ماحولیاتی تپش سے غریب ترین ملک سب سے زیادہ متاثر ہوں گے

اقوام متحدہ نے خبردار کیا ہے کہ دنیا کے پاس بڑے انسانی اور اقتصادی بحران اور ماحولیاتی سانحے سے بچنے کے لیے اب صرف ایک عشرے سے بھی کم عرصہ باقی رہ گیا ہے۔

ایک نئی انسانی ترقیاتی دستاویز میں اقوامِ متحدہ نے کہا ہے کہ ماحولیاتی تپش سے دنیا کے غریب ترین ملک سب سے پہلے اور سب سے زیادہ متاثر ہوں گے اگر چہ ان کا عالمی درجہٴ حرارت کے اضافےمیں سب سے کم حصہ ہے۔

منگل کے روز جاری ہونے والی یہ رپورٹ اس سے ایک ہفتہ قبل سامنے آئی ہے جب دنیا بھر سے ماحولیات سے متعلق وزرا ایک نئے ماحولیاتی معاہدے پر گفتگو وشنید کے لیے انڈونیشیا کے جزیرے بالی میں مذاکرات کریں گے۔ وزرا 2012 تک جب ماحولیاتی تبدیلی کے کیوٹو پروٹوکول کی مدت ختم ہو جانے کے بعد گرین ہاؤس گیسوں کے اخراج میں مزید کمی کی کوشش کررہے ہیں۔

اقوامِ متحدہ نے کہا ہے کہ دنیا میں ہنگامی حالت انسانی یک جہتی اور عالمی تپش کو درست کرنے کے لیے اجتماعی دلچسپی کے احساس کافقدان ہے۔