فلپائن کی حکومت نے کہا ہے کہ وہ شورش زدہ جنوبی علاقے میں تشدد کے بعد ملک کے مسلمان باغی گروپ کے ساتھ اپنے امن معاہدے کو منسوخ کررہی ہے۔

اس معاہدےسے جس پر گذشتہ ماہ مورو اسلامک لبریشن فرنٹ یا ایم آئی ایل ایف دستخط کیے تھے، جنوبی جزیرے مندا ناؤ میں موجودہ خوداختیار مسلم علاقے میں توسیع ہونا تھی۔ فلپائن کی سپریم کورٹ نے عیسائی تنظیموں کی جانب سے اپیلوں کے بعد اس معاہدے کو روک دیاتھا جن کا کہناتھا کہ یہ معاہدہ آئین کی خلاف ورزی ہے۔

 عدالت کے  فیصلے کے نتیجے میں ایم آئی ایل ایف کے دوباغی کمانڈورں نے جزیرے منداناؤ کے کئی دیہاتوں پر حملے کیے، درجنوں افراد کو ہلاک کردیا، لوٹ مار کی اور گھروں او ر کھیتوں کو آگ لگادی۔

صدر گلوریا ارویو کے ترجمان نے کہا ہے کہ معاہدے کی تنسخ  تکلیف دہ قدم ہے۔ ترجمان کے کہا کہ صدر ارویو آئین کی حدود کے اندر رہتے ہوئے کسی نئے معاہدے پر بات چیت کرنا چاہتی ہیں۔