افغانستان میں اتحادی افواج نے ہلمند صوبے میں ایک اہم کمانڈر سمیت 65 طالبان جنگجوؤں کو ہلاک کرنے کا دعوی کیا ہے ۔ ہلمند صوبے کے گورنر کے ترجمان کے مطابق حملہ اُس وقت کیا گیا جبکہ طالبان عکسریت پسندصوبائی دارلخلافے لشکر گاہ پر حملے کی تیاری کر رہے تھے۔

افغانستان اتحادی افواج کا کہنا ہے کہ ان طالبان جنگجوؤں سے جھٹرپ کے بعدکامیاب فضائی حملے میں انہیں ہلاک کیا گیا۔

مقامی حکام کے مطابق اس حملے میں کوئی اتحادی یا افغان فوجی ہلاک نہیں ہوا تاہم افغان پولیس کی ایک گاڑی اس کاروائی میں تباہ ہو گئی۔

واضح رہے کہ افغانستان کے جنوبی صوبے ہلمند میں تعینات اتحادی افواج میں زیادہ تعداد برطانوی فوجیوں کی ہے اورسن 2006 سے اس صوبے میں تعینات 8000 برطانوی فوجیوں کی طالبان جنگجوؤں سے جھڑپ معمول کی بات ہے۔