ٹرانس پرنسی انٹرنیشنل  نے کہا ہے کہ کینیا کی پولیس نے ملک کے سب سے زیادہ رشوت خور ادارے کا درجہ حاصل کرلیاہے۔

ٹرانس پرنسی انٹرنیشنل نے  اپنی ایک تازہ رپورٹ میں کہا ہے کہ پولیس بالعموم 93 فی صد لوگوں سے رشوت طلب کرتی ہے۔

اس بین الاقوامی تنظیم نے کہا ہےکہ پولیس کی بےتحاشا رشوت خوری نے  انصاف کے حصول کے لیے دوسرے طریقے اپنانے، مثلاً  مسلح گروہ بنانے،قانون اپنے ہاتھ میں لینے اور پرہجوم تشدد کو معاشرے کے لیے قابل قبول بنا دیا ہے۔

رپورٹ میں  لوگوں کے جوابات  کے حوالے سے یہ بھی بتایا گیا ہے کہ کینیا کی حکومت میں رشوت ستانی جو  پچھلے سال کی 29 فی صد تھی  اب بڑھ کر45 فی صد ہوگئی ہے۔

کینیا کے صدر موائی کباکی نے2002ءمیں پہلی بار منتخب ہونے کے بعد  وعدہ کیا تھا کہ وہ رشوت ستانی کے خلاف جنگ کریں گے۔