چار ملکوں کا پاکستان میں کھیلنے پر تحفظات کا اظہار
سردار خان کراچی July 25, 2008
جمعرات کی شام آئی سی سی کی جانب میں پاکستان میں کرکٹ چیمپیئنز ٹرافی منعقد کرانے فیصلے کے بعد چار غیر ایشیائی ملکوں کے کھلاڑیوں نے سخت ردِعمل کا اظہار کیا ہے۔ جنوبی افریقہ کے کھلاڑیوں نے کہا کہ انھیں اس فیصلے سے شدید مایوسی ہوئی ہے، جب کہ آسٹریلیا اور نیوزی لینڈ کی کرکٹ ایسوسی ایشنوں نے اپنے کھلاڑیوں سے کہا ہے کہ وہ پاکستان کا دورہ نہ کریں۔ انھوں نے دونوں ممالک کے کرکٹ بورڈوں سے کہا ہے کہ وہ سیکیورٹی وجوہ کی بنا پر پاکستان میں چیمپیئنز ٹرافی کا بائیکاٹ کریں۔ ادھر انگلش کرکٹ بورڈ نے کہا ہے کہ وہ تمام کھلاڑیوں اور سیکیورٹی ماہرین سے مشورے کے بعد شرکت کا حتمی فیصلہ کریں گے۔ آئی سی سی کرکٹ چیمپیئز ٹورنامنٹ اس سال 11 سے 28 ستمبر تک پاکستان کے تین شہروں میں منعقد ہونا ہے۔ اس صورتِ حال سے یہ اندیشہ پیدا ہو گیا ہے کہ اگر غیر ایشیائی ممالک اس ٹورنامنٹ میں شرکت کرتے بھی ہیں وہ اپنی دوسرے درجے کی ٹیموں کو پاکستان بھیجیں گے، جس سے ٹورنامنٹ کی حقیقی روح متاثر ہو گی۔ ایک اور خبر کے مطابق فاسٹ باؤلر محمد آصف کے خلاف دبئی میں گرفتاری کے حوالے سے قائم تحقیقاتی کمیٹی نے جمعے کے روز محمد آصف کا بیان قلم بند کیاجس کے بعد کمیٹی کا اجلاس پیر تک ملتوی کر دیا گیا۔
اس صفحے کو ای میل کیجیے
قابل چھپائی صفحہ
