپن باؤلرز 23 سال بعد اس فہرست کا حصہ بنے ہیں۔

اس سے قبل ستمبر 1988ء میں جاری کی گئی فہرست میں پاکستان کے لیگ اسپنر عبدالقادر اور بائیں ہاتھ سے اسپن باؤلنگ کرانے والے اقبال قاسم کے نام شامل تھے۔

اجمل اور رحمٰن کی شاندار باؤلنگ کی بدولت ہفتہ کو ابوظہبی میں پاکستان نے دوسرے کرکٹ ٹیسٹ میں عالمی درجہ بندی میں سرفہرست انگلینڈ کو 72 رنز سے شکست دے کر تین میچوں کی سیریز دو، صفر سے جیت لی ہے۔

رحمٰن نے دوسری اننگز میں 25 رنز کے عوض انگلش ٹیم کے 6 کھلاڑیوں کو آؤٹ کر کے پاکستان کو میچ جتوانے میں کلیدی کردار ادا کیا۔  

دنیا کے بہترین باؤلرز کی فہرست میں پہلے نمبر پر جنوبی افریقہ کے ڈیل سٹائن، دوسرے پر سعید اجمل اور تیسرے پر انگلینڈ کے جیمز اینڈرسن ہیں جبکہ عبدالرحمٰن نویں نمبر پر ہیں۔

اجمل اور رحمٰن نے پاکستان اور انگلینڈ کے درمیان جاری حالیہ سیریزمیں دو ٹیسٹ میچوں میں اب تک بالترتیب 17 اور 12 وکٹیں حاصل کی ہیں۔

پاکستان کے کپتان مصباح الحق بھی اپنے ٹیسٹ کیرئیر میں پہلی مرتبہ دنیا کے دس بہترین بلے بازوں کی آئی سی سی کی فہرست میں جگہ بنانے میں کامیاب ہوئے ہیں۔

اس فہرست میں اول نمبر پر سری لنکا کے کمار سنگاکارا، دوسرے پر جنوبی افریقہ کے یاک کیلس اورتیسرے پر آسٹریلوی کپتان مائیکل کلارک ہیں، جبکہ مصباح الحق آٹھویں نمبر پر ہیں۔

تیسرا اور آخری ٹیسٹ میچ دوبئی میں 3 فروری کو کھیلا جائے گا۔ اس گراؤنڈ پر کھیلے گئے پہلے میچ میں پاکستان نے انگلینڈ کو دس وکٹوں سے شکست دی تھی۔

اُنھوں نےکہا کہ پاکستانی بؤلنگ نے’کرامات‘ اور ’معجزہ‘ کر دکھایا۔

’وائس آف امریکہ‘ سے گفتگو میں سرفراز نواز نے کہا کہ  یہ بھی ایک حقیقت ہے کہ روایتی طور پر،  انگلینڈ ’اسپننگ پچز‘ پر دباؤ کا شکار رہتا ہے۔

انگلینڈ کے سابق کپتان، نصر حسین نے کہا کہ دو سال سے پاکستانی کرکٹ ٹیم کو غیر معمولی حالات سے واسطہ رہا۔ لیکن، آج ابوظہبی میں  وہ جس طرح متحد ہوکر کھیلی، ’ جیت اُسی  کا حق تھا‘۔

اُنھوں نے کہا کہ پاکستانی بؤلروں نے انگلینڈ کی بیٹنگ کو تباہ کر کے رکھ دیا، جب کہ وکٹ پر کوئی الزام نہیں دیا جا سکتا۔

پاکستان کرکٹ بورڈ کے سابق چیرمین، لیفٹیننٹ جنرل (ر) توقیر ضیا  نے کہا کہ حقیقت یہ ہے کہ پاکستان کی ٹیم گذشتہ برس سے  مستقل مزاجی  کا پیکر بن کر اُبھری ہے،  ’کوئی سیریز نہیں ہارے، اور سری لنکا جیسی ٹیم کو ہرا چکے ہیں‘۔

