ایک امریکی عدالت نے کہاہے کہ نیو یارک میں ورلڈ ٹریڈ سنٹر کا مالک1993ءکے مہلک دہشت گرد بم دھماکے میں سنٹر کی انڈر گراؤنڈ پارکنگ گیراج میں ہونے والے نقصانات کا ذمے دار تھا۔

نیو یارک کی اپیلز کورٹ نے منگل کے روز جیوری کے اس فیصلے کو برقرار رکھا کہ نیو یارک اور نیو جرسی کی پورٹ اتھارٹی اس دھماکے کی 50 فیصد سے زیادہ کی ذمہ دار ہے۔

عدالت نے ادارے کو اندرونی سیکیورٹی کے اس جائزے کو نظر انداز کرنے پر مورد الزام ٹھہرایا جس میں بتایا گیا تھا کہ اس انڈر گراؤنڈ پارکنگ لاٹ میں سیکیورٹی کے انتظامات اطمینان بخش نہیں ہیں جہاں دہشت گردوں نے دھماکا خیز مواد سے بھری کرائے کی ایک وین پارک کی تھی۔

اس دھماکے میں چھ افراد ہلاک اور لگ بھگ ایک ہزار زخمی ہوئے تھے۔

اس مقدمے کے ابھی 50 مدعی باقی ہیں اور اٹارنیز کا اندازہ ہے کہ پورٹ اتھارٹی کو پانچ کروڑ ڈالر سے زیادہ کے امکانی نقصانات کا سامنا ہے۔