اسرائیل کا مغربی کنارے سے یہودی بستیاں ختم کرنے پر غور
September 7, 2008
اسرائیلی نوآبادی
اسرائیلی کابینہ نے اتوار کے روز پہلی مرتبہ ایک ایسے منصوبے پر گفتگو کی ہے جس کے تحت یہودی آبادکار وں مغربی کنارے سے چلے جانے کا معاوضہ دیا جائے۔
وزیر اعظم ایہود اولمرت نے کہا ہے کہ اسرائیل فلسطینوں کے ساتھ سنجیدہ امن مذاکرات کے وسط میں ہے اور یہ کہ کچھ آبادیوں کو ایک طے پانے والے معاہدے کے تحت منہدم کیا جائے گا۔
معاوضے کی پیش کش کے تحت ہر آبادکار گھرانے کو اسرائیل واپسی پر تقریباً دو لاکھ80 ہزار ڈالردیے جائیں گے۔
کابینہ نےاس منصوبے پر ووٹنگ نہیں کی اور کچھ وزرا نے اس پر اپنی مخالفت کا اظہار کیا۔
کابینہ کے وزیر رفیع ایتان نے کہا ہےکہ آبادکاروں کواس وقت تک اپنے گھروں کو نہیں چھوڑنا چاہیئے جب تک امن معاہدہ طے نہیں پا جاتا۔ انہوں نے کہا کہ اس وقت کوئی منصوبہ تجویز کرنے سے مذاکرات میں اسرائیل کی پوزیشن کو نقصان پہنچے گا۔
اس صفحے کو ای میل کیجیے
قابل چھپائی صفحہ
