صدارتی انتخابات میں چار ہفتے باقی: انتخابی مہم میں گہما گہمی
October 6, 2008
ری پبلیکن پارٹی کے صدارتی امیدوار جان مک کین نے وعدہ کیا ہے کہ منتخب ہونے پر وہ مالی بحران میں گھرے امریکیوں کی مدد کریں گے، اور عہدے کی میعاد پورے ہونے سے پہلے پہلے بجٹ کا توازن بحال کر لیں گے۔
مک کین پیر کو نیو میکسیکو کے شہر البوکرکے میں طلبا کی ایک ریلی سے خطاب کر رہے تھے۔اُنہوں نے کہا کہ وہ چاہتے ہیں کہ حکومتی اخراجات کو کنٹرول میں رکھیں اور ملک کے دس ٹرلین ڈالر کے قومی قرضے کی صورتِ حال سے نمٹنے کے لیے اقدام لیں۔
شمالی کیرولینا میں ڈیموکریٹک پارٹی کے صدارتی امیدوار براک اوباما بے اپنے حریف مک کین کی نائب صدارتی امیدوار سارہ پیلن کی طرف سے دیے گئے الزام کا جواب دیا۔ پیلن نے اوباما پر الزام عائد کیا تھا کہ اُن کے جنگ کے خلاف سابق کارکن ولیم آئرز کے ساتھ قربت تھی۔ آئرز شکاگو میں رہتے ہیں اور اوباما کے پڑوسی ہیں۔
ویتنام کی جنگ کے دوران، آئرز نے تنازعے میں امریکہ کے ملوث ہونے پر احتجاج کرتے ہوئے بم دھماکوں سے سرکاری عمارات کو نقصان پہنچانے کا انداز اپنایا تھا۔ وہ اب کالج کے پروفیسر ہیں۔ پیلین کے حملوں کے جواب میں، اوباما کی انتخابی مہم نے سال 1980ء کے مالی اسکینڈل میں مک کین کے کردار کے بارے میں اشتہار جاری کیا ہے۔
اس صفحے کو ای میل کیجیے
قابل چھپائی صفحہ
