امریکہ کی طرف سے سوڈان میں القاعدہ کے خطرے کا انتباہ
October 11, 2008
امریکہ نے سوڈان میں رہنے والے اپنے شہریوں کو خبردار کیا ہے کہ القاعدہ سےتعلق رکھنے والا ایک گروہ اُن کو ہدف بناسکتا ہے۔ یہ بتاتے ہوئے، عہدے داروں نے اپنے شہریوں سے کہا کہ وہ سوڈان کے دارالحکومت خرطوم کے معروف ہوٹلوں سے دور رہیں۔ اُن کا کہناتھا کہ اوزون نامی کیفے جو کہ شہر کے متمول علاقے میں واقع ہےاُسے ہدف بنائے جانے کا بہت زیادہ امکان ہے۔ خرطوم میں امریکی سفارت خانے نے ہفتے کے روز بتایا کہ یہ خطرہ ’دو دریائے نیل کی سرزمیں پر القاعدہ ‘نامی ایک گروپ کی طرف سے لاحق ہو سکتا ہے۔ عہدے داروں کا کہنا ہے کہ اِس گروپ نے ایک بیان جاری کیا ہے جِس میں اُس نے جنوری میں ایک امریکی امدادی عہدے داے اور اُن کے ڈرئیور کے قتل کا حوالہ دیتے ہوئے اِس بات کا اعادہ کیا ہے کہ امریکہ اور اُس کے اتحادیوں کی طرف سے صلیبی جنگوں اور مُرتدوں کے خلاف جہاد جاری رہے گا۔ نئے سال کے موقعے پر ہونے والے إِس خونی حملے میں 33سالہ جان گرین ویل اور اُس کا سوڈانی ڈرائیور عبدل الرحمٰن ہلاک ہوئے تھے، جِس الزام میں پانچ سوڈانی افرادپر فردِ جرم عائد کر دی گئی ہے۔ ’انصار التوحید‘ نامی غیر معروف شدت پسند گروپ نے اِن ہلاکتوں کی ذمہ داری قبول کی ہے۔
اس صفحے کو ای میل کیجیے
قابل چھپائی صفحہ