توقیر ضیا نے کہا کہ  بہترین  حکمتِ عملی، کپتان کی اچھی  صلاحیت اور بؤلروں اور بیٹس مینوں کی سو فی صد کارکردگی پر پاکستان ٹیم کو مکمل کریڈٹ دینا چاہیئے۔

سابق ٹیسٹ کرکٹر صادق محمد نے پاکستان ٹیم کی اچھی کارکردگی کی تعریف کرتے ہوئے کہا کہ پاکستان نے انگلینڈ جیسی ٹیم کو ہرایا جو آج کل’ اچھے فارم میں‘  کھیلتی ہے۔

آڈیو رپورٹ سنیئے:

پاکستان نے انگلینڈ کو یہ میچ جیتنے کے لیے 145 رنز کا ہدف دیا تھا لیکن انگلش ٹیم 72 رنز پر ڈھیر ہوگئی۔

عبدالرحمن نے چھ، سعید اجمل نے تین اور محمد حفیظ نے ایک وکٹ حاصل کی۔

ہفتہ کو جب کھیل شروع ہوا تو پاکستان اپنی دوسری اننگز 125 رنز چار کھلاڑی آؤٹ کے ساتھ میدان میں اترا۔ اسد شفیق 43، اظہر علی 68 رنز بنا کر آؤٹ ہوئے۔ بعد میں آنے والے بلے باز کوئی خاطر خواہ کارکردگی نہ دکھا سکے اور پوری ٹیم 214 رنز بنا کر آؤٹ ہوگئی۔

انگلینڈ کی طرف سے پنیسر نے چھ، سوان نے دو جب کہ براڈ اور اینڈریسن نے ایک ،ایک وکٹ حاصل کی۔

اس سے قبل انگلینڈ کی ٹیم اپنی پہلی اننگز میں 327 رنز بنا کر آؤٹ ہوگئی تھی اور بظاہر پراعتماد نظر آنے والی پاکستانی ٹیم کے لیے 70 رنز کی برتری ختم کرنا مشکل دکھائی دے رہا تھا۔ لیکن اظہر علی اور اسد شفیق کی اچھی پارٹنر شپ نے ٹیم کی پوزیشن کو مستحکم کرنے میں مدد دی اور دونوں کھلاڑی بالترتیب 46 اور 35 رنز پر کھیل رہے ہیں۔

جمعہ کو میچ کے تیسرے دن انگلینڈ نے اپنی اننگز کے اسکور207 رنز پانچ کھلاڑی آؤٹ پر کھیل شروع کیا تو کچھ ہی دیر بعد پرائر سعید اجمل کی گیند پر آؤٹ ہوگئے۔ جمعہ کو آؤٹ ہونے والوں میں سوان اور بیل شامل ہیں۔

ایک روز قبل اننگز کے آغاز میں ہی اینڈریو اسٹراس 11 رنز بنا کر محمد حفیظ کی گیند پر آؤٹ ہوئے۔ لیکن الیسٹر کک اور جوناتھن ٹراٹ نے ذمہ دارانہ بیٹنگ کا مظاہرہ کرتے ہوئے اپنی نصف سینچریاں مکمل کیں۔ چائے کے وقفے کے بعد ٹراٹ 74 رنز بنا کر عبدالرحمن کی گیند پر بولڈ ہوئے۔

انگلینڈ کی طرف سے الیسٹر کک 94 رنز کے ساتھ نمایاں بلے باز رہے۔

سعید اجمل نے چار، محمد حفیظ نے تین، عبدالرحمن نے دو اور عمر گل نے ایک وکٹ حاصل کی۔

اس سے قبل جمعرات کو پاکستان کی ٹیم اپنی پہلی اننگز میں 257 رنز بنا کر آؤٹ ہوگئی ۔

