امریکی عہدے دار امریکہ کے مستقل رہائشی بننے کی درخواست کرنے والے کچھ تارکین وطن کے لیے ان کی ذاتی جانچ پڑتال سے متعلق تقاضوں میں نرمی کر رہے ہیں ۔

اس تبدیلی سے توقع ہے کہ گرین کارڈ کی درخواستوں کو جلد نمٹانے میں مدد ملے گی۔

نئی پالیسی کے تحت عہدے دار درست درخواست گزاروں کی درخواستوں پر ایسی صورت میں کارروائی شروع کر سکیں گے کہ وہ کسی نام کی جانچ پڑتال کے لیے ایف بی آئی کی جانب سے چھ ماہ سے زیادہ عرصے سے انتظار کر رہے ہوں ۔

اگرگرین کارڈ جاری ہونے کے بعد نام کی پڑتال کا نتیجہ منفی نکلے رو اس کا ویزا منسوخ ہو سکتا ہے ۔

ناموں کی بیشتر پڑتال الیکٹرونک ذریعے سے تین ماہ میں مکمل ہو جاتی ہے تاہم ہزاروں ایسے افراد ہیں جو ملک بھر میں سینکڑوں مقامات پر رکھے گئے کاغذی ریکارڈ سے ایف بی آئی کی چھان بین کا کئی برسوں سے انتظار کر رہے ہیں ۔

تاہم تفتیش کار ابھی بھی تمام درخواست گزاروں کے فنگر پرنٹس چیک کریں گے اور انٹر نیٹ پر مجرمانہ پس منظر کی چھان بین کریں گے ۔