امریکی صدراتی امیدوار براک اوباما اور جرمنی کی چانسلر آنگلا میرخل

امریکی صدراتی امیدوار براک اوباما نے برلن میں ایک کھلے میدان میں تقریر کرتے ہوئے یورپ اور امریکہ پر زور دیا ہے کہ دہشت گردی کی لعنت کا مل کر مقابلہ کیا جائے۔ دیوارِ برلن کے مقام پر ہزاروں کے مجمعے سے خطاب کرتے ہوئے انھوں نے کہا کہ بحرِ اوقیانوس کے دونوں اطراف بسنے والی اقوام کے درمیان نسل و مذہب کی کوئی دیوار نہیں ہونی چاہیئے۔

برلن میں ہزاروں کا مجمع اوباما کی تقریر سے گھنٹوں قبل اکٹھا ہونا شروع ہو گیا تھا۔
 
اوباما نے اپنے امریکی تصور کا بھی ذکر کیا کہ کیسے ان کے والد تمنائیں لے کر امریکہ پہنچے تھے۔ 

 
ڈیموکریٹک سینیٹر اسرائیل کے دورے کے بعد برلن پہنچے تھے جو ان کے انتخابی سال کے غیر ملکی دورے کا حصہ ہے۔ 

 
اوباما مشرق وسطیٰ کے لیے اپنے دورے کا اختتام جمعرات کی صبح یروشلم میں یہودیوں کے لیے مقدس ترین مغربی دیوار کے دورے سے کیا۔