صدر بش اور خاتون اول لارا بش

صدر بش اتحادیوں کو افغانستان کی مزید فوجی مدد پر آمادہ کرنے کے لیے نیٹو کے سر براہی اجلاس میں شرکت کے لیے یورپ روانہ ہو گئے ہیں۔

وہ نیٹو کی توسیع اور یورپ میں امریکی میزائل ڈیفنس شیلڈ کے منصوبے پر مذاکرات کے لیے اس ہفتے کےآخر میں روسی صدر ولادی میر پوتن سے بھی ملاقات کریں گے۔

بدھ سے رومانیہ میں شروع ہونے والے نیٹو کے سر براہی اجلاس سے قبل صدر بش یوکرین اور جارجیا کو یورپی یونین میں شامل کرنے اور نیٹو کی رکنیت کی توسیع کے بارے میں یوکرین کے صدر وکٹر یوشچینکو سے مذاکرات کے لیےیوکرین کا دورہ کریں گے۔

ماسکو دو سابق سویت جمہوریاؤں کی نیٹو میں شمولیت کے سخت مخالف ہے۔ مئی میں اپنے منصب سے سبکدوش ہونے والے پوتن اور ان کے منتخب جانشین دیمیتری مدویدیف دونوں کا کہنا ہے کہ نیٹو کا یہ اقدام یورپی سلامتی کے لیے خطرہ ہو گا۔