پیرس کے سٹاک ایکس چینچ میں سرمایہ گار گرتی ہوئے حصص کا مشاہدہ کر رہے ہیں

پیر کے روز دنیا بھر میں اسٹاک مارکیٹیں ان خدشات کے باعث بری طرح گر گئیں کہ امریکہ کے قرضوں کا بحران پھیل رہا ہے اور جلد ہی یورپ کے مزید بڑے بینکوں کو اپنی لپیٹ میں لے سکتا ہے۔

صبح کے وقت امریکہ کے بڑے سٹاک انڈیکس دو فی صد سے زیادہ گرے، جب کہ یورپ کے بڑے انڈیکس دن کے دوران ایک موقعے پر پانچ فی صد سی بھی نیچے گر گئے تھے۔

ایشیا میں جاپان کا نکئی انڈیکس چار سال میں اپنی کم ترین سطح پر پہنچ گیا اور ہانگ کانگ کے ہینگ سینگ کاانڈکس تقریباً پانچ فی صد گرگیا۔

روس کی بڑی اسٹاک ایکس چینج میں15 فی صد سے زیادہ کمی کے  بعد کاروبار عارضی طورپر بند ہوگیا۔

مجموعی معیشت کے بارے میں خدشات کے سبب تیل کی قیمتیں بھی گرگئیں اور نیویارک الیکٹرانک سودوں کے دوران آٹھ ماہ میں کم ترین سطح یعنی 90 ڈالر فی بیرل سے بھی کم ہوگئیں۔

امریکی مرکزی بینک نے پیر کے روز اعلان کیا کہ وہ بینکوں کے لیے قرضوں کی فراہمی کو آسان تر بنانے کی کوشش میں اضافی اقدامات کررہا ہے۔