انگلینڈ کے خلاف دوسرے دن جب کھیل کا آغاز ہوا تو پاکستان کا اسکور 256 رنز تھا اور اس کے سات کھلاڑی آؤٹ تھے۔ مصباح الحق اپنے انفرادی اسکور میں صرف ایک رن کے اضافے کے بعد براڈ کی گیند پر ایل بی ڈبلیو آؤٹ ہوگئے۔ انھوں نے 84 رنز بنائے۔ سعید اجمل اور جنید خان کوئی رن بنائے بغیر آؤٹ ہوئے۔

بدھ کو پاکستان نے ٹاس جیت کر پہلے بیٹنگ کا فیصلہ کیا لیکن اس کے ابتدائی بلے باز زیادہ دیر تک انگلینڈ کے باؤلروں کا جم کر مقابلہ نہ کرسکے۔

ابتدائی بلے باز محمد حفیظ اور توفیق عمر بالترتیب 31 اور 16 رنز بنا کر آؤٹ ہوئے۔ اظہر علی اور یونس خان، 24، 24 رنز بناسکے۔ بعد ازاں کپتان مصباح الحق اور اسد شفیق نے پراعتماد بیٹنگ کی لیکن یہ شراکت داری بھی تا دیر قائم نہ رہ سکی اور اسد شفیق 58 رنز بنا کر آؤٹ ہوگئے۔

انگلینڈ کی طرف سے براڈ نے چار سوان نے تین اینڈریسن نے دو اور پنیسر نے ایک وکٹ حاصل کی ہے۔

اس میچ کے لیے باؤلر اعزاز چیمہ کی جگہ جنید خان کو پاکستانی ٹیم میں شامل کیا گیا ہے۔

تین ٹیسٹ میچوں کی سیریز میں پاکستان کو ایک، صفر سے برتری حاصل ہے۔

دبئی میں کھیلا جانے والا پہلا ٹیسٹ میچ پاکستان نے دس وکٹوں سے جیتا تھا اور اس میچ میں پاکستانی باؤلروں خصوصاً اسپنر سعید اجمل نے شاندار کارکردگی کا مظاہرہ کیا تھا۔

ایڈلیڈ میں کھیلے جانے والے اس میچ میں بھی میزبان ٹیم نے بھارت کی ایک نہ چلنے دی اور شروع ہی سے اس کا پلڑا بھاری رہا۔

آسٹریلیا نے ٹاس جیت کر پہلے بیٹنگ کرتے ہوئے 604 رنز سات کھلاڑی آؤٹ پر پہلی اننگز ختم کرنے کا اعلان کردیا۔ رکی پونٹنگ اور کپتان مائیکل کلارک نے ڈبل سینچریاں اسکور کیں اور بالترتیب 221 اور 210 رنز بنائے۔

جواب میں بھارت کی ٹیم اپنی دوسری اننگز میں 272 رنز بنا سکی۔ ویرات کولی واحد بلے باز رہے جنہوں نے قابل ذکر 116 رنز بنائے۔

میزبان ٹیم نے اپنی دوسری اننگز بھی 167 رنز پانچ کھلاڑی آؤٹ پر ختم کردی اور بھارت کو میچ جیتنے کے لیے 500 رنز کا ہدف دیا۔

ہدف کے تعاقب میں بھارتی ٹیم 201 رنز پر ڈھیر ہوگئی۔ سچن ٹنڈولکر اس سیریز میں بھی اپنی سینچریوں کی سینچری مکمل نہ کرسکے۔

آسٹریلیا کے سڈل کو مین آف دی میچ اور کپتان مائیکل کلارک سیریز کے بہترین کھلاڑی قرار پائے۔

میچ کے چوتھے روز بھارت نے کھیل ختم ہونے تک چھ وکٹوں کے نقصان پر 166 رنز بنائے۔ میچ جیتنے کے لیے اسے مزید 334 رنز درکار ہیں جبکہ میچ کا ایک دن اور ٹیم کی چار وکٹیں ابھی باقی ہیں۔

