صدر جارج بش

صدر جارج بش نے ہفتے کی شام وائٹ ہاؤس کے نامہ نگاروں کی ایسوسی ایشن کے سالانہ عشائیے کے موقع پر اپنے آ پ کو اور اپنے متوقع جانشین کو تمسخر کا نشانہ بنایا۔

صدر بش نے تینوں صدارتی امیدواروں ری پبلکن سینٹر جان مکین اور ڈیموکریٹک سینٹرز ہلیری کلنٹن اور براک اوباما کی عدم موجودگی کا ذکر کیا۔

صدر نے کہا کہ سینٹر مکین ان کی انتظامیہ سے فاصلہ قائم رکھنے کی کوشش کررہے ہیں اور یہ بھی کہا کہ ان کی اپنی بیٹی بھی ان کا گھر چھوڑ رہی ہے۔جینا بش کی آئندہ دو ہفتوں میں شادی ہورہی ہے۔

صدر بش نے اپنے معمول کے ماضی کے عشائیوں کی ویڈیو کی جھلکیاں بھی دکھائیں اور یہ تقریب امریکی میرین کے بینڈ کی جب الوطنی پر مبنی دھنوں کے ساتھ ختم ہوئی ۔

اس عشائیے میں منعقد کی جانے والی تفریحی تقریب کے میزبان ایک ٹیلی وژن شو کے معروف اینکرسکاٹ نژاد مزاحیہ فن کار کریگ فرگوسن تھے۔