امریکہ کی دو ائیر لائن کمپنیاں ڈیلٹا اور نارتھ ویسٹ ادغام کے قریب ہیں، جس سے دنیا کی سب سے بڑی ائیر لائن وجود میں آجائے گی۔ وال سٹریٹ جرنل کے مطابق دونوں کمپنیوں کے بورڈ آف ڈائریکٹرز بدھ کے روز اس سودے پر رائے شماری کے لیے ملاقات کر رہے ہیں۔

دونوں ائر لائنوں کو امریکی معیشت میں سست رفتاری کے باعث ایندھن کے بڑھتے ہوئے اخراجات اور مسافروں کی تعداد میں شدید کمی کا سامنا ہے۔ ایک بڑی کمپنی ان مسائل سے آسانی سے نمٹ سکتی ہے اور غیر منافع بخش روٹوں کو ختم کرکے مارکیٹ میں قوت لا سکتی ہے۔