پاکستان کے جوہری سائنس دان ڈاکٹر قدیر خان

پاکستانی فوجی افسران نے پاکستانی سائنس دان ڈاکٹر قدیر خان کے اس الزام کی تردید کی ہے کہ اس وقت فوج کے سربراہ اور موجودہ صدر پرویز مشرف نے شمالی کوریا سینٹری فیوجز بھجوائے تھے۔

 پاکستان کے ایٹمی اثاثوں کی نگران ایجنسی کے سربراہ لیفٹنینٹ جنرل خالد قدوائی نے آج ہفتہ کے روز اخباری نمائندوں کو بتایا کہ یہ الزام سراسر بے بنیاد ہے۔

 جنرل قدوائی ڈاکٹر قدیر خان کے اس انٹرویو کی تردید کر رہے تھے جو انہوں نے کل جمعہ کے روز خبر رساں ایجنسی اے۔پی کو دیا تھا اور جس میں انہوں نے کہا تھا کہ 2000ء میں فوج ایٹمی سینٹری فیوجز شمالی کوریا بھجوائے تھے اور اس میں صدر مشرف کی رضامندی بھی شامل تھی۔

 بعد میں میڈیا سے باتیں کرتے ہوئے ڈاکٹر قدیر خان نے کہا کہ انہوں نے یہ بات ایسوسی ایٹڈ پریس سے نہیں کہی تھی اور خبر رساں ایجنسی نے ان کے الفاظ کو غلط طور پر پیش کیا ہے۔