ہلری کلنٹن

امریکی سینیٹرز بارک اوباما اور ہلیری کلنٹن ریاست ویسٹ ورجینیا میں ڈیموکریٹک پرائمری انتخابات کی تیاری کررہے ہیں۔

رائے عامہ کے جائزوں سے ظاہر ہوتا ہے کہ نیویارک کی سینیٹر ہلری کلنٹن منگل کے یہ پرائمری انتخابات جیت سکتی ہیں۔ لیکن پچھلے چند روز میں اوباما کو اگست کے ڈیموکریٹک کنونشن کے لیے متعدد سپر ڈیلی گیٹس کی حمایت حاصل ہوئی ہے جس کے نتیجے میں وہ کلنٹن کے تقریباً برابر آگئے ہیں جنہیں سال کے شروع میں نمایاں برتری حاصل تھی۔

سپر ڈیلی گیٹس کی حمایت کے حتمی اعدادوشمار موجود نہیں ہیں اور خبررساں ادارے اس بارے میں اختلاف رکھتے ہیں کہ کونسا امیدوار سبقت لیے ہوئے ہے۔

سپر ڈیلی گیٹس کہلائے جانے والے نمائندے ڈیموکریٹک پارٹی کے وہ اراکین ہیں جو پارٹی کے نامزدگی کے کنونشن میں کسی بھی امیدوار کو ووٹ دینے کے لیے آزاد ہوتے ہیں۔