جوہری ری ایکٹر

امریکی اور روسی عہدے داروں نے کہا ہے کہ دونوں ملک منگل کے روز ماسکو میں شہری مقاصدکے لیے جوہری تعاون کے معاہدے پر دستخط کریں گے۔ منگل کا دن ولادی میرپوتن کی صدارت کا آخری دن ہوگا۔

اس معاہدے کے تحت امریکہ اور روس یورینیم بینک اور جوہری مواد کے ذخیرے سمیت متعدد شعبوں میں تعاون میں اضافہ کرسکیں گے۔ یہ معاہدہ دونوں ملکوں سے محفوظ ری ایکٹر ٹیکنالوجی پر مل کر کام کرنے کا بھی تقاضا کرتا ہے۔

ایک روسی عہدے دار نے خبررساں ادارے رائیٹر کو بتایا کہ پوتن کی صدارتی مدت کے آخری دن معاہدے پر دستخط ہونا علامتی ہے۔