الی میں دنیا بھر کے مظاہرین کانفرنس کے باہر  احتجاج کر رہے ہیں

اقوامِ متحدہ کے ماحولیات سے متعلق حکام نے کہا ہے کہ بالی میں ہونے والی بین الاقوامی ماحولیاتی کانفرنس میں معاہدہ طے پانے والا ہے۔

اقوامِ متحدہ کے ماحولیاتی سربراہ یوو دا بوئر نے کہا کہ کانفرنس کے دوران مندوبین اختلافات دور کرنے اور مشترکہ معاہدے تک پہنچنے کے لیے سرگرمی سے کوششیں کر رہے ہیں۔

یورپی ممالک اور امریکہ کے درمیان اس مسئلے پر اختلافات رہے ہیں کہ مضر گیسوں کے اخراج میں کتنی تیزی سے کمی لائی جائے۔ یورپی ممالک کا کہنا ہے کہ ترقی یافتہ ممالک کو 2020ء تک گیسوں کے اخراج میں 25 سے 40 فیصد کمی لانی چاہیئے، تاہم امریکی حکومت اس کی شدت سے مخالفت کرتی ہے۔

 میزبان ملک انڈونیشیا پیش کش کی ہے کہ ایک کمیشن تشکیل دے گا جس میں اختلافات دور کیے جا سکیں۔