میچ کے تیسرے روز بھارت کی پوری ٹیم میزبان ٹیم کے اسکور 604 کے جواب میں 272 رنز پر آؤٹ ہوگئی۔

مہمان ٹیم کے ویرات کوہلی 116 رنز کے ساتھ نمایاں بلے باز رہے اور ان کی پراعتماد بیٹنگ کی بدولت ٹیم فالوآن سے بچ سکی۔ ٹیم کے دیگر بیٹسمین کوئی خاطر خواہ کارکردگی نہ دکھا سکے۔

آسٹریلیا کے سڈل نے پانچ، ہلفنہاس نے تین، ہیرس اور لیون نے ایک، ایک وکٹ حاصل کی۔

میزبان ٹیم نے اپنی پہلی اننگز 604 رنز سات کھلاڑی آؤٹ پر ختم کرنے کا اعلان کیا تھا اور اب اسے مخالف ٹیم پر 382 رنز کی برتری حاصل ہے۔

چار ٹیسٹ میچوں کی سیریز میں آسٹریلیا کو پہلے ہی تین، صفر سے برتری حاصل ہے۔

میلبرن کے 'لارڈ لیور ارینا' میں ہونے والے سال کے پہلے گرینڈ سلم ایونٹ کا پہلا سیمی فائنل دونوں روایتی حریفوں کے درمیان ایک اور تاریخی مقابلہ ثابت ہوا۔

پونے چار گھنٹے جاری رہنے والے میچ میں اسپین کے رافیل ندال نے اپنے سوئس حریف کو 7-6، 2-6، 6-7، 4-6 سے شکست دی۔

ٹینس کی تاریخ کے عظیم ترین کھلاڑی تسلیم کیے جانے والے فیڈرر اور ندال کا عموماً عالمی مقابلوں کے فائنل میں ہی ایک دوسرے سے سامنا ہوتا ہے۔ تاہم، یہ دوسرا موقع تھا جب دونوں کھلاڑی کسی گرینڈ سلم ایونٹ کے سیمی فائنل میں ایک دوسرے کے مدِ مقابل آئے تھے لیکن ان کا جوش و خروش فائنل سے کسی طور کم نہیں تھا۔

ریکارڈ 16 گرینڈ سلم ٹائٹل جیتنے والے30 سالہ فیڈرر کی گزشتہ 26 میچز میں یہ پہلی شکست تھی۔ دونوں کھلاڑی اب تک ایک دوسرے کےخلاف27 عالمی میچزکھیل چکے ہیں جن میں 25 سالہ نڈال کو 9-18 کی واضح برتری حاصل ہے۔

'آسٹریلین اوپن' کا دوسرا سیمی فائنل جمعے کو دفاعی چیمپئن نوواک جوکووچ اور مسلسل دو برسوں سے 'آسٹریلین اوپن' کے رنر اپ عالمی نمبر چار اینڈی مرے کے درمیان ہوگا۔

دونوں کھلاڑیوں کے مابین ماضی میں 10 میچز ہوچکے ہیں جن میں سربین نژاد عالمی نمبر ایک جوکووچ کو اپنےبرطانوی حریف پر 4-6 کی برتری حاصل ہے۔

دریں اثنا، روس کی ماریہ شیرا پوا اور بیلا روس کی وکٹوریا ازارینکا 'آسٹریلین اوپن' کے خواتین مقابلوں  کے فائنل میں پہنچ گئی ہیں۔

عالمی نمبر تین ازارینکا نے پہلی بار کسی گرینڈ سلم ایونٹ کے فائنل  تک رسائی حاصل کی ہے۔ انہوں نے سیمی فائنل میں اپنی حریف اور دفاعی چیمپئن بیلجئم کی کم کلسٹرز کو 4-6، 6-1، 3-6 سے شکست دی۔

دوسرے سیمی فائنل میں عالمی نمبر چار شراپوا اپنی حریف عالمی نمبر دو چیک ری پبلک کی پیٹرا ویٹووا کو 2-6، 6-3، 4-6 سے شکست دے کر  تیسری بار 'آسٹریلین اوپن' کے فائنل میں پہنچنے میں کامیاب رہیں۔

اس سے قبل کپتان مائیکل کلارک اور رکی پونٹنگ نےایک بار پھرشاندار بیٹنگ کا مظاہرہ کرتے ہوئے ڈبل سنچریاں اسکور کیں۔ اُنھوں نے بالترتیب 210 اور221 رنز بنائے۔ پونٹنگ کی ٹیسٹ کرکٹ میں یہ چھٹی ڈبل سنچری ہے۔

دونوں آسٹریلوی بلے بازوں کے درمیان 386 رنز کی شراکت ٹیسٹ کرکٹ میں آسٹریلیا کی چوتھی بڑی پارٹنرشپ ہے۔ اس سے قبل تینوں پارٹنرشپس میں تاریخ ساز آسٹریلوی بلے باز ڈان بریڈمین شریک تھے۔    

ٹیسٹ کرکٹ کی تاریخ میں بریڈمین اور ویلے ہیمنڈ کے بعد کلارک تیسرے کھلاڑی ہیں جنہیں ایک ہی سیریز میں ایک ٹرپل سنچری اور ایک ڈبل سنچری بنانے کا اعزاز حاصل ہوا ہے۔  

چائے کے وقفے کے بعد جب بریڈ ہیڈن 42 اور رائن ہارس 35 رنز پر کھیل رہے تھے تو آسٹریلوی کپتان نے اننگز ڈیکلیئر کرنے کا فیصلے کرتے ہوئے آخری 21 اوورز بھارت کو کھیلنے کی دعوت دے دی۔

آسٹریلیا پہلے تینوں ٹیسٹ میچوں میں بھارت کو شکست دے چکا ہے اور آخری ٹیسٹ کو بچانے کے لیے مہمان ٹیم کو باقی کے تین دنوں میں بہت محنت کرنی ہوگی جبکہ ماہرین کا کہنا ہے کہ پچ بلے بازوں کے لیے بہت سازگار ہے۔

دبئی میں کھیلے جانے والے اس میچ میں شروع ہی سے پاکستان کا پلڑا بھاری رہا۔ انگلینڈ نے ٹاس جیت کر پہلے بیٹنگ کرنے کا فیصلہ کیا لیکن میچ کے پہلے ہی روز اس کی پوری ٹیم 192 رنز بنا کر آؤٹ ہوگئی اور اس کی وجہ آف اسپن باؤلر سعید اجمل کی تباہ کن باؤلنگ تھی جنہوں نے 55 رنز کے عوض سات وکٹیں حاصل کیں۔

پاکستانی ٹیم نے پہلی اننگز میں پراعتماد بیٹنگ کرتے ہوئے 338 رنز بنائے اور یوں اسے مخالف ٹیم پر 146 رنز کی اہم برتری حاصل ہوگئی۔ اس میں ابتدائی بلے محمد حفیظ، توفیق عمر، کپتان مصباح الحق اور عدنان اکمل کی نصف سینچریاں شامل تھیں۔ کرلی۔

میچ کے تیسرے روز جمعرات کو پاکستان کی تمام ٹیم کو آؤٹ کرنے کے بعد انگلینڈ کی ٹیم نے جب اپنی دوسری اننگز کا آغاز کیا تو اس بار عمر گل نے انگلش ٹیم کی بیٹنگ لائن توڑنے میں کلیدی کردار ادا کیا۔

ایک موقع پر ایسا نظر آرہا تھا کہ انگلینڈ کو ایک اننگز کی شکست سامنا ہوسکتا ہے تاہم بلے بازوں کی آخری جوڑی نے کچھ مزاحمت کی اور مجموعی اسکور کو 160 تک پہنچا کر اپنی ٹیم کو اننگز کی شکست سے محفوظ رکھنے میں کامیاب ہوگئے۔

پاکستان کو میچ جیتنے کے لیے 15 رنز کا ہدف ملا جو اس نے بغیر کسی نقصان کے حاصل کرلیا۔

حسب توقع سعید اجمل کو دس وکٹیں حاصل کرنے پر میچ کا بہترین کھلاڑی قرار دیا گیا۔

پاکستان کی طرف سے مجموعی طور پرعمر گل نے چار، عبدالرحمن نے چار، اعزاز چیمہ اور محمد حفیظ نے ایک، ایک وکٹ حاصل کی۔

دوسرا ٹیسٹ میچ 25 جنوری کو ابوظہبی میں کھیلا جائے گا۔

جمعرات کو ڈھاکا میں چھ مختلف فرنچائزز کے لیے کھلاڑیوں کی بولی کا مرحلہ مکمل ہوا جس میں پاکستان کے شاہد آفریدی کو ڈھاکا گلیڈی ایٹرز نے سات لاکھ ڈالرز کی کامیاب بولی دے کر حاصل کرلیا۔

البتہ شاہد آفریدی 10 سے 28 فروری تک ہونے والے بنگلہ دیش پریمئر لیگ (بی پی ایل) مقابلوں کے صرف دو ابتدائی میچوں کے لیے ہی دستیاب ہوں گے کیونکہ انھیں اپنی قومی ٹیم کی انگلینڈ کے خلاف جاری سیریز کے لیے متحدہ عرب امارات روانہ ہونا ہوگا۔

دوسرے نمبر پر سب سے زیادہ بولی ویسٹ انڈیز کے کرس گئیل کی لگی جو پانچ لاکھ 51 ہزار ڈالر تھی۔

بی پی ایل میں پاکستان کے شعیب ملک کو چٹاگانگ نے ڈیڑھ لاکھ ڈالر میں خریدا ہے۔

بھارت کا کوئی کھلاڑی بنگلہ دیش پریمیئر لیگ کی بولی میں شامل نہیں تھا۔

بدھ کو میلبرن میں جاری سال کے پہلے گرینڈ سلیم ایونٹ میں مردوں کے ڈبلز مقابلوں میں اعصام اور راجر کا سامنا کروشیا کے ایوان جوبکک اور جرمنی کے مرسل اسٹیب سے تھا جنہیں انہوں نے اسٹریٹ سیٹس سے شکست دی۔

ڈیڑھ گھنٹے تک جاری رہنے والے میچ میں پاک-ڈچ جوڑی نے اپنے حریفوں کو 3-6 اور 6-7 سے ہرا کر دوسرے مرحلے کے لیے کوالیفائی کرلیا۔

دوسرے راؤنڈ میں اعصام اورراجر کا مقابلہ جرمنی کے فلپ مارکس اور کینیڈ کے عدیل شمس الدین سے ہوگا۔

دریں اثنا،  اعصام کے سابق بھارتی پارٹنر روہن بوپنا اور ان کے نئے ساتھی مہیش بھوپاتھی بھی 'آسٹریلین اوپن'کے دوسرے راؤنڈ میں پہنچ گئے ہیں۔

روہن اور ان کے ساتھی نے مینز ڈبلز کے پہلے مرحلے کے میچ میں کرس گوچیون اور میتھیو ایبڈن پر مشتمل اپنی حریف آسٹریلوی جوڑی  کو 7-5، 4-6 اور 4-6 سے شکست دی۔

یاد رہے کہ 'لندن 2012ء' کے اولمپکس میں شرکت کی غرض سے بوپنا کو اعصام کا ساتھ چھوڑ کر اپنے ہم وطن کھلاڑی کے ساتھ جوڑی بنانا پڑی ہے۔ گزشتہ برس نومبر میں علیحدگی کے بعد سے دونوں کھلاڑیوں  کا یہ پہلا گرینڈ سلیم ایونٹ ہے۔