سابق ایرانی اسپیکر مہدی کروبی صدارتی انتخاب میں حصہ لیں گے
October 12, 2008
ایران کے ایک ممتاز اصلاح پسند سیاست دان مہدی کروبی نے کہا ہے کہ وہ اگلےسال کے صدارتی انتخاب میں صدر محموداحمدی نژاد کا مقابلہ کریں گے جن کے بارے میں بڑے پیمانے پر توقع ہے کہ وہ دوسری مدت کے لیے انتخاب لڑیں گے۔
سابق پارلیمانی اسپیکر مہدی کروبی نےجون 2009ءکے انتخاب میں اپنی امیدواری کا اعلان ا توار کے روز تہران میں ایک نیوز کانفرنس کے دوران کیا۔ انہوں نے کہا کہ احمدی نژاد کی انتظامیہ خارجہ پالیسی اور اقتصادی مسائل سے نمٹنے میں ناکام ہوچکی ہے۔
کروبی نے صدر کی جانب سے ہالوکاسٹ سے انکار کرنے پر بھی نکتہ چینی کی۔ انہوں نے کہا کہ احمدی نژاد کے ماضی کے بیانات کی ملک کو بڑی بھاری قیمت ادا کرنی پڑی ہے۔
کروبی ایرانی صدارت کے لیے امیدواری کا اعلان کرنے والی پہلی بڑی سیاسی شخصیت ہیں۔
تاہم احمدی نژاد ملک کے سپریم لیڈر آیت اللہ علی خامنہ ای کی اہم حمایت جیت چکے ہیں جنہوں نے حال ہی میں صدارت کی دوسری چار سال کی مدت کے لیے ان کی توثیق کی ہے۔
اس صفحے کو ای میل کیجیے
قابل چھپائی صفحہ
