اقوام ِمتحدہ کے ادارہٴ خوراک نے کہا ہے کہ صومالیہ میں امدادی کارکنوں پر حملوں سے وہاں بھوک کے شکار لاکھوں لوگوں کی زندگیوں کو خطرات  لاحق ہو جائیں گے۔

عالمی ادارہٴ خوراک  نے کہا ہے کہ صومالیہ میں سلامتی کی بگڑتی ہوئی صورت حال سے زمینی اور سمندری دونوں ذریعوں سے خوراک کی فراہمی میں رکاوٹ پڑ رہی ہے۔

ادارے نے جمعے کے روز غیر ملکی حکومتوں سے درخواست کی کہ وہ ان  کے خوراک کے بحری جہازوں کو قزاقوں سے بچانے کے لیے بحریہ کا تحفظ فراہم کریں۔

اس ہفتے  خوراک پہنچانے والا ادارہٴ خوراک کا ایک اور  ملازم مارا گیا۔ عہدے داروں نے کہا ہے کہ وہ  اس سال مارا جانے والا  ادارے کا پانچواں کنٹریکٹ کارکن تھا۔