صدر بش نے ٹیکساس کے تاجر سدا قمبر کو اسلامی کانفرنس تنظیم میں امریکہ کے پہلے ایلچی کے طور پر نامزد کیا ہے۔ یہ اعلان آج بدھ کے روزکیا گیا۔

 

جون میں امریکی صدر نے کہا تھا کہ وہ اسلامی کانفرنس تنظیم میں خصوصی نمائندہ مقرر کرنا چاہتےہیں، تاکہ  اسلامی دنیا کے ساتھ باوقار مکالمے اور دوستی کے تعلقات کوجاری رکھا جائے۔

 

قمبر کراچی میں پیدا ہوئے، تاہم اب وہ امریکی شہری ہیں۔ وہ سوزوٹیک نامی کمپنی کے سربراہ ہیں، جس کا صدر دفتر  ٹیکساس کے آسٹن شہر میں قائم ہے اور یہ عالمی امیجنگ  ٹیکنالوجی کاادارہ ہے۔

سعودی عرب میں قائم اسلامی کانفرنس تنظیم کی 57 قومیں رکن ہیں اوریہ تنظیم ساری دنیا میں مسلم مفادات کی حمایت کرتی ہے۔