ཨ་རིའི་རླུང་འཕྲིན་ཁང་ལ་ལས་ཀའི་ས་མིག
༄༅།། ཨ་རིའི་རླུང་འཕྲིན་ཁང་གི་བོད་སྐད་སྡེ་ཚན་ལ་གླ་པའི་གནས་བབ་ཐོག་ཏུ་ཝ་ཤིང་ཊོན་ལ་བོད་ཡིག་ཞུ་དག་པ་ཞིག་དང་བརྙན་འཕྲིན་པར་བརྙན་སྒྲིག་སྦྱོར་པ་ཞིག་བཅས་མི་གཉིས་ཀྱི་ལས་ཀའི་ས་མིག་ཡོད། ལས་མི་དེ་དག་ངེས་པར་དུ་ཨ་རིའི་སྤྱི་དམངས་སམ། ཡང་ན་ཨ་མི་རི་ཀར་ལས་ཀ་བྱེད་ཆོག་པའི་ལག་འཁྱེར་ཡོད་དགོས། ཐུགས་འདོད་ཡོད་མཁན་ཚོས་རང་གི་ཤེས་ཚད་དང་ཉམས་མྱོང་སོགས་ཀྱི་ལོ་རྒྱུས་མདོར་བསྡུས་དང་མཚམས་སྦྱོར་སྙན་ཞུ་ཞིག་བཅས་ ༢༠༡༢ ཟླ་ ༥ ཚེས་ ༤ རེས་གཟའ་པ་སངས་གོང་དུ་ gyatsol@voanews.com གློག་འཕྲིན་ཁ་བྱང་ཐོག་ཏུ་གཏོང་གནང་ཡོད་པ་ཞུ།
བོད་ཡིག་ཞུ་དག་པའི་ཆ་རྐྱེན།
༄༅།། བོད་ཡིག་ཞུ་དག་པ་དེར་ངེས་པར་དུ་བོད་ཡིག་འབྲི་ཀློག་དང་དབྱིན་ཡིག་ཀློག་ཐུབ་པ་དང་གོ་བ་གཏིང་ཟབ་ལེན་ཐུབ་པའི་ཤེས་ཚད་ལྡན་དགིས་པ་དང་། འཛམ་གླིང་གི་གནས་སྟངས་དང་སྐབས་ཐོག་གི་འཕོ་འགྱུར་བཅས་ལ་རྒྱུས་མངའ་ཡོད་ཅིང་། ད་ལྟའི་བོད་ནང་གི་ཆབ་སྲིད་དང་སྤྱི་ཚོགས་ལམ་ལུགས་སོགས་ལ་ཆ་རྒྱུས་ཡོད་དགོས་པ་མ་ཟད། བོད་ཡིག་ཞུ་དག་པ་དེས་གློག་ཀླད་བཀོལ་སྤྱོད་ཤེས་དགོས་པ་དང་། བོད་ཀྱི་བརྡ་སྤྲོད་གཞུང་ལ་མཐུན་ཞིང་དག་ཆ་མི་ནོར་པ། ཟློས་སྐྱོན་དང་ཚིག་དོན་གྱི་སྐྱོན་རྣམས་སྤངས་ནས་བོད་ཀྱི་དེང་སྐབས་གསར་འགྱུར་སྐད་ཡིག་ལ་མཐུན་པའི་སྒོ་ནས་ཞུ་དག་གཏོང་ཐུབ་པའི་དམིགས་བསལ་གྱི་བོད་ཡིག་གི་ཤེས་ཚད་ཐོགས་པ་མེད་ཞིག་གི་ཆ་རྐྱེན་ཚང་དགོས།
བོད་སྐད་བརྙན་འཕྲིན་སྒྲིག་སྦྱོར་པའི་ཆ་རྐྱེན།
༄༅།། བརྙན་འཕྲིན་པར་བརྙན་སྒྲིག་སྦྱོར་པ་དེར་ངེས་པར་དུ་བརྙན་འཕྲིན་པར་བརྙན་བཟོ་འདོན་དང་ཕབ་ལེན་ཤེས་པ། གློག་དང་སྐུད་ཐག་སོགས་ཀྱི་དགོས་མཁོ་ཤེས་པ་དང་བརྙན་པར་རྒྱག་ཤེས་པ། བརྙན་པར་སྒྲིག་སྦྱོར་དང་ (Final Cut Pro) སྒྲིག་སྦྱོར་གྱི་མཉེན་ཆས་བཀོལ་སྤྱོད་ཤེས་པ་དང་། མི་དེའི་ལས་འགན་གཙོ་བོ་བརྙན་འཕྲིན་གསར་འགྱུར་གྱི་ལེ་ཚན་སྒྲིག་སྦྱོར་ཐུབ་དགོས་པ་མ་ཟད། པར་ཆས་བཀོལ་སྤྱོད་ཤེས་པ་དང་ལས་ཀ་ཞིབ་ཚགས་ཀྱི་གོམས་གཤིས་ལྡན་པ་དང་། པར་དང་བརྙན་པར་སྒྲིག་སྦྱོར་ལ་གསར་གཏོད་ཀྱི་རྣམ་དཔྱོད་ལྡན་པ། བོད་སྐད་གོ་བརྡ་འཕྲོད་པ་དང་བོད་ཡིག་ཀློག་ཤེས་པ། ཡིག་རིས་གཏོང་ཤེས་པ་དང་མིང་བྱང་འབྲི་ཤེས་པ་སོགས་ཀྱི་ཆ་རྐྱེན་ཚད་དགོས་སོ།
| ངོ་དེབ་འཐད་མོས། |
