امریکی موسمیاتی ماہرین نے کہا ہے کہ سمندری طوفان حنّا ہفتے کی صبح  امریکہ کی مشرقی ریاستوں، نارتھ اور ساؤتھ کیرولائنا کی سرحد کے قریب ٹکرا گیا ہے۔

نیشنل ہری کین سینٹر نے کہا ہے کہ حنّا کے ساتھ 100 کلومیٹر فی گھنٹہ کی مستقل رفتار کی ہوائیں ہیں لیکن توقع ہے کہ اب جب کہ زمین سے ٹکرا چکاہے، اس کی شدت میں کمی آئے گی۔

ماہرین موسمیات کا کہنا ہے کہ کچھ علاقوں میں 25 سینٹی میٹر تک بارش ہوسکتی ہے اور یہ کہ سیلاب بھی آسکتا ہے۔

نارتھ کیرولائنا اور ورجینیا نے طوفان کی تیاری میں ہنگامی صورت حال کا اعلان کردیا ہے۔