مصری حکام نے کہا ہے کہ دارالحکومت قاہرہ کے باہر ایک  گنجان قصبے پر پہاڑی تودے کے پھسلنے سے کم ازکم30 افراد ہلاک اور 46 زخمی ہوگئے۔

اتوار کے روز زیادہ تر امدادی کارکن اس امید پر اپنے ہاتھوں سے ملبہ ہٹا رہے ہیں کہ ہفتے کے روز ہونے والے اس سانحے میں ملبے کے نیچے دب جانے والے ان افراد کو نکال سکیں جن کے بارےمیں انہیں توقع ہے کہ وہ ابھی زندہ ہوں گے۔

حکام کا کہنا ہے کہ مقتم پہاڑیوں کے دامن میں واقع اس قصبے پر  صبح کے وقت ایک بڑی چٹان گر گئی جس سے بہت سے مکان تباہ ہوگئے۔

مصری حکومت کا کہنا ہے کہ اس کا منصوبہ ہے  مزید پہاڑی تودوں کے پھسلنے کے خطرے کے پیش نظر اس علاقے کو مستقبل میں خالی کرایا جائے۔