سوڈان کی سیکیورٹی فورسز

سوڈان کی حکومت نے دارفر کے باغیوں کی جانب سے دارلحکومت پر حملوں کے دو روز بعد جڑواں شہروں خرطوم اور اومدرمان میں کرفیو لگا دیا ہے۔

سوڈان کے وزیر داخلہ نے پیر کے روز کہا کہ سیکیورٹی فورسز اب بھی باغی جماعت جسٹس اینڈ ایکویلٹی موومنٹ کے جنگجوؤں کو تلاش کررہی ہیں۔

جماعت کے راہنما خلیل ابراہیم نے پیر کے روز ٹیلی فون پر نامہ نگاروں کو بتایا کہ وہ ابھی تک اومدرمان میں ہیں ۔ ابراہیم نے کہا کہ باغی حکومت کا تختہ الٹنے کے مقصد سے مزید حملے کریں گے۔

سوڈان کی حکومت ابراہیم کی گرفتاری میں مدد فراہم والی معلومات کے لیے 120 ملین ڈالر کی پیش کش کرچکی ہے۔

پیر کے روز خرطوم میں سیکیورٹی فورسز نے حزب اختلاف کی ایک جماعت کے لیڈر حسن ترابی کو گرفتار کر لیا جن کے بارے میں خیال ہے کہ ان کے جے ای ایم کے ساتھ رابطے ہیں۔ ترابی کے سیکرٹری نے کہا ہے کہ پاپولر کانگریس پارٹی کے کم ازکم پانچ اور ارکان کو بھی حراست میں لیا گیا ہے۔