ہلیری کلنٹن انڈیانا میں

آج منگل کے روز امریکہ کی دو ریاستوں نارتھ کیرو لائینا اور انڈیانا میں ڈیموکریٹک پارٹی کی جانب سے صدارتی امیدوار کے انتخاب کے لیے پارٹی کے ارکان ووٹ ڈال رہے ہیں۔ ہلیری کلنٹن اور براک اوباما کے درمیان ہونے والے ان پرائمری انتخاب میں  مندوبین کی کل تعداد  187 ہے۔

ابھی تک کیے جانے والے مختلف جائزوں کے مطابق سینیٹر اوباما کو نارتھ کیرو لائینا میں خاصی برتری حاصل ہے جبکہ سینیٹر ہلیری کلنٹن کو انڈیانا میں اوباما سے آگے ہیں۔

دونوں امیدواروں نے کل پیر کے روز دونوں ریاستوں میں اپنی انتخابی مہم میں ملک کی اقتصادی پالیسیوں پر توجہ مرکوز رکھی۔

دونوں امیدواروں کے درمیان کانٹے کا مقابلہ جاری ہے اور ابھی تک پارٹی اپنے امیدوار کے سلسلے میں کسی فیصلہ کن نتیجے تک نہیں پہنچ سکی ہے۔

اس سال نومبر میں امریکہ میں صدارتی انتخاب ہوں گے۔ امریکہ دو بڑی جماعتوں میں سےری پبلکن امیدوار کا فیصلہ سامنے آچکا ہے ، تاہم ری پبلکن امیدوار جان میکین کے مقابلے کے میں ڈیموکریٹک پارٹی ابھی اپنے امیدوار کا فیصلہ نہیں کر سکی ہے۔