جنرل اشفاق کیانی اور ISIکے نامزد سربراہ لیفٹنٹ جنرل احمد شجاع پاشا امریکی فوجی بیڑے پر مائیک مولن سے ملاقات کر رہے ہیں۔اگست 27 2008

سرکاری ذرائع نے وائس آف امریکہ کو بتا یا ہے کہ بدھ آٹھ اکتوبر کو بند کمرے میں پارلیمان کے ہونے والے مشترکہ اجلاس میں ڈائریکٹر جنرل ملٹری آپریشنز لیفٹنٹ جنرل احمد شجاع پاشااراکین پارلیمان کو بریفنگ دیں گے، جنرل پاشا کو حال ہی میں میجر جنرل کے عہدے سے ترقی دے کر پاکستان کے جاسوس ادارےISI کا سربراہ نامزدکیا گیا ہے۔

صدر آصف علی زرداری کی جانب سے بلائے جانے والے اس اجلاس میں اراکین سینٹ اور قومی اسمبلی کو ملک کی مجموعی سلامتی کی صورت حال اور اس حوالے سے حکومتی اقدامات سے آگاہ کیا جائے گا۔

بند کمرے کے اس اجلاس میں اراکین پارلیمنٹ اور ان کوبریفنگ دینے والے سیکورٹی کے متعلقہ حکام کے علاوہ کسی اور کو شرکت کی اجازات نہیں ہوتی ۔ لیکن صدر زرداری اور وزیراعظم یوسف رضا گیلانی نے سابق وزیراعظم نواز شریف کو اس خصوصی اجلاس کی شرکت کی دعوت دی ہے۔ نواز شریف اس ایوان کے رکن تو نہیں ہیں تاہم ان کی جماعت مسلم لیگ (ن) اس وقت مرکز میں حزب اختلاف کی سب سے بڑی جماعت ہے۔