صدر بش

امریکی ہوم لینڈ سیکیورٹی کے محکمے کی پانچویں سالگرہ کے موقعےپر صدر بش نے خبردار کیا ہے کہ دہشت گرد ملک پر  دوبارہ حملہ کرنے کا عزم کیے ہوئے ہیں۔
جمعرات کو واشنگٹن میں صدر بش نے کہا کہ اِس لمحے دنیا میں کہیں کوئی دہشت گرد امریکہ پر حملہ کرنے کی منصوبہ بندی کر رہا ہے۔
صدر بش کا کہنا تھا کہ امریکہ کے دشمنوں کو روکنے سے بڑھ کر کوئی اور بڑی ذمہ داری نہیں ہو سکتی۔
ہوم لینڈ سیکیورٹی کا محکمہ 2003ء میں 22اداروں کو ایک تنظیم میں  ضم کرکے  قائم کیا گیا تھا۔
صدر بش نے کانگریس پر زور دیا کہ وہ متنازعہ جاسوسی کے پروگرام کے اختیارات دوبارہ تفویض کرنے کے لیے قانون سازی  کرے۔

اُنہوں نے کہاکہ ایسی قانون سازی ٹیلی کمیونیکیشن اداروں پر سے گذشتہ عرصے سے استثنا کے ساتھ لاگو ہو، جِس میں شہری قانونی چارہ جوئی نہ کرنے کی اجازت دی گئی ہو۔ وگرنہ، نجی کمپنیاں حکومت کی مدد کرنے پر کم ہی رضامند ہوں گی۔
چوکسی پروگرام کو دوبارہ جاری کرنے کے لیے سینیٹ نے ایسی قانون سازی کی منظوری دے دی ہے جِس میں ورانٹ کے بغیر  امریکہ میں رہنے والوں اور  بیرونی دنیا میں مشتبہ دہشت گردوں کے ٹیلی فون اور اِی میل رابطوں پر نظرداری کرنا
ممکن ہوگا۔
تاہم ایوان کے ڈیموکریٹک ارکان ٹیلی کمونیکیشن کے اداروں کو  گذشتہ عرصے سے استثناٰ دینے کے حق میں نہیں ہیں۔ وہ  اِس سے پیشتر کی قانون سازی کے تحت صدر کو دیے گئے اختیارات میں اضافہ کرنے کے حق میں نہیں ہیں۔