کھٹمنڈو میں تبتی خواتین کا چین مخالف مظاہرہ

نیپال کے دارلحکومت کھٹمنڈو میں پولیس نے کہا ہے کہ انہوں نے اتوار کے روز 560 تبتی مظاہرین کو حراست میں لے لیا ہے جوتمام کی تمام خواتین ہیں۔

مارچ میں تبتی دارلحکومت لاسا میں تشدد پھوٹنے کے بعد تبت میں چین کی پکڑ دھکڑ کے خلاف نیپال میں یہ مکمل طور پر خواتین کا مظاہرہ تھا۔

مارچ کے بعد سے نیپال میں جلاوطنی تبتیوں نے تقربیاً ہر روز چین مخالف مظاہرے کیے ہیں۔نیپال میں لگ بھگ 20 ہزار تبتی پناہ گزین موجود ہیں۔

ہفتے کے روز نیپال میں کم ازکم 120 تبتی مظاہرین کو گرفتار کیا گیا جنہوں نے کھٹمنڈو میں چینی سفارت خانے کے سامنے مظاہرہ کیا تھا۔

مظاہرین نے چھوٹی چھوٹی ٹولیاں بناکر تبتی جھنڈے لہرائے اور چین مخالف نعرے لگائے۔

مظاہروں کے دوران گرفتار کیے گئے افراد کو بیشتر کو اسی دن رہا کردیا گیا۔