21 iyun kuni AQShning Kaliforniya
shtatida Osiyo-Amerika Go’zali konkursi bo’lib o’tadi. Tanlovning 20 yillik
tarixi davomida ilk bor O’zbekiston vakili ishtirok etmoqda. Tamanno
Komiljonova asli farg’onalik. Taniqli hofiz Tavakkal Qodirovning nabirasi.
Osiyo-Amerika Go’zali konkursida
17 dan 28 yoshgacha bo’lgan asli osiyolik qizlar ishtirok etadi. AQSh fuqarosi
bo’lish shart emas. Bu yilgi tanlovda 58 davlat vakilasi go’zallarning go’zali
unvoni uchun kurashadi.
24 yoshli Tamanno Komiljonova
AQShning Ogayo shtatidagi Kenyon san’at kollejini tamomlagan. Qo’shiq aytishni
juda sevadi.
San’atga mehr qo’ygan bo’lsa-da
Tamannoning kelajakda xonanda bo’lish niyati yo’q. Shunga qaramay u rus,
ingliz va ispan tillarida ham qo’shiq ijro etadi. Amerikada tanilishni va tanlovda g’olib
chiqishni orzu qiladi.
Radiolavhaning to'liq ko'rinishini mana bu yerda tinglash mumkin.
Xabarni jo'nating
Bosma uchun
