یونی ورسٹی کے طالب علم اپنے مرحوم ساتھیوں کی یاد میں

شکاگو ، الی نوائے کے قریب ایک یونیورسٹی میں جمعرات کے روز چھ طالبعلموں کو گولی مار کر ہلاک کرنے والے مسلح شخص کو سابق طالبعلم کے طور پر شناخت کر لیا گیا ہے ۔

وہ مسلح شخص دیکالب شہر کی ناردرن الی نوائے یونیورسٹی میں طالبعلموں سے بھرے ایک لیکچر ہال میں داخل ہوا اور اندھا دھند فائرنگ شروع کر دی ۔

اس نے پانچ افراد پر فائرنگ کی جن میں سے تین موقع پر ہی ہلاک ہوئے اور خود کو ہلاک کرنے سے پہلے اس نے16 دوسروں کو زخمی بھی کیا ۔

امریکی خبر رساں اداروں نے خبر دی ہے کہ حملے میں زخمی ہونے والا چھٹا شخص بعد میں زخموں کی تاب نہ لا کر چل بسا۔

ناردرن الی نوائے یونیورسٹی ، این آئی یو کے صدر جان پیٹرز نے کہاہے کہ اس مسلح شخص نے 2007 میں آخری مرتبہ ایک گریجوایٹ اسٹوڈنٹ کے طور پر یونیورسٹی اٹینڈ کی تھی لیکن بعد میں وہ ایک اور یونیورسٹی میں چلا گیا تھا ۔

انہوں نے بتایا ہے کہ اس شخص کا بظاہر کوئی پولیس ریکارڈ نہیں ہے ۔

پیٹرز نے کہاہے کہ ہلاک ہونے والوں میں سے چار خواتین تھیں ۔25000 طالبعلموں پر مشتمل کیمپس کو بند کر دیا گیا ہے اور جمعے کو ہونے والی کلاسیں منسوخ کر دی گئی ہیں۔