ہزاروں فلسطینوں نے آج جمعرات کے روز اسرائیل کے قیام کی ساٹھویں سالگرہ پر مظاہرے کئے۔انہوں نے اسرائیل کی تخلیق کو ایک تباہ کن واقعہ قرار دیا۔ دونوں اطراف کے لیڈروں نے امن قائم کرنے کا عہد کیا۔ ٹیلیویژن پر ایک بیان میں جمعرات کے روز فلسطینی صدر محمود عباس نے اپیل کی کہ اسرائیل کے ساتھ امن مذاکرات جاری رہیں۔ انہوں نے کہا کہ ان کی محبوب سرزمین پر دو اقوام رہتی ہیں، ایک اپنی آزادی کا جشن منا رہی ہے اور دوسری تباہی کو یاد کر کے آنسو بہا رہی ہے۔ انہوں نے کہا کہ فلسطینی علاقوں پر مستقل اسرائیلی قبضہ سے کبھی امن قائم نہیں ہو سکتا۔

اسرائیلی وزیرِ اعظم ایہود اولمرت نے بھی کہا کہ وہ فلسطینیوں کے ساتھ امن قائم کرنے کا تہیہ کئے ہوئے ہیں۔ انہوں نے اسرائیلی پارلیمان سے خطاب کرتے ہوئے کہا کہ جب یہ معاہدہ حتمی شکل اختیار کر لے گا تو عوام اور قانونسازوں کی اکثریت اسکی حمایت کریگی۔