آئی سی سی چمپینز ٹرافی کرکٹ ٹورنامنٹ کے التوا سے پیدا شدہ خلا کو پُر کرنے کی پاکستان کرکٹ بورڈ کی کوششوں کو اُس وقت ایک اور شدید دھچکا لگا جب جمعے کو جنوبی افریقہ کے کرکٹ بورڈ نے پاکستان کی تین قومی ٹورنامنٹ کی تجویز کو مسترد کردیا۔

جنوبی افریقہ کی کرکٹ ٹیم نے حال ہی میں انگلستان میں سیریز مکمل کی ہے۔

پاکستان نے جنوبی افریقہ کرکٹ بورڈ سے درخواست کی تھی کہ وہ جنوبی افریقہ میں تین قومی ٹورنامنٹ کا انعقاد کرے جِس میں پاکستان، سری لنکا اور جنوبی افریقہ شریک ہوں، لیکن جنوبی افریقہ نے کہا ہے کہ اُن کے کھلاڑی شدید تھکن کا شکار ہیں اور وہ اِسی سال اکتوبر تک مکمل آرام کرنا چاہتے ہیں۔