سلووانیا کی پولیس نے کہا ہے کہ دریائے ساوا میں کشتی کے ایک حادثے میں کم ازکم 8 افراد ہلاک ہوگئے ہیں۔

جمعے کے روز عہدے داروں نے کہا کہ پانچ افراد ابھی تک لاپتہ ہیں۔ حادثے کا شکار ہونے والوں میں ایک مقامی میئر بھی شامل ہے جو پارلیمنٹ کےرکن بھی ہیں۔

یہ حادثہ جمعرات کو رات گئے اس وقت ہوا جب دوبڑی کشتیاں دارلحکومت لجوبلجنا کے جنوب مشرق میں پانی سے بجلی پیدا کرنے والے ایک زیر تعمیر ڈیم سے گزرنے کی کوشش میں ٹوٹ کر بکھر گئیں اور ڈوب گئیں ۔ حادثے کا شکار ہونے والے افراد دریا میں گر گئے ۔

سلووانیا کے وزیر اعظم جینز جانسا نے جائے حادثہ کا دورہ کیا اور اسے ایک عظیم المیہ قرار دیا۔