شمالی لبنان

لبنانی عہدے داروں نے کہا ہے کہ شمالی لبنان میں مغرب کی حمایت یافتہ حکومت کے حامیوں اور عسکریت پسند تنظیم حزب اللہ کے حامیوں کے درمیان دوسری شدید لڑائی پھوٹ پڑی ہے۔ دوسری طرف سیاست دانوں کو عرب لیگ کی جانب سے کی جانے والی مصالحتی کوششوں کے نتیجے کا انتظار ہے۔

عرب لیگ وزراء خارجہ نے کل اتوار کے دن ایک بیان جاری کیا تھا جس میں متحارب گروپوں سے جنگ بندی کی اپیل کی گئی تھی۔ توقع ہے عرب لیگ کا ایک وفد عنقریب لبنان کا دورہ کرے گا۔

ترپیولی میں پیر کے روز کی یہ جھڑپیں دارلحکومت بیروت میں حکومت نواز دروز راہنما ولید جمبلات کی حزب اختلاف شیعہ تنظیم حزب اللہ اور ان کے حریف دورز فرقےکے درمیان اتوار کی شدید لڑائیوں کے نتیجے میں ہوئی ہیں۔

اتوار کی لڑائیوں میں پہاڑی علاقے الی میں جنگ بندی عمل میں آنے سے قبل 11 افراد ہلاک ہوگئےتھے۔ لبنان میں پانچ روز سے جاری بدامنی میں ہلاک ہونے والوں کی تعداد کم از کم 58 ہوگئی ہے جبکہ بڑی تعداد میں لوگ زخمی بھی ہوئے ہیں۔

ایک اور خبر کے مطابق دارلحکومت بیروت میں ایک ناقابلِ یقین سے سکون کی کیفیت ہے۔ متحار گروپوں کے راہنما عرب لیگ کے اعلیٰ سطحی وفد سے مذاکرات کی تیاری کررہے ہیں جو منگل کو بیروت پہنچ رہے ہیں۔