AQShda “826” deb nomlangan bir nodavlat tashkiloti bor. U bolalar va o’smirlarga yozishni, ijod qilishni o’rgatadi. O‘n yil avval taniqli adib Deyv Eggars va muallima Niniv Kalegari tomonidan San Fransisko shahrida tuzilgan bu tashkilot shu qadar shuhrat qozondiki, hozirda butun Amerika bo’ylab faoliyat yuritadi.
Ifodali yozishni bilish - muvaffaqiyat kaliti, Navbahor Imamova hikoya qiladi Right click (Control click for Mac) and choose Save Link/Target As
Download: MP3 | Windows Media
San Fransiskoning asosan lotin amerikalik muhojirlar yashaydigan mahallasidamiz. 826, Valensiya ko’chasi. Bu joyni o’quvchilar yaxshi biladi. Ko’rinishidan oddiy bir do’kon, lekin…
“Qaroqchilar” degan magazin ortida g’aroyib bir muassasa…
Ley Leyman - uning rahbari. Yoshlar yozishni o’rgansin, deydi u.
“Bu o’quv markazi. Shu bilan birga yosh avlodni ijod qilishga, ichki his-tuyg’ularni izhor etishga o’rgatadigan maskan”,- deydi u.
VOA
Tashkilot nomi uning adresidan olingan - 826, Valensiya ko'chasi, San Fransisko shahri
Maqsad – 6 yoshdan 18 yoshgacha bo’lgan o’quvchilarga badiiy yozishdan saboq berish.
Til va adabiyot o’qituvchilari ko’pincha o’quvchilarni shu yerga olib keladi. Darsdan keyin esa to’garaklar taklif qilinadi. Bepul. Bolalar yozishga qiziqsa bas. Murabbiylar yordamida mashq qiladi.
“Ko’pchilik bolalarning ota-onasi ingliz tilini bilmaydi, farzandlariga uy vazifasini bajarishda yordam bera olmaydi. Biz esa aynan shu, ota-onalar qila olmaydigan ishni qilishga, o’quvchilarga bepul yordam berishga harakat qilamiz”,- deydi Ley Leyman.
Tashkilot shu qadar mashhur bo’lib ketdiki, San Fransiskodan tashqari AQShning yana sakkiz yirik shahrida ish boshladi.
826 National
Yozishni o'rganish har bir inson uchun eng asosiy talablardan biri
O’quvchilarning soni 30 mingdan oshadi. Asosan muhojirlarning farzandlari. Amerikaliklarning yangi avlodi desa ham bo’ladi.
Davlat maktablarida mablag’ ozligi sababli o’quvchilarga ifodali o’qish va yozish sirlari uncha o’rgatilmayapti, e’tibor past, deydi tashkilot asoschilaridan biri Jerald Richards.
“Nazarimda, bugun maktablarda fizika, texnologiya, muhandislik va matematikaga katta e’tibor qaratiladi. Butun diqqat test topshirishda. Bolalarga imtihonlardan qanday o’tish o’rgatiladi, lekin fikrlash, o’z fikrini asoslab berish, uni qog’ozga to'g'ri tushirish singari juda muhim talablar chetda qolib ketadi”,- deydi Richards.
Vaholanki, yozish har qanday sohada, hatto fizika va matematikada ham zarur narsa, deydi murabbiy. Yozish qobiliyati kuchli o’quvchilar oliy ma’lumotli bo’ladi.
VOA
Ley Leyman, tashkilot rahbarlaridan biri
“Ish topish, ish beruvchiga ma’qul kelish uchun yaxshi yoza olish va aloqa qila olish kerak. Bu katta imkoniyatlar yaratadi”,- deydi Richards.
Tashkilot o’quvchilar qalamiga mansub asarlarni chop etishda ham yordam beradi. Kitoblar mana shu piratlar do’koni yoki internet orqali sotiladi.
Sofiya Markez yozgan hikoya yaqinda nashr etildi.
“Yosh avlodning fikri va qarashlari, ichki dunyosi kattalar uchun chuqur ahamiyat kasb etadi. Ularning kechinmalarini chetga sura olmayiz”,- deydi Ley Leyman.
“Tasavvurimni bayon etishni yaxshi ko’raman”,- deydi Sofiya.
2010-yilda “826” tashkiloti doirasida yozilgan asarlarning 944 tasi chop etildi. Mualliflar – o’quvchilar.
