سائنسی فکشن کی کلاسیک فلم’میٹرو پولس‘کی ایک عرصے سے گم شدہ اصل ریلیں ارجنٹائن کے شہر بیونس آئرس کے میوزیم آف سینما میں پائی گئی ہیں۔اس فلم کو دنیا کی عظیم ترین فلموں میں سے ایک سمجھا جاتا ہے۔

فرٹز لینگ کی 1927ءکی خاموش فلم کو ابتدا میں جب پہلی بار جرمنی دکھایا گیا تھاتو اس کی طوالت کم ازکم ڈھائی گھنٹے کی تھی۔ تاہم بعد میں فلم کے تقسیم کاروں نے اس شاہکار فلم کو مختصر کر کے ڈیڑھ گھنٹہ کردیا تھا۔ 

میٹروپولس اکیسویں صدی کا وہ شہر ہے جہاں اشرافیہ پرتعیش انداز میں زندگی بسر کرتے ہیں اور غلام کارکن کسمپرسی کی حالت میں زیرِ زمین زندگی بسر کرتے ہیں۔