سینیٹر اوباما وسکانسن میں اپنے حامیوں سے خطاب کر رہے ہیں

کل منگل کے روز امریکہ کی ریاست ورجینیا، میری لینڈ اور واشنگٹن ڈی۔سی۔ میں دونوں جماعتوں کے پرائمری مقابلوں کے نتائج آگئے ہیں۔ ری پبلکن پارٹی کے جان میکین نے اپنی جاری سبقت کو برقرار رکھا ، جبکہ سینیٹر ہیلری کلنٹن اور بارک اوباما کے درمیان کانٹے کے مقابلے میں اوباما کو تینوں حلقوں میں برتری حاصل رہی۔ اوباما نے اپنی حریف ہیلری کلنٹن کو شکست دنیے کے بعد اب مجموعی طور پر تھوڑی سی برتری حاصل کر لی ہے۔ اور ان کے حامی ڈیلی گیٹس کی تعداد بڑھ گئی ہے ۔

دوسری طرف ری پبلکن پارٹی کے امیدوار جان میکین نے ان علاقائی مقابلوں میں اپنے حریف سابق گورنر ہکابی کو شکست دینے کے بعد اپنی مجموعی برتری کو برقرار رکھا ہے۔

وسکانسن میں اپنی فتح کا اعلان کرتے ہوئے سینیٹر اوباما نے کہا کہ ان کا سفر اس وقت تک جاری رہے گا ، جب تک کہ واشنگٹن میں تبدیلی نہ آجائے۔

ڈیمو کریٹک پارٹی کا اگلا زوردار مقابلہ اب 4 مارچ کو ٹیکساس اور اوہایئو کی ریاستوں میں ہوگا۔ دونوں بڑی ریاستیں ہیں اور یہاں کے ووٹرز کی رائے خاصی اہمیت کی حامل ہوگی